Радио Юрган

Приёмная/факс: 8 (8212) 24-01-16

Электронный адрес:
smi-komimu@mail.ru

Адрес: 167982 Республика Коми, г.Сыктывкар, ул.Карла Маркса, д.229

Йитчыны миянкӧд

Skype пыр.

Связаться с нами

через Skype.

Эн сӧр нем абусӧ!

5

Паччӧр вылын куйлӧмӧн Бетон Асфальтович гораа рӧссуждайтіс:

- Мыйыс сӧмын эз вӧвлы кузь нэмнад! Куимысь турӧб шӧрӧ веськавлі - ловйӧн петавлі. Кыкысь юӧ вӧйлі - таб моз быйкнитлі. Шонді юрӧс пӧжліс - ничево, бӧр палялі...

- Мый сэні аскӧдыд броткан? - юаліс пач вом дорын ноксьысь гӧтырыс, Ӧгрӧпена.

- Да олӧмын, мися, катаклизмаыс уна паныдасьліс, но Енмыс видзис! Токыд кыкысь кучкыліс, а ловъя. Гажа юрӧн Микол сваткӧд путкыльтчылім... Но, колхозлысь машинасӧ тай жугӧдліс... Машинасьыс кӧрт чукӧр коли, ме дас метра сайӧ лэби, а ки-кок дзонь, и юр места вылын... Артмӧ, сӧмын енэж вывсянь парашюттӧг эг усьлы.

Бетон Асфальтович ышловзис да весиг синватор  лэдзис.

- Тырмас сэсся сэні! - торкис кӧзяинсӧ Ӧгрӧпена. - Аддзӧмыд мый казьтывны... вой улас.

- Да кыдз нӧ сытӧгыс? - дульсӧ ньылыштіс Асфальтович. - Со ичӧтдырйи корйӧн виси, чакотка ас вывті нуи, сэсся и радикулитыд кӧвъясис...

- Мый бара пондін? - выль пӧв юаліс Ӧгрӧпена да ружтыштіс.

- Шуа тай, мися, быдсяма висьӧмнас нёрпавлі, а век на ловъя... Правда, эсійӧ... лёк пӧрӧсыд эз шедлы. Но, венерическӧй али мый сійӧ лоӧ. Дак вот...

- Тырмас сэсся ас вылад нем абусӧ тунавны! - скӧрысь орӧдіс Ӧгрӧпена.

- А мый тунавныыс? - сьӧкыда ышловзис Бетон Асфальтович. - Мый эз удайтчы, сійӧс он нин босьт!

И мӧдар бок вылас бергӧдчӧмӧн пондіс чӧскыда шкоргыны.

Михаил РЯБЧИКОВ.

 

Добавить комментарий


наверх