Радио Юрган

Приёмная/факс: 8 (8212) 24-01-16

Электронный адрес:
smi-komimu@mail.ru

Адрес: 167982 Республика Коми, г.Сыктывкар, ул.Карла Маркса, д.229

Йитчыны миянкӧд

Skype пыр.

Связаться с нами

через Skype.

Коми йöзöдчан керка - № 33 (1110)

«Ыбица» воис юркарӧ

Y 4 1

Август 15 лунӧ республикаын бара на пасйисны «Ыбица» гаж. Сӧмын таво сійӧ муніс эз Сыктывдін районса Ыб сиктын, а юркарса медшӧр площадь вылын. Витӧд «Ыбица» чукӧртіс 15 сюрс мортӧс.

Йӧзыс локталісны лун шӧр кадӧ нин, быдӧн аддзис сьӧлӧм серти гажӧдчанін. Кодлы окота, воліс «Сыктывкарса Арбатӧ», кӧні позис велӧдчыны баситны матрёшка, нимкодясьны ывлавывса музыкантъяслӧн сьылӧм-йӧктӧмӧн. «Сыктывкарса Арбат» кындзи позис веськавны йӧзкостса сьыланкывъяслӧн Сыктывдін районса «Завалинка» вылӧ. «Ыбица» вылӧ воысьяслы ёна и кажитчис артистъяслӧн петкӧдчӧмыс, ыззьӧдана сьылӧмыс, мастера йӧктӧмыс. Юргис-гажӧдчис и Кулӧмдін районса «Василей». А Емдін район вайис аскӧдыс «Сено» арт-фестиваль. Сэтчӧс гӧсьтъяс вӧзисны быдӧнлы вӧчны турунысь акань, тӧдмӧдісны пӧль-пӧчлӧн обрядӧн.

наверх