Радио Юрган

Приёмная/факс: 8 (8212) 24-01-16

Электронный адрес:
smi-komimu@mail.ru

Адрес: 167982 Республика Коми, г.Сыктывкар, ул.Карла Маркса, д.229

Йитчыны миянкӧд

Skype пыр.

Связаться с нами

через Skype.

Василичлӧн байка

Кор «Чушканзі» журналса ёртъяс корисны сочинитны мыйкӧ сэтшӧм-татшӧмӧс, стӧчджыка кӧ, шмонитанаӧс, Америкаын бӧрйысьӧмъяс йылысь, веськыда шуа, шӧйӧвошлі. Муза да вдокновенньӧ ме дорӧ важӧн нин эз пыравны, вунӧдны пондісны. Мый йылысь и гижны?

Лун-мӧд сайын вочаасис Дуня баб, аслас шогӧн юксис: тэ пӧ, Василич, эн дӧзмы, кора гижны кутшӧмкӧ газетӧ! Миянын бӧрйысьӧмъяссянь нин оз уджав Зеленечса пывсян, а сэтшӧм окота пӧрысь лысьӧм шонтыштны да корӧсясьыштны. Районӧ пӧ звӧнитлім и администрацияӧ кырымпаса кабала ыстылім. Тӧлк ни слӧй!

Пыр жӧ юрӧ кучкис: со темаыд - ачыс ме дорӧ локтіс! Звӧниті редакцияӧ, телепон пыр диктуйті юморескаӧс. Кӧсйисны пыр жӧ йӧзӧдны. Аттьӧ бур ёртъяслы!

Василич пӧль.

Зеленеч сикт.

Зеленечса пывсян да Америка

3

(бӧрйысьӧмъяс йылысь баллада)

Матькигтырйи Зеленечын

Ӧтув пывсян дорын педза,

Энӧ чайтӧй, мый пеж вома,

Синмӧс ёрӧ ыджыд томан.

 

Бӧрйысьӧны Вашингтонын,

Тӧдчӧ миян вылӧ тонӧ -

Лажанёв со шуӧ: блин пӧ,

Эскӧй, ставсьыс мыжа Клинтон.

 

Сійӧ лолыштны оз сет пӧ,

Со и рыжмӧма бюджетным!

Ӧні ставлы сьӧкыд,

Тӧдса,

И Бруссельын пывсян пӧдса.

 

Гӧгӧр ыджыдалӧ рынок,

Бесысь ӧдва кӧ нин мынам.

Кыдзи тайӧ нальксьыс петны?

О, Америкаӧдз ветла!

 

Падъялӧмыс мед и эмышт,

Тӧда, коді колӧ меным!

«Трампук, рыжӧй молодечӧй,

Волы миян Зеленечӧ!

 

И Меланнятӧ тшӧтш вайӧд,

Гӧститӧда маа тшайӧн.

Улӧдз копыртчыла вывсянь,

Сӧмын отсав восьтны пывсян!

 

А Америкаад мӧдтӧдз

Ӧтвыв корӧсясям пӧттӧдз,

И став сиктӧн тэныд,

Кылан,

Аттьӧ шуам, йӧктам-сьылам...»

 

На посошок:

Пӧльӧ, тырмас пӧ тэд сӧрны,

Аслыд яндзим лоӧ бӧрнас!

Мыйысь яндзим? Со тай, босьтчи,

Прӧста туйсӧ ме эг таль -

Зеленечын пывсян воссис.

Гашкӧ, сетасны медаль...

 

Добавить комментарий


наверх