Радио Юрган

Приёмная/факс: 8 (8212) 24-01-16

Электронный адрес:
smi-komimu@mail.ru

Адрес: 167982 Республика Коми, г.Сыктывкар, ул.Карла Маркса, д.229

Йитчыны миянкӧд

Skype пыр.

Связаться с нами

через Skype.

Гортувса доймӧм

8

Ӧти лунӧ пилорама дорӧ эз петны кык уджалысь, Славчик Миш да Зина Ӧньӧ. Ӧтпырйӧ кыкнанныслӧн пӧ гортувса доймӧм лоӧма. Зина Ӧньӧ, висьталӧм сертиыс, рытнас гидӧ лэччигӧн усьӧма да шуйга синсӧ сэтшӧма дойдӧма, тупкысьмӧн лӧзӧдӧма коньӧрлӧн. А Славчик Миш веськыд кисӧ пывсян ӧдзӧс костӧ топӧдлӧма - кык чунь чегмӧн.

Ставыс тайӧ эськӧ веритана, но рамщикъясӧс аддзылісны, мый тӧрыт рытнас кык друг ӧтлаын сельпо лавкалань сетчисны, медым совхоз правленньӧын сетӧм аванс мыськыны. Да и сёр рытнас на ыджыд гӧлӧсӧн сьылӧмныс вадор будкаяс сайын вӧлі кылӧ. И нӧшта сійӧ чуймӧдіс, мый дзик ӧти кадӧ кыкнаннысӧ неминуча суӧма!

 Дыр мыкталӧм бӧрын сэсся висьтасисны жӧ совхозса юрнуӧдысьлы: гажмӧм бӧрын пӧ нинӧм абусьыс венӧ пырим.

Ӧньӧ аслас ёсь кывйӧн да вежӧрӧн пондӧма венны ёртсӧ. Славчик Миш, колӧкӧ, и сетчис эськӧ, но «чайникӧн» нимтӧм бӧрад пӧсь ва моз и пузьӧма - дыр думайттӧг сизьдыштӧма Зина Ӧньӧлы чужӧмас, мед оз вывті кыпъяв. Лёк выннад куч-кӧмысь со весиг чунь чегмӧн лоӧма.

Да-а-а. Но сэсся мый лои, сійӧ лои - ловъяӧсь тай-а.

Николай ИГНАТОВ.

 

Добавить комментарий


наверх