Радио Юрган

Приёмная/факс: 8 (8212) 24-01-16

Электронный адрес:
smi-komimu@mail.ru

Адрес: 167982 Республика Коми, г.Сыктывкар, ул.Карла Маркса, д.229

Йитчыны миянкӧд

Skype пыр.

Связаться с нами

через Skype.

Татшӧмӧн тэ и колян миян паметьын... 2015 во

2

Мылдінса коммунальнӧй овмӧсын зільысьяс дӧмлісны уна патераа керкалысь розялӧм стенсӧ... баннерӧн. А сы вылын лов кыпӧдана гижӧд: «Мылдінлы овны, томмыны да сӧвмыны!»

Комиын дзескыдінын 2 сюрсысь унджык пукалысь петіс кадысь водз вӧля вылӧ. Помкаыс - Ыджыд вермӧмсянь 70 вося тшупӧда паслы сиӧм амнистия.

Сыктывдін районса Кӧмъярысь ӧти дядьӧ вылӧ уськӧдчылӧма ош. Вӧралысь вачкӧма Микайлӧ Потапычлы синмас, а мӧд и пышйӧма.

«Дядя Ленинлӧн» чужан лунӧ Сыктывкарса 4 №-а пывсянын мужичӧйяс панӧмаӧсь вен-зык. Вир пасьтӧм тышкасьысьясӧс лӧньӧдны волӧмаӧсь полицияысь.

Кулӧмдінса погона войтыр вӧтчӧмаӧсь код юра шопер бӧрся да кежавлӧмаӧсь жӧ пывсянӧ. Дядьӧыд дзебсьӧма йирк вылас да кутӧма шыбласьны сэтчӧ сайӧдӧм кӧлуйӧн.

Оланпас серти июль 24 лунсянь пищаль вылӧ лицензия босьтӧм могысь колӧ быть прӧйдитны сідз шусяна химико-токсикологическӧй туясьӧм. Ас кывйӧн кӧ, сдайтны кудз анализ, медым эскӧдны, мый эн «няйтчӧдчы» дурмӧдчанторйӧн. А татшӧм туясьӧмсӧ ӧнӧдз вӧчисны сӧмын Сыктывкарын. Гӧгӧрвоана, юркарӧ волыны абу быдӧнлы кивыв, да, гашкӧ, та понда выль оланпас пӧртӧмсянь Комиысь 160 вӧралысь шыӧдчис погона войтыр дорӧ лыйсянсӧ воштӧм йылысь юӧрӧн.

Эжваысь ань локтӧма гортас да абу вермӧма восьтыны патера ӧдзӧссӧ. Вӧлӧмкӧ, сійӧс панйӧма суседыс: нинӧм абу и казялӧма, пырӧма аслас ключӧн да... водӧма узьны. «Ирония судьбы» дай сӧмын!

Статистика серти, Коми Республикаын зільӧ-мырсьӧ дас нёль сюрс чина морт.

Кулӧмдінса Ыджыд Кужйысь ӧти дядьӧ уджйӧзасьӧма банклы. Судприставъяслӧн сы ордӧ вотӧдз сюсь мортыд дзебӧма машинасӧ толаӧ, но... суседыс «вузалӧма» сійӧс: суныштлӧй пӧ лымъяс.

Сыктывдін районса Выльгортысь 2 №-а школаын нывкаӧс абу лэдзӧмаӧсь урок вылӧ сӧмын сы вӧсна, мый сійӧ локтӧма велӧдчысьлӧн форматӧг.

Ылӧдчысьяс дзикӧдз веляммисны. Сыктывкарса олӧма аньлы вузалӧмаӧсь став висьӧмсӧ бурдӧдысь дивӧ-пластырь. Доныс шензьӧдана жӧ - 511 сюрс шайт!

Кулӧмдін, Сыктывдін, Сосногорск районъясын, юркарын санэпидемнадзорлӧн тшӧктӧм серти кад кежлӧ пӧдлавлісны ӧти бӧрся мӧд шнич выль садикъяс. Помкаыс - вежӧсъяслӧн сынӧдын гӧвкъялысь лов пӧдтана формальдегид.

Юркарысь Игорь Абатуров НТВ-лӧн ӧти передачаын зілис эскӧдны ставлы, мый сійӧ Валерий Леонтьевлӧн вок.

Сентябрь 19 лунӧ чардбиӧн гымыштіс, да кодсюрӧ ӧнӧдз на немӧялӧны. Москваын, Питерын, Сочиын ӧтырышъя арестуйтісны виччысьтӧг разавны удитӧм Комиысь власьт. СИЗО камераӧ веськалісны республикаса Юралысь В.Гайзер, Госсӧветса спикер И.Ковзель, губернаторӧс вежысь А.Чернов, правительствоӧн веськӧдлысьӧс вежысь К.Ромаданов да мукӧд.

Луздорса пошта юкӧнын зільысь зепталӧма 300 сюрс шайт. Кор киӧдыс кутӧмаӧсь, нывбаба бӧрдӧм сорӧн гӧгӧрвоӧдӧма - семьяын пӧ сьӧмнас дзескыдджык лои да сійӧн...

Комиын олысь Александр Бондаренколы лун и вой дӧсадитчисны коллекторъяс: корисны вештыны кредитысь уджйӧз. Бӧрас тыдовтчис, мый банксалы уджйӧзасьӧма Ӧльӧксанлӧн  дзик тӧдтӧм тьӧзӧыс, коді олӧ... Омскын.

Сентябрь 22 лунӧ Кӧрткерӧсын восьтісны автобус сувтланін. Стӧчджыка кӧ, сылысь подувсӧ - бетон плита... Но кыпыда, бантик вундӧмӧн!

«Газпром» шуӧма вичмӧдны сьӧма отсӧг, медым эштӧдны Серегов санаторий, кодӧс лэптӧны этшатӧг 30 во нин.

Коми бара на вермис став Россия тшупӧдын! Вӧлӧмкӧ, республиканым - медся юысь регион.

Изьва районса Мокчойысь Татьяна Терентьева волӧма юркарӧ да ньӧбӧма верӧсыслы пелыс. Но кӧрт туй вокзалын аньӧс абу лэдзӧмаӧсь поездӧ, да пелыссӧ ковмӧма козьнавны дзик тӧдтӧм йӧзлы.

Ноябрь 13 лунӧ Интаын выльӧн бӧрйӧм мэр Павел Смирновӧс кутісны 1 миллион 132 сюрс шайта калым босьтӧмысь.

Ухтаысь Эмма Волкова - республикаын медводдза ань, кодӧс вайӧдӧмаӧсь кывкутӧмӧ мӧдысь нин код юрӧн руль сайӧ пуксьӧмысь. Ёрд шуӧма Волковалы 200 час уджавны государстволы бур вылӧ.

Июль 21 лунӧ Човъюысь мужичӧй асывбыд петкӧдлӧма тӧвзьысь поездъяслы... куш сітансӧ да муртса абу торкӧма налысь урчитӧм кад серти ветлӧм.

Ёрдлысь помшуӧм СИЗО нара вылын виччысьӧны республикаса вӧр комитетӧн вӧвлӧм веськӧдлысь Василий Осипов, сылӧн вежысьяс Александр Куратов, Руслан Ульянов да мукӧд. Прокуратуралӧн донъялӧм серти, чина йӧз вӧчисны Комиысь вӧр овмӧслы 4,6 миллиард шайт дон убытка. «Оборонсервисысь» Евгения Васильевалы, кыдз шуласны, тайӧяслысь велӧдчыны на колӧ!

2 арӧса Надя Касеваӧс виысь Константин Субботинлы ёрд шуис 23 во пукавны сутшкасьысь сутуга сайын.

Июль бӧръя войӧ Кажымса чери овмӧсын кольӧм вося моз пӧдіс форель - матӧ 30 тонна, тайӧ воддза дорысь кык пӧв  этшаджык. Черисӧ санэпидемстанцияса тшӧктісны сотны.

Таво Комиысь мӧдлаӧ овны муніс матӧ 8 сюрс морт.

Сентябрь 30 лунӧ Президент кырымаліс Сергей Гапликовӧн Коми  Республикаын Юралысьлысь удж вӧчӧм йылысь индӧд. Сочиса Олимпиада кежлӧ спортобъектъяс медшӧр стрӧитысь эскӧдіс, мый ставнымӧс «заколебитас», но овны кутам европасаысь бурджыка!

Ухтаса наркополицейскӧйяс кутӧмаӧсь дурмӧдчанӧн вузасьысьясӧс, дзебаснысӧ эрдӧдігӧн аддзӧмаӧсь 6 килограмм дурмӧдчантор, мӧд ногӧн кӧ, 10(!) миллион наркотик доза.

Опера да балет театрын сьылысь 64 арӧса Геннадий Муралёв шутёвтліс Москваӧ, медым аддзыны «Давай поженимся» передача пыр сьӧлӧм косьтысьсӧ, витысь видліс сдайтны машина право вылӧ, а сэсся руль сайын мунігӧн уськӧдіс кок йывсьыс туй вуджысь 20 арӧса аньӧс. Нылыд, слабог, эз ёна доймав - больничаын видлалӧм бӧрын сійӧс лэдзӧмаӧсь гортас. «А колӧкӧ, тайӧ и вӧлі менам музаӧй?» - гыжъялӧ балябӧжсӧ нималана артист.

Мылдін районын юӧртӧг вошис Ан-2 самолёт. Борт вылын вӧлӧма кык морта экипаж да нёль пассажир.

Изьва районса вӧрын тшӧтш корсьӧны мортӧс. Август 18 лунӧ Мокчойысь Яков Вокуев нинӧм абусьыс лыйис кык суседӧс, ранитіс коймӧдӧс да сайӧдчис матігӧгӧрса пармаын.

Удораса Вожскӧйын гусялісны... некымын километраа туй. Стӧчджыка кӧ, сы вылысь бетон плитаяс.

Август 6 лунсянь Россияса Президент шуис тракторӧн талявны «антисанкция» улӧ веськалӧм сёян-паськӧм-кӧлуй.

 

Добавить комментарий


наверх