Радио Юрган

Приёмная/факс: 8 (8212) 24-01-16

Электронный адрес:
smi-komimu@mail.ru

Адрес: 167982 Республика Коми, г.Сыктывкар, ул.Карла Маркса, д.229

Йитчыны миянкӧд

Skype пыр.

Связаться с нами

через Skype.

Коми йöзöдчан керка - Муӧдз копыр Тіянлы, пыдди пуктана Зоя Васильевна!

Муӧдз копыр Тіянлы, пыдди пуктана Зоя Васильевна!

MGkfd1d2f3

—Чолӧм, «Йӧлӧгаса» муса да шань нывъяс! — буретш татшӧм мелі кывъясӧн чолӧмасьӧмӧн пыр волывліс миян редакцияӧ да пызан вылӧ шоколад плитка пуктывліс Кӧрткерӧс районысь Шойнаты сиктса школаын коми кыв велӧдысь Зоя Васильевна Шиликова... Со ӧд, кык во нин кольӧма пыдди пуктана велӧдысьлӧн кувсьӧмсянь. А вежӧрыд быттьӧ некыдз оз кӧсйы эскыны таӧ.

Пыр мелі, шань, вежавидзысь, челядьӧс радейтысь, томуловлы чужан кыв дорӧ муслун пестысь, мыла коми кывбуръяс гижысь, а тшӧтш и «Йӧлӧгалӧн» ёрт. Збыльысь, Зоя Васильевна миянлы, газет дасьтысьяслы, вӧлі бур ёртӧн, помся пыравліc редакцияӧ босьтны выль газет, а тшӧтш и чай юигмоз варовитыштны быдмысь войтыр, коми кыв да и прӧстӧ олӧм йылысь. Редакцияысь бӧрсӧ петігӧн кымын шаньсӧ да бурсӧ миянлы силіс. Пыр мичаа пасьтасьӧма, шань нюма, шмонитана, збой...

А кымын ныв-зонлысь медводдза кывбур сійӧ вайліс йӧзӧдӧм вылӧ! Кутшӧм ёна сылӧн сьӧлӧмыс висис енбиа быд велӧдчысь понда! Ог сорсьы, шуа кӧ, мый шойнатыса унджык томуловыс газетнымӧс буретш Зоя Васильевналӧн вӧзйӧмсянь и лыддисны, буретш сылӧн туйдӧм-вӧзйӧмӧн и быдсикас конкурсӧ пырӧдчылісны. Чайта, коді бура тӧдліс Зоя Васильевнаӧс, дыр на кутас сійӧс сӧмын бур да шань кывйӧн казьтывны.

«Йӧлӧгалӧн» тайӧ петасыс ставнас сиӧма Зоя Васильевна Шиликовалӧн югыд паметьлы. И тайӧ миянсянь сӧмын ичӧтик пай, медым нӧшта ӧтчыд казьтыштны, кутшӧма ми сійӧс радейтлім да пыдди пуктылім.

Муӧдз копыр Тіянлы,

пыдди пуктана Зоя Васильевна!

«Йӧлӧга» газетса главнӧй редактор

Галина МАКАРОВА.

 

Добавить комментарий


наверх