Радио Юрган

Приёмная/факс: 8 (8212) 24-01-16

Электронный адрес:
smi-komimu@mail.ru

Адрес: 167982 Республика Коми, г.Сыктывкар, ул.Карла Маркса, д.229

Йитчыны миянкӧд

Skype пыр.

Связаться с нами

через Skype.

Кӧин котыр

Свинеч эшкын моз ӧшйӧдчис енэж,

Мудзӧм шондіыс - ымралысь чут.

Урӧс кӧинъяс шӧйтӧны енмӧн

Ёрӧм му вывті - нинӧм оз кут.

 

Ыджыд котырӧн шӧйтӧны найӧ,

Да и ӧткалы шедан кӧ - пом.

Сьӧкыд правдалы - некод оз сайӧд,

Колӧ быдлаын тупкыны вом.

 

Пемыд вынъясысь дзебсясьны ковмӧ,

Туй ни ордым, быд пельӧсын лэч.

Коркӧ югыда позьліс жӧ овны,

Ӧні пемыдыс овны оз лэдз.

Анекдотъяс

Сӧмын Россияын вӧчӧны стенъяс, код пыр ставыс кылӧ, но кӧрт тув тувъявны сэтчӧ он вермы!

 

***

 

- Комын градуса кӧдзыд дырйи машинаыд заводитчӧ оз?

- Ог тӧд... Татшӧм кӧдзыднас сiйӧ весиг оз воссьы...

Письмӧ

6

Чолӧм, пиук. Шуим кодкӧлунӧ

Батьыдкӧд тэд шыасьны письмӧӧн.

Выльторйыс, дерт, ӧкмис вывті уна,

Ставсӧ ог и казьтыв, чайтан йӧйӧн.

 

Кыдзкӧ-мыйкӧ пасйышта, и олас,

Пӧрысьыдлӧн олан ладыс сэтшӧм:

Дедкӧд весиг пиньӧ эгӧ волӧй,

Картупель мый пуктім таво этша.

 

Помнитан ӧд, пиук, кодыр майнас

Шоныд лунъяс воӧны, суседным

Ачыс локтӧ тракторӧн, эн майшась,

Отсасьӧ на... Сьӧм, дерт, колӧ сетны.

АНЕКДОТЪЯС

- Ура-а-а, мамным удж вылысь воис! - внукъяссӧ панйӧмӧн горзіс пӧчӧ.

 

@ @ @

 

Батя-пиа восьлалӧны садйӧ. Пиыс индӧ сы арлыда жӧ кымын нывка вылӧ:

- Со пӧдлюга мунӧ...

Батьыс чуймис:

- Мыйла пӧдлюга?!

- Катя менам пӧдлюга. Ёйтасям ми сыкӧд...

Юалі ме...

7

Юалі ме Яндекслысь,

Кӧні менам мусаӧй?

Яндекс эз и вочавидз,

И эз бурӧд лов.

Юалі ме Рамблерлысь,

Кӧні менам мусаӧй?

Рамблер менӧ кояліс

Сійӧн, мый оз ков.

наверх