Радио Юрган

Приёмная/факс: 8 (8212) 24-01-16

Электронный адрес:
smi-komimu@mail.ru

Адрес: 167982 Республика Коми, г.Сыктывкар, ул.Карла Маркса, д.229

Йитчыны миянкӧд

Skype пыр.

Связаться с нами

через Skype.

Коми йöзöдчан керка - Коймӧд, но абу бӧръя

Коймӧд, но абу бӧръя

Y 4 1

Шулывлӧны, кытчӧдз пӧ бӧръя усьӧм салдат оз ло дзебӧма колана ногӧн, войнаыс абу на помасьӧма. Помавны сійӧс тшӧтш отсалӧны Паметь вахта вылӧ ветлысьяс. Ми, искусствояс гимназияысь лётчик-истребитель  Н.К. Лошаков нима «Наследие» корсьысян отрядысь ныв-зон, тайӧ колана, но сьӧкыд уджсӧ вӧчны таво ветлім Псков обласьтысь Невель районса вӧръясӧ.

Тавося вахтаыс сэні миян вӧлі нин кӧкъямысӧд. Кыдзи и мукӧд воӧ, чукӧртчисны сэтчӧ Комиысь, Невельысь, Псковысь, Москваысь, Казаньысь, Ригаысь да мукӧдлаысь поисковикъяс. Челядь и верстьӧ ветлывлісны разведкаӧ, лэптісны му, «кыпӧдісны» салдатъясӧс. Уджалім и Видусово, Залавочье сиктъяскӧд орччӧн, и вӧръясын да видзьяс вылын.

Миян ӧтувъя отряд «кыпӧдіс» 162 боецӧс. Найӧс ми дзебим став гражданскӧй, военнӧй да православнӧй чесьт сетӧмӧн. Быд морт, коді аддзывліс тайӧс, некор оз вунӧд, мый сылӧн сэки лов да сьӧлӧм вылас вӧчсис, нэмсӧ кутас тӧдны, кутшӧм повзьӧдлана да сьӧкыд войнаыс.

Y 4 2

Дерт, на пӧвстысь, коді медводдзаысь уджаліс Паметь вахта дырйи, унджыкыс воласны и мӧдысь, и коймӧдысь. Опыта поисковикъясысь кодсюрӧ таво ӧкмысӧдысь нин воліс, кодкӧ – витӧдысь. Менам жӧ тайӧ коймӧд вахта, и дзик на абу бӧръя. Ӧд тайӧ уджыс зэв унатор сетӧ бы-дӧнлы, вӧчӧ миянӧс бурджыкӧн, туйдӧ пыдди пуктыны ассьыным вужъясӧс, историяӧс, пӧльясӧс да ыджыд батьясӧс.

Y 4 3

Полина ИГНАТОВА.

 

Добавить комментарий


наверх