Радио Юрган

Приёмная/факс: 8 (8212) 24-01-16

Электронный адрес:
smi-komimu@mail.ru

Адрес: 167982 Республика Коми, г.Сыктывкар, ул.Карла Маркса, д.229

Йитчыны миянкӧд

Skype пыр.

Связаться с нами

через Skype.

Коми йöзöдчан керка - «Веловой-2016»

«Веловой-2016»

Y 8 1

Ичӧтдырйи век радейтлі тюръявны велосипедӧн, а карӧ овны вуджӧм бӧрын педальяс бергӧдлыны  вичмывліс  сӧмын сиктӧ волігӧн.  Кольӧмвося гожӧмнас  шуи лэччӧдны кык гӧгыля ёртӧс карӧ, медым шойччигмоз позис тюръялыштны карса  уличті.  Нӧшта ыджыд кӧсйӧмӧн вӧлі пырӧдчыны «Веловой»  гажӧ, и со кӧсйӧмӧй збыльмис!

Велосипедӧн катайтчыны радейтысьяс чукӧртчисны юркарса шӧр изэрд вылын. Быдӧнлы  коліс матыстчыны гаж котыртысьяс дорӧ да босьтны пасйӧм номера браслет. Медся шуда войтырлы тайӧ номер сертиыс вичмисны дона козинъяс: быдсикас лавкаысь сертификат, а нӧшта 3 шнич выль велосипед.

Y 8 2

Пасйысьӧм бӧрын, кад коллялігмоз позис видзӧдны-донъявны сцена вывсянь петкӧдчысьясӧс. Ичӧтъяслы вӧлі дасьтӧма неыджыд площадка – велогородок, кӧні позис венны быдпӧлӧс мытшӧд, а нӧшта уськӧдны тӧд вылӧ туй выв индӧдъяс. Тані челядьлы вичмисны ичӧтик, но вывті колана козинъяс –югъялысь пасъяс да туй выв индӧдъяса буклетъяс. А Ленинлы памятник улын меститчис велосипедъяс дзоньталанін: тані позис и кӧлеса пӧльтны, и дасьтыны кык гӧгыля ёртӧс кузь туйӧ петӧм вылӧ. Регистрацияыс муніс сӧмын ӧти час на, кор кольӧмвося рекордыс – 2.200 морт – вӧлі венӧма нин, а ставнас «Веловойӧ» пырӧдчис – 4.021 морт!

Y 8 3

И со воис дыр видзчысяна здук. Ӧкмыс часын велосипедъяса колонна вӧрзьӧдчис Ленин уличаті,  медым вӧчны рытъя кар кузя 10 километра кытш. «Веловойлӧн» маршрут муніс  Коммунистическӧй, Сыктыв, Пушкин, Морозов нима уличаясті да Октябрь шӧртуйті.

Медводз весиг полышті – йӧзыс вывті уна, а челядьыс на кымын! Кодсюрӧ куим кӧлесаа велосипедӧн тюрисны. Дерт, видзчысян наӧ люкасьӧмысь, кӧть  мам-батьныс орччӧнӧсь. Но регыдӧн нин лои гӧгӧрвоана, мый ставыс лючки: ӧд велосипедистъясӧс лэдзисны сьӧрсьӧн-бӧрсьӧн, а сідзкӧ и, ӧта-мӧднымлы ми эгӧ дӧсадитчӧй. Колӧ пасйыны, мый 4.021 морт лыдын вӧліны сӧмын найӧ, кодъяс пасйысисны изэрд вылын. Бура унаӧн на пырӧдчисны колоннаӧ уличаяс вылын нин.

Y 9 1

Ыджыд аттьӧ колӧ висьтавны и ГИБДД-ын уджалысьяслы. Сійӧ кадӧ, кор тюрис 6 километр кузя велоколонна, инспекторъяс тупкывлісны машинаяслы туйяс. Карті ветлігӧн пырджык кытчӧкӧ джӧмдан: бордюр, грунйӧсь-гранйӧсь тротуар,  паськыд гуран... А мунны паськыд, мольыд да машинатӧм карса уличаясті вӧлі зэв нимкодь!

Ыджыд пай «Веловой» нуӧдӧмӧ пуктісны и Питирим Сорокин нима университетысь волонтёръяс. Найӧ сулалісны туйвежъясын, отсалісны подӧн мунысьяслы, видзӧдісны, медым ставыс вӧлі лючки-ладнӧ.

Войся карӧн нимкодясисны эз сӧмын велосипедистъяс, но и мукӧд юркарса олысь. Унаӧн снимайтісны фотоаппарат да телефон вылӧ, видзӧдісны ӧшиньяс пыр, сулалісны балконъяс вылын, а кодсюрӧ весиг ӧвтчисны кинас да горзісны: «Молодечьяс!».

Y 9 2

Y 9 3

Журъяліс карса уличаясті Мария ИГУШЕВА.

Снимокъясыс авторлӧн да «Глянец» интерет-журналлӧн.

 

Добавить комментарий


наверх