Радио Юрган

Приёмная/факс: 8 (8212) 24-01-16

Электронный адрес:
smi-komimu@mail.ru

Адрес: 167982 Республика Коми, г.Сыктывкар, ул.Карла Маркса, д.229

Йитчыны миянкӧд

Skype пыр.

Связаться с нами

через Skype.

ДЖЕНЬЫДА

Багатыр рöдысь

Воркутаын вöлі греко-римскöй вермасьöм кузя республикаса первенство.

Матö вежон «Воргашорса» спорткомплексын ордйысисны-вермасисны Ухтаысь, Печораысь да Воркутаысь квайтымын спортсмен.

Аслас сьöктаа атлетъяс пöвстын зарни медальяс босьтісны Печораысь Николай Косенко да Дмитрий Язев, Воркутаысь Владислав Павлов да Артём Ухабин, Ухтаысь Никита Минин да Стас Забелин.

Водзынöсь ухтаса

Кольöм лунъясö Воркутаын жö муніс Коми Республикаса варччысьяслöн федерациялöн кубок вылö республикаса турнир.

Бассейнын ордйысис нывбабаяслöн да мужичöйяслöн кöкъямыс команда.

Вермисны Ухтаса варччысьяс, мöд тшупöдынöсь Воркутаса ныв-зон. А коймöд местасö шедöдісны Усинскса том спортсменъяс.

Бара на Братусь

Неважöн Иркутскын вöлі пауэрлифтинг кузя Россияса Кубок вылö ордйысьöм.

Волісны вын-эбöссö песны странаысь медъён «лифтёръяс», ставыс сё гöгöр спортсмен.

84 килограмм сьöктаöдз атлетъяс пöвстын эз янав Комиысь спорт кузя международнöй класса мастер Екатерина Братусь. Троеборьеын сійö сяммис лэптыны 542,5 килограмма штанга да босьтіс эзысь медаль.

Казьтыштісны геройöс

Киров обласьтса Мурыгино посёлокын нуöдісны боксёръяслысь турнир, кодöс сиисны Сöветскöй Союзса Герой Н.Ф.Зоновлöн паметьлы.

Сэтчö воліс Татарстанысь, Комиысь, Свердловск, Перым обласьтъясысь 150 гöгöр боксёр.

Бур боксянь асьнысö петкöдлісны Коми Республикаысь спортсменъяс. Гортаныс зарни медальöн бергöдчисны Илья Тимофеев, Никита Фадеев, Олег Макаров, Самир Джамилев да Ян Рыкс.

Гашкö, и Бразилияö

Кольöм вежонö Сочиын ордйысисны «кöрт куснялысь» спортсмен-инвалидъяс.

Комиысь Галина Маринцева босьтіс зарни награда. Öні миян спортсменка дасьтысьö пауэрлифтинг кузя Европаса чемпионат кежлö. Ань сідзжö мöвпалö ветлыны 2016 воын Бразилияö, кöні мунасны паралимпийскöй ворсöмъяс.

 

Добавить комментарий


наверх