Радио Юрган

Приёмная/факс: 8 (8212) 24-01-16

Электронный адрес:
smi-komimu@mail.ru

Адрес: 167982 Республика Коми, г.Сыктывкар, ул.Карла Маркса, д.229

Йитчыны миянкӧд

Skype пыр.

Связаться с нами

через Skype.

Уна войтырсикаса

2

Комиын Юралысь вӧзйис Госсӧветса депутатъяслы вынсьӧдны республиканымӧс Москваын нӧшта ӧти петкӧдлысьӧс, рочӧн кӧ, представительӧс. Да ёнмӧдіс сылысь тӧдчанлунсӧ «специальнӧй» кывбердӧн.

И сідз, ноябрь 23 лунӧ йӧзӧн бӧрйӧмаяс дорӧ вайӧдісны тӧдмасьны да (мый морла кадсӧ воштыны!) вынсьӧдны спецпредставителявны вӧзйӧм... Джамал-Лейла Яндиевӧс. Мортыс чужлӧма Чечен-Ингушскӧй республикаын. Сочиса Олимпиада водзвылын сылӧн стрӧитчан компания лэптӧма сэтчӧс некымын объект. Сэні сійӧ тӧдмасьӧма «Олимпстрой» госкорпорацияӧн веськӧдлысь Сергей Гапликовкӧд. Видзӧдӧмпӧръя, Яндиевлӧн уджыс воӧма Сергей Анатольевичыдлы сьӧлӧм вылас, да Комиын выльӧн бӧрйӧм губернатор бара на казьтыштӧма зіль чечентӧ.

Колӧ шуны, мый госсӧветса кутшӧмакӧ весиг шемӧсмылісны, кодыр паныдалісны спецпредставительпутӧ. Найӧ ӧд (позьӧ шуны, наивнӧя) чайтісны, мый республиканымӧс кутас петкӧдлыны тані чужлӧм... А тайӧ, колӧкӧ, весиг картаысь оз аддзы, кӧні сійӧ Комиыс! Тӧдмасигад ёна и юасисны: мый кывлӧма миян регион йылысь, кутшӧм могъяс пуктӧ ас водзас чиналӧн креслӧӧ пуксигӧн?.. Коми муӧ гожӧмнас волі пӧ да мыйсюрӧ тӧдышта нин. Кӧсъя пӧ лэптыны Сыктывкарын спорт двореч, медым чуксавны сэтчӧ ывлаын бовъялысь став челядьсӧ. А нӧшта пӧ эм дум быдтыны тані... национальнӧй геройӧс. Со кыдзи! Асьным ог сяммӧй, да бокиса отсалас...

Дженьыда кӧ, гӧлӧсуйтігӧн кызвын депутатыс лэптісны Яндиев вӧсна кияс. Да и кытчӧ воштысян, национальнӧй геройыд миянлы, ок, кутшӧм ёна колӧ! Паныд вӧлі сӧмын ЛДПР-сянь Госсӧветӧ бӧрйӧм Михаил Брагин. Регыд ёрдын кутасны видлавны сійӧс мыждан кык уголовнӧй делӧ (ӧтиыс - депутат мандатъясӧн вузасьӧм), и, кыдз шуласны, воштыны мортыслы дзик нинӧм, а тадзи, колӧкӧ, история на веськалас...

Неважӧн Россияса Общественнӧй палатаысь экспертно-аналитическӧй шӧрин дасьтіс регионъяслысь сідз шусяна «рейтинг трезвости». И медся юысьяс лыдӧ веськалӧмаӧсь Чукотка, Магадан обласьт да дона Коми Республиканым! Медэтша, вӧлӧмкӧ, юӧны Чечняын, Ингушетияын да Дагестанын. Йӧзыс шмонитӧны нин: чечентӧ вайӧдісны комиӧс кодируйтны. Кӧть сэсся кодӧс... Мед сӧмын бурланьӧ вежсьӧмыс вӧлі-а.

* * *

Тшӧкыда тай пасйылӧны: Коми пӧ уна войтырсикаса республика! Гашкӧ, тайӧс эскӧдӧм могысь юркарса мэрӧн ӧні коралӧны Татарстанын да Чувашияын УФСКН-ӧн вӧвлӧм веськӧдлысь Фаяз Шабаевӧс. Колӧ шуны, ас кадӧ Чувашияын сійӧ уджавліс жӧ миян Юралыськӧд ӧттшӧтш: Сергей Анатольевич сэки вӧлі сэтчӧс правительствоӧн веськӧдлысьӧн, а Фаяз Баянович - наркоконтрольын юралысьӧн.

Григорий ХАТАНЗЕЙСКИЙ.

 

Добавить комментарий


наверх