Радио Юрган

Приёмная/факс: 8 (8212) 24-01-16

Электронный адрес:
smi-komimu@mail.ru

Адрес: 167982 Республика Коми, г.Сыктывкар, ул.Карла Маркса, д.229

Йитчыны миянкӧд

Skype пыр.

Связаться с нами

через Skype.

Коми йöзöдчан керка - Ош кодь ён, йӧра кодь сюсь...

Ош кодь ён, йӧра кодь сюсь...

Y 5 1

Декабрь 3 лунӧ Кулӧмдінын 17-26 арӧса кӧкъямыс том зон венласисны «Туган» ним вӧсна.

Тайӧ конкурссӧ таво нуӧдісны кӧкъямысӧдысь, и республикаса тшупӧдын нин. Ордйысьӧмсӧ нуӧдісны коми йӧзлӧн традиция да культура пыр томуловлысь национальнӧй асвежӧртӧмсӧ кыпӧдӧм могысь. Дасьтісны сійӧс Коми Республикаса национальнӧй политика министерство, Кулӧмдін районса администрация, «Коми войтыр» ӧтмунӧм, Эжва йывса томуловлӧн сӧвет да «МИ» котыр.

Ордйысисны Кулӧмдінысь Николай Ишенин, Помӧсдінысь Максим Карманов, Кӧрткерӧс районысь Александр Мишарин, Удораса Косланысь Иван Остапов, Койгортысь Илья Матвеев, Изьваысь Степан Терентьев, Ухтаысь Дмитрий Канев да Сыктывкарса Эжваысь Михаил Обрезков.

Y 5 2

Конкурссӧ юкисны кык этап вылӧ. Воддзаас зонъяс мунісны «вӧралан ордымті»: ӧзтісны бипур, вӧчисны юр сюянін, вуджисны нюрті, стӧча лыйсисны ёсь йыла шыӧн, отсалісны доймӧм ёртлы, ветлӧдлісны пу кок вылын, чеччалісны мыр вомӧн да петісны черань везйысь.

Мӧдас, творческӧяс, зонъяс йӧктісны, сьылісны да сцена вылын ворсісны.

Y 5 3

Быдӧн петкӧдліс ассьыс вынсӧ, сямсӧ да енбисӧ. Иван Матвеев да Илья Остапов мичаа сьылісны, Дмитрий Канев чӧсмӧдліс гӧсьтъясӧс ас пӧжалӧм рача няньӧн, Степан Терентьев гудӧкасис да тшӧтш жӧ и сьыліс, а Михаил Обрезков йӧктіс. Петкӧдчӧм сертиыс индісны, коді кутшӧм вӧрпаӧс казьтыштіс: ош кодь ён пӧ Максим Карманов, сьӧдбӧж кодь писькӧс Иван Остапов, руч кодь вежӧра Илья Матвеев, сан кодь вына Александр Мишарин, мой кодь уджач Степан Терентьев, низь кодь винёв Михаил Обрезков. Михаилӧс жӧ медвылӧ донъялісны и видзӧдысьяс. Йӧра кодь сюсьӧн лоис Николай Ишенин, сылы сетісны медводдза места. А вермысьнас, Туганнас, лоис Дмитрий Канев. Ставныслы вичмис аттьӧалана гижӧд, а вермысьлы козьналісны диплом.

Виктория МИХАЙЛОВА

Снимокъясыс Владимир ПРОКУШЕВЛӦН

 

Добавить комментарий


наверх