Радио Юрган

Приёмная/факс: 8 (8212) 24-01-16

Электронный адрес:
smi-komimu@mail.ru

Адрес: 167982 Республика Коми, г.Сыктывкар, ул.Карла Маркса, д.229

Йитчыны миянкӧд

Skype пыр.

Связаться с нами

через Skype.

A. Кайдановский

8

Менам вӧлі пон, ме сійӧс ёна радейті.

Ӧтчыд понйыд сёйис яй, но бара радейті.

Мӧдысь кӧтӧдіс джодждӧра, век жӧ радейті,

Коймӧдысь выль сапӧг йирис, нӧшта радейті.

Сӧмын дзигӧді да шуи: «Аддзан, терпита!»

Понйыд ышловзис: «Ме тэнӧ тожӧ радейта».

 

Ыджыд перемена

9

Лёша локтіс школаысь. Мамыс юасьӧ сылысь:

- Но мый, пиук, школаад выльторйыс?

- Столӧвӧйын булки донсяліс, - зэв-зэв шога юӧртіс зонка.

Гажтӧм куплетъяс

2

Сідзи артмис, мый страна

Ори, быттьӧ жеб струна,

Юрсӧ лэптіс лышкыд барин,

Асьсӧ петкӧдлӧ зэв ярӧн.

 

Оз нин бергав дурпоп моз,

Мый и вӧлі, киссьӧ,

Киыс тірӧ, вомыс кос,

Юрыс клерклӧн висьӧ.

Василич пӧльлӧн байкаяс

3

Кодкӧлун тӧдмалі Дуся пӧчсянь, быттьӧ ветлӧны сёрнияс, мый регыд киритасны врач-велӧдысьлы, ӧти кывйӧн кӧ, бюджетниклы индылӧм лёгота. Шог юрӧн локті гортӧ, горничаын пӧнар югыдджыка ломзьӧді, вежа Ладимер ӧбраз водзӧ сись сувтӧді, ныр йылӧ ӧчки пысалі да доя сьӧлӧм пыр босьтчи гижӧд чужтыны. Мый артмис, донъявны тіянлы...

Вежӧрӧ пуксян номер

5

Олӧма мортлы норасьӧ пӧрысь суседкаыс:

- Дзикӧдз торкси, некыдзи ог вермы тіянлысь телепон номертӧ вежӧрӧ кольны...

- А мыйла? Зэв кокни номер да!

- Вот ог помнит дай ставыс...

Сусед шпыньмунліс:

- Миян карын став номерыс заводитчӧ ветымын витсянь, сідз ӧд?

Менам зон

6

Менам зон - Лесозаводса гопник,

Тайӧ сідз, и шуа, кыдзи эм:

Мый семьяын быдми,

Олі кокни,

Шуда олӧм - весиг яндзим мем.

Менам зон спортивнӧй гача, киас

Тырыс серпас.

Скӧр, но абу горш!

Тӧдмасим столӧвӧйын, кор сійӧ

Уступитіс меным бӧръя борщ.

Тшак ни чери!

7

Таво сентябрнас ёрткӧд мунім Чернамӧ тшак вотны. Туйыс кӧть абу ёна бур, машинанад вель ылӧдз воӧдчим. Паныдалім ружьеа дядьӧӧс - мыр вылын пукалӧ, шойччӧ-тшынасьӧ. Ёртӧй мыйӧн аддзис вӧралысьтӧ, пыр жӧ восьтіс машина ӧшиньсӧ да гораа шыасис сы дінӧ: «Но, мый, другӧ, тшакыс эм али абу?!» Дядьӧыдлӧн вочакывйысь тайкӧ серамӧйла семда. Мортыс зэв лабутнӧя шуыштіс: «Тэ мед нӧшта чери кыйӧм йылысь юалін...»

Виктор МУРАВЬЁВ. Сыктывдін район.

 

наверх