Радио Юрган

Приёмная/факс: 8 (8212) 24-01-16

Электронный адрес:
smi-komimu@mail.ru

Адрес: 167982 Республика Коми, г.Сыктывкар, ул.Карла Маркса, д.229

Йитчыны миянкӧд

Skype пыр.

Связаться с нами

через Skype.

Сӧвет кадӧ косавлӧмӧн

KM 14 1

Таво Коми Республикаса Национальнӧй библиотекалы тырӧ 180 во. Тайӧ тшупӧда пасыслы вӧлі сиӧма "Библионочь" акция. Кольӧм вежонӧ лыддьысянінын нёльӧдысь нин котӧртлісны сійӧс. Рытпукыс муніс "Машина времени" нимпас улын, та вӧсна гаж вылӧ воысьяслы вӧзйисны косавлыны кольӧм нэмъясӧ, а сідзжӧ мӧвпыштны сы йылысь, кутшӧма вежсяс олӧмыс матысса воясӧ.

KM 14 2

Весиг тешкодь вӧлі аддзыны библиотекаысь сёр рытын та мында йӧзсӧ. Лыддьысянінлӧн жыръясын юргисны сьыланкывъяс, кыліс серам, жӧдзисны томулов, а ӧд мукӧд лунсӧ сэні весиг гораа сёрнитны оз позь.

Библиотекаӧ пырысьясӧс, кыдзи и быд лун, вочааліс Владимир Ильич Ленинлӧн бюст. Сы дорын сулалісны том "революционеръяс", вӧзйисны снимайтчыны вождькӧд. Сэні жӧ вӧлі паськӧдӧма Сӧветскӧй Союзлы сиӧм выставка. Лавкаын небӧгъяссӧ позис ньӧбны сӧвет кадся донысь.

KM 14 3

Сӧвет кадӧ косавлыны вермисны и найӧ, кодъяс гижӧдчисны "Ленинка" пионерлагерӧ. "Шойччысьяслы" кӧрталісны пионерлысь галстук да барабанӧ клонгӧм улӧ ыстісны ворсны "Зарницаысь".

Бокынджык ассьыс ӧдзӧссӧ вӧлі восьтӧма "Бродячая собака" арт-кафе. Сэтчӧ пырысьяс веськавлісны "Эзысь нэмӧ". Позис юыштны кофе, кывзыштны классикъяслысь кывбуръяс да ловъя музыка, видзӧдны неыджыд спектакль.

KM 14 4

Уналы воис сьӧлӧм вылас локтан нэмъяслы сиӧм площадка. Сэні позис видлыны вынтӧ робототехникаын, варовитыштны муса роботкӧд да нуръясьыштны космонавтлӧн сёянӧн.

Ичӧт зонпосни пыралісны "гӧсьтитны Корней дед дорӧ". Тадзи вӧлі шусьӧ Корней Чуковскийлӧн творчестволы сиӧм ворсанін. Челядь ворсісны "юмов" викторинаысь, ас киӧн вӧчисны сола нянь шомысь чача, видзӧдісны диафильм.

KM 14 5

Мӧд судтаас позис снимайтчыны XVIII нэмся аристократъяслӧн салонын да коми керкаын. XVIII нэмӧ жӧ позис веськавны налы, кодъяс эз повзьыны игнасьлыны Денис Фонвизинлӧн «Недоросль" теш серти дасьтӧм "Митрофанушка решил жениться" квест-жырйӧ. Том йӧзлы коліс час джынйӧн тӧдмавны нӧдкывъяс, корсьны ключ да удитны петны сэтысь.

KM 14 6

Суйӧрсайса литература юкӧнын вӧзйисны мукӧд страналысь кывъяс тӧдӧм кузя ворсӧм. Сідзжӧ позис видзӧдлыны библиотекалӧн архивысь медся важся небӧгъяс.

Вӧлі мый вӧчны и библиотекалӧн чужан му туялан литература юкӧнын. Сэтчӧс зільысьяс ворсӧдісны шегъясьӧмысь, тӧдмӧдісны вӧралан календарысь звер-пӧткаӧн, велӧдісны кыны коми серъяса вӧнь.

"Библионочь" муніс сёр войӧдз. Помасис сійӧ "Fіre-fly" котырлӧн фаер-шоуӧн.

KM 14 7KM 14 8

Павел Королёв

Снимокъясыс авторлӧн

 

Добавить комментарий


наверх