Радио Юрган

Приёмная/факс: 8 (8212) 24-01-16

Электронный адрес:
smi-komimu@mail.ru

Адрес: 167982 Республика Коми, г.Сыктывкар, ул.Карла Маркса, д.229

Йитчыны миянкӧд

Skype пыр.

Связаться с нами

через Skype.

Чужан му

Ак, чужан му! Зэв важъя, ылыс кадсянь

Тэн ковмис нуны олӧм понда тыш.

И паныдавлін, коді воліс татчань,

И шы ни пурт эз вӧвлы тэнад ныж.

 

Кӧть кӧсъян, но став вӧрӧгсӧ он казьтышт,

И артавны кӧ, ковмас уна нэм.

Со мыччасьӧны вуджӧрӧн важ кадсьыс,

И ӧні сэтшӧм ыршасьысьыс эм.

 

И лёкалӧ со лёкысь мустӧм вӧрӧг,

И чайтӧ венны, сылӧн ӧти мог,

Оз овлы вӧрӧг, коді нем эз вӧрӧд,

Ёрт дорӧ моз да козинӧн оз лок.

 

Кӧть кымынысь тэ сэтшӧмъяссӧ венлін,

Пыр мыччысьлісны найӧ - выльысь-выль.

Дерт, мыйыськӧ и завидьтісны тэныд,

Син ёрлін, вӧлін плеш выланыс мыль.

 

Эз кус на биыс - ӧгырасьӧ востым,

И ыпмунлас на, сӧмын чагтор сюй.

Кор пыдди пуктӧм абу войтыр костын,

Сэк увтыртӧмӧдз вывті дженьыд туй.

 

Мый понда налы ыкшаасьны колӧ?

Мый тэнад наысь торъялӧмыс эм? 

Мый уна нэм тэ асшӧр олӧм олан?

Мый ёнмӧдчан и водзӧ нэмысь нэм?

 

Тэ аслад туйӧн пансьӧм кадсянь мунін,

Кӧть коръяскӧ и кежны позис, но...

Дзик та понда-ӧ вӧрӧгыд зэв уна,

Мый тэӧн бӧрйӧм туй оз гӧгӧрво?!

 

Алексей КАРПОВ.

Комиӧдіс Евгений Козлов.

 

Добавить комментарий


наверх