Радио Юрган

Приёмная/факс: 8 (8212) 24-01-16

Электронный адрес:
smi-komimu@mail.ru

Адрес: 167982 Республика Коми, г.Сыктывкар, ул.Карла Маркса, д.229

Йитчыны миянкӧд

Skype пыр.

Связаться с нами

через Skype.

СЮСЬ МӦВП

1

Кор оз артмы нажӧвитчыны, заводитӧны дзайгыны. Кор оз артмы дзайгыны, заводи-тӧны гусясьны. Кор оз артмы гусясьны, заводитӧны воюйтны. Кор оз артмы воюйтны, велӧдчӧны уджавны. Сиа, медым ставӧн велалiсны уджавны да нажӧвитчыны!

 

 

ТЫР-БУР ВОЙТЫР

3

Быдсяма маньякыс паськаліс... Висьталӧны, ӧти ань рытнас лифтӧ пырӧма, а сы бӧрся кутшӧмкӧ мужик - шмыг! Топӧдас аньтӧ пельӧсӧ, и эсійӧ... Сюрс шайт мыччас. Аньыд вывті мудз чужӧма да гӧлиник паськӧма вӧлӧма... А мый: кык челядь, верӧсыс кӧнкӧ шӧйтӧ, алимент оз мынты... Со и сетӧма сюрс шайт. Ӧти кывйӧн кӧ, маньяк!

Но тайӧ мый на. Мӧдысь, висьталӧны, мужичӧй рытъя смена вылысь вӧлӧм гортас довгӧ. Подъездас пырас - сэні кык амбал. Матыстчасны мужик дорад - и эсійӧ!.. Иномаркалысь ключ мыччасны. Вӧлӧмкӧ, кутшӧмкӧ озыр дядьӧ конкурс нуӧдӧ, подъездӧ пырысь миллионӧд мортӧс кыйӧдӧ. Но абу мӧй маньяк?!

АНЕКДОТЪЯС

4

Коммуналка донсялӧ. Экономитӧй битӧ и ватӧ... Мыссьӧй ваннаад гозйӧн, сиська биӧн...

@ @ @

Кусӧдісны би. Вель дыр скӧралі, сэсся видзӧдлі колян тӧлысся квитанция да... пыр и кӧдзалі.

ШОНДІБАНӦЙ, ОЛӦМАНӦЙ!..

5

ТЕАТРАЛКА 

Театр радейтӧм ме пытшкын кусӧ,

Пежкӧд водзсасьны водзӧ ог сяммы:

Менам син водзын... менам жӧ муса

Быд лун ворсӧ семьякостса драма.

Дона козин

Студентлы мусмис озыр семьяысь ныв. Коркӧ муспозйыс чукӧстіс гӧль зонмӧс аслас нимлун вылӧ, а нывлӧн ай-мамыс корисны нималана котыръясысь пыдди пуктана йӧзӧс. Татшӧмъяс пыр локтӧны дона козинъясӧн да ӧта-мӧд водзас ошйысьӧны, коді на пиысь медъёна чуймӧдас нимлунасьысьӧс. А мый вермас козьнавны гӧлиник студент аслас сӧстӧм, муслунӧн тырӧм сьӧлӧм кындзи? Веськыда кӧ шуны, оз донъявсьы талун муслуныд. Ӧні медсясӧ донъявсьӧны мичмӧданторъяс, озыра серӧдӧм платтьӧ да сьӧм.

Мый вӧчны? Бура дыр мӧвпаліс студент да вӧчис со кыдзи... Мӧдӧдчис озыр лавкаӧ да юаліс:

- Эм-ӧ тіян дона, но жугласьӧм дозмук?

наверх