Радио Юрган

Приёмная/факс: 8 (8212) 24-01-16

Электронный адрес:
smi-komimu@mail.ru

Адрес: 167982 Республика Коми, г.Сыктывкар, ул.Карла Маркса, д.229

Йитчыны миянкӧд

Skype пыр.

Связаться с нами

через Skype.

Дона козин

Студентлы мусмис озыр семьяысь ныв. Коркӧ муспозйыс чукӧстіс гӧль зонмӧс аслас нимлун вылӧ, а нывлӧн ай-мамыс корисны нималана котыръясысь пыдди пуктана йӧзӧс. Татшӧмъяс пыр локтӧны дона козинъясӧн да ӧта-мӧд водзас ошйысьӧны, коді на пиысь медъёна чуймӧдас нимлунасьысьӧс. А мый вермас козьнавны гӧлиник студент аслас сӧстӧм, муслунӧн тырӧм сьӧлӧм кындзи? Веськыда кӧ шуны, оз донъявсьы талун муслуныд. Ӧні медсясӧ донъявсьӧны мичмӧданторъяс, озыра серӧдӧм платтьӧ да сьӧм.

Мый вӧчны? Бура дыр мӧвпаліс студент да вӧчис со кыдзи... Мӧдӧдчис озыр лавкаӧ да юаліс:

- Эм-ӧ тіян дона, но жугласьӧм дозмук?

- Сюрас и татшӧмыс.

- А дона-ӧ сувтас?

- Тшаква.

Нимкодь том мортлы, корис гартны мича кышӧдӧ, а ачыс долыда вешйис мынтысьны кассаӧ.

Рытнас пыдди пуктана гӧсьтъяс шванитчигтыр босьтчисны петкӧдлыны дона козинъяссӧ, а студент рамыда матыстчис муса ныв дорас да мыччис ассьыс тубрассӧ. Но... быттьӧ ныртшукмуніс и козиныд гораа шыалӧмӧн пазмуніс.

Гӧсьтъяс акнитісны, а шогӧ усьӧм ныв видзчысьӧмӧн кыпӧдіс тубрассӧ, разис... Ак, мый нӧ тайӧ? Вӧлӧмкӧ, зіль вузасьысь быд торпыриг торйӧн-торйӧн туплялӧма мича кабалаад... Гӧстьяс весьӧпӧрисны быдсӧн, а студент яналӧмысла пышйис налӧн син водзысь. И сӧмын сӧстӧм ловруа нывлы тайӧ торпыригъясыс вӧліны меддона козинӧн. Ӧд на сайын сійӧ аддзис гӧль зонлысь муслунӧн тырӧм сьӧлӧмсӧ.

Вуджӧдіс Юрий Яковлев.

 

Добавить комментарий


наверх