Радио Юрган

Приёмная/факс: 8 (8212) 24-01-16

Электронный адрес:
smi-komimu@mail.ru

Адрес: 167982 Республика Коми, г.Сыктывкар, ул.Карла Маркса, д.229

Йитчыны миянкӧд

Skype пыр.

Связаться с нами

через Skype.

Ванга на тунавлӧма...

Европа ойдӧма Матысса Асыввылын войнаысь пышйысь войтырӧн. Евросоюзлӧн бӧръя саммит дырйи рытыввывса странаясӧн веськӧдлысьяс шуисны, мый овмӧдасны асланыс муясын сӧмын 160 сюрс беженечӧс. А кытчӧ инавны мукӧд миллионӧн-джынйӧн йӧзсӧ, политикъяс оз тӧдны. Медым кыдзкӧ сувтӧдны вир кисьтанiнысь пышйысьӧc, Евросоюзӧ пырысь ӧткымын государство оланпас торкалӧмӧн пӧдлалiс границасӧ. Но весиг тайӧ эз падмӧд беженечьястӧ - найӧ зiля восьлалӧны лышкыдджык сьӧлӧма войтыр дорӧ. А ӧд коркӧ Ванга на тунавлӧма: Европаын пӧ регыд кутасны ыджыдавны асыввывса...

1

 

Кыпыс оз нин кыпӧд

2

Быд лун квайт час асылӧ радио пыр юргӧ Россияса Федерациялӧн гимн. Кывза да сьӧлӧм тырлӧ нимкодьлунӧн, весиг сьылыштны окота.

Та бӧрын некымын здук мысти босьтчӧ шыавны мӧд, Коми Республикалӧн кыпӧн шусьӧ. Но медводдза строкасяньыс кыпыдлун вошӧ.

Василичлӧн байкаяс

3

Пӧрысь выжыв, помтӧг броткӧдчысь Василич пӧль аддзӧма телевизор пыр, кыдзи ОМОН песовтіс миян радейтана Юралысьлысь небыдик кияссӧ да дорис кӧрт наручникӧ, и кос синва лэдзӧм да стопка пӧрӧдӧм бӧрын парсыштіс тайӧ частушкаяссӧ. Кыдзи шуласны, на злобу дня...

      * * *

Чушсӧ нюжӧдӧма нучка,

Дышӧдӧма ясли,

Виччӧ Юралыссянь козин -

Бриллианта часі!

 

Дона пӧдругаӧй, кылан,

Кытысь судзӧдны мандат?

Ыджыдалӧ Коми муын

Жулик, вӧр да депутат!

 

Нажӧвитчин? Шойччы!..

Сыктывкарса наркополиция кутӧма киӧдыс 24-25 арӧса куим том аньӧс, кодъяс иналӧмаӧсь юркарын дурмӧдчантор. Тӧдса нин, мый аньяс бур семьяысь, некӧн абу уджавлӧмаӧсь, кыкыс дурӧны наркотикӧн.

Погоналӧн туялӧм серти дурмӧдчанторсӧ найӧ ньӧбӧмаӧсь интернет пыр, юклӧмаӧсь торъя дозаяс вылӧ, а сэсся иналӧмаӧсь найӧс дзебасъяс отсӧгӧн. Аньяслӧн оланiнын обыск дырйи наркополицейскӧйяслы веськалӧма 200.000 (!) дурмӧдчан доза. Йӧзлӧн шог вылын нажӧвитчыны окотитысьясӧс йӧршитӧмаӧсь камераӧ. Аньясӧс виччысьӧ суд. Тӧдысь йӧз туналӧны налы быдӧнлы матысса 20 восӧ «гожйӧдчыны» тюрьма нара вылын.

 

Рошкыд чачаяс

4

Ӧти сиктӧ воис олӧма морт да и кольччис овны.

Ыджыд мывкыда вӧлӧма пӧльыд, и челядьӧс ёна радейтӧ - став прӧст кадсӧ пыр накӧд коллялiс. И нӧшта мастеритлiс мича чачаяс. Но мыйлакӧ рӧшкыд пуысь вӧчасис. Кыдзи кӧть эз дӧзьӧритны да видзны челядь дона козинъяссӧ, чачаяс ӧтарӧ жугласисны. Збыльысь, тайӧ нелючкиыс ёна шогӧдлiс посни войтырӧс.

АВТОЛЮБИТЕЛЬЯС

5

Петров гаражын машинасӧ видзӧ,

А Иванов со ассьыс войт оз видз:

Кӧть тӧв, кӧть гожӧм газъялӧ,

Да сідзи,

Мый веськодь - водзас «бур туй» ли «кирпич».

Петров гаражын машинасӧ видзӧ,

Пыр подӧн ветлӧ, прӧста сьӧм оз кой.

А Иванов со вузаліс «Москвичсӧ»

Да кыськӧ ньӧбис иномарка шой.

Кут асьтӧ киын (притча)

6

Олiс-вылiс асныра, быд нинӧм абусьыс зэв ӧдйӧ скӧрмысь том морт. Ӧтчыд батьыс сетiс сылы неыджыд мешӧкын кӧрт тувъяс да шуис: «Быд скӧралiгӧн тувъяв потшӧс суръяӧ ӧти кӧрт тув».

Медводдза лунас сюръяӧ тувъялӧма лои некымын дас кӧрт тув. Вежон мысти том морт велалыштiс нин кутны асьсӧ киын да тувъясьны кутiс гежӧдджыка. Том морт гӧгӧрвоис, мый мӧлӧтӧн уджалӧм дорысь кокниджык кутны асьтӧ киын.

АНЕКДОТЪЯС

8

- Иван Царевич, тэ кытчӧ?

- Видз вылӧ... Кыдзи батьӧй тшӧктiс: ньӧввужйысь, кодлӧн йӧрӧ веськалас ньӧвйыс, сы вылӧ и гӧтрася.

- А мыйла нӧ ньӧв дорас граната кӧрталӧмыд?

- Да ог кӧсйы ме гӧтрасьнысӧ!..

наверх