Радио Юрган

Приёмная/факс: 8 (8212) 24-01-16

Электронный адрес:
smi-komimu@mail.ru

Адрес: 167982 Республика Коми, г.Сыктывкар, ул.Карла Маркса, д.229

Йитчыны миянкӧд

Skype пыр.

Связаться с нами

через Skype.

Коми йöзöдчан керка - Челядьӧн радейтана гижысь

Челядьӧн радейтана гижысь

Y 3 1

Ноябрь 30-ӧд лунӧ Сыктывкарса коми культура шӧринын казьтылісны коми гижысь, журналист Иван Белыхӧс. Волісны сэтчӧ Иван Ильичлӧн рӧдвужыс, уджъёртъясыс, сылысь творчествосӧ радейтысь войтыр.

 

Аддзысьлӧм дырйи тӧдмӧдісны гижысьлӧн «Мӧдлапӧв» выль небӧгӧн. Книгаӧ ӧтувтӧм висьтъяссӧ лыддян да гӧгӧрвоан, мыйӧн олӧма автор, кутшӧм мӧвпъяс вӧлӧмаӧсь сылӧн юрын. Лыддигас быттьӧ выльысь тӧдмасян Иван Белыхкӧд, ӧд быд сёрникузяӧ, быд кывйӧ автор пуктӧма аслыспӧлӧс мӧвп.

Иван Ильчи Белых чужлӧма 1946 вося сентябрь 23-ӧд лунӧ Сыктывдін районса Ивадор грездын. Школа помалӧм бӧрас велӧдчӧма Коми пединститутысь филология факультетын. 1965 восянь уджалӧма «Югыд туй» (ӧні «Коми му») газетын медводз корреспондентӧн, а сэсся «быдмӧма» редакторӧс вежысьӧдз. 1994 вося декабрсянь зільӧма Коми небӧг лэдзанінын.

Y 3 4

Журналисталӧм кындзи Иван Белых вӧлі и енбиа гижысьӧн. Медводдза висьтсӧ, «Веж кыдз пу», йӧзӧдлӧмаӧсь 1968 воын. Уна гижӧд сэсся петалӧма «Югыд туй» газетын да «Войвыв кодзув» журналын. Сылӧн висьтъясыс сиктса олӧм йылысь, ӧд и карын оліг-уджалігӧн сійӧ некор абу ӧтдортчылӧма сиктса йӧзысь, налӧн олӧм-вылӧмысь, тӧжд-могысь. Висьтъясас ми тӧдмасям и челядьлӧн, гашкӧ, неыджыд на мирӧн, кӧні сюрӧ местаыс и радейтчӧмлы, шоныдлы, бурторлы. Иван Белыхлысь висьтъяссӧ лыддигӧн верстьӧ морт быттьӧ выльысь волӧ ичӧтдырся кадас, а ичӧт ныв-зонка быд гижӧдын аддзӧны асьнысӧ. Челядь окотапырысь лыддьӧны сылысь гижӧдъяссӧ, а кодлы мойвиліс тӧдмасьны аскӧдыс, шуӧны вӧлі, Иван Белых пӧ миян радейтана гижысь.

Иван Ильич Белых – Коми Республикаса культураын заслуженнӧй уджалысь. 2008 воын сійӧ лоӧма республикаса правительстволӧн премияа лауреатӧн.

Y 3 2Y 3 3

Виктория МИХАЙЛОВА

 

Добавить комментарий


Комментарии  

# Александр Кузнецов 09.12.2015 12:15
Ыджыд мортлы - югыд мортлы - казьтылана пас.
Ответить | Ответить с цитатой | Цитировать
наверх