Радио Юрган

Приёмная/факс: 8 (8212) 24-01-16

Электронный адрес:
smi-komimu@mail.ru

Адрес: 167982 Республика Коми, г.Сыктывкар, ул.Карла Маркса, д.229

Йитчыны миянкӧд

Skype пыр.

Связаться с нами

через Skype.

Коми йöзöдчан керка - Миян кино

Миян кино

Y 14 1

Сыктывкарса университет бердса лицейын содтӧд тӧдӧмлун сетысь педагог Татьяна Геннадиевна Урнышева да сылӧн быдтасъяс дасьтӧмаӧсь Кино волы сиӧм выставка. Экспозицияыс тӧдмӧдӧ киноын зільысь нималана юбиляръяскӧд, киноисторияын тӧдчана тшупӧдъясӧн да инъясӧн. Тайӧ ыджыд уджсӧ вӧчӧмаӧсь 108 лицеист, ас кинас найӧ дасьтӧмаӧсь 697 экспонат – йӧзлӧн донъялӧм вылӧ веськалӧмаӧсь медбуръяс.

Вӧзъям и тэныд, дона лыддьысьысь, тӧдмасьны выставканас.

Уналы «Мосфильм» да «Ленфильм» кинофабрикаяслӧн заставкаяс ичӧтдырсяньыс нин тӧдсаӧсь. Буретш налы сиӧм витринасянь и заводитчӧ выставкаыс. 1923 воын «Мосфильмын» петкӧдлӧмаӧсь сёрнитӧм медводдза полнометражнӧй кино – «На крыльях ввысь». Сэн жӧ сулалӧ XX нэмся фотоаппаратлӧн ичӧт копия, кодӧс дасьтӧма Артемий Бутрим. Киноиндустриякӧд топыд гӧрӧд вӧлӧма и Крымлӧн: уна тӧдчана, нималана картина дасьтӧмаӧсь тайӧ шоныд, озыр муас. Вояс чӧж чукӧрмӧмаӧсь да и ӧні чукӧрмӧны кино-фотоплёнкаяс, а видзӧны найӧс РГАКФД-ын – кино-фотодокументъяслӧн ыджыд государственнӧй архивын.

Y 14 2

Кино топыда йитчӧма литературакӧд. Сідзкӧ, и гижысьяс йылысь оз позь вунӧдны. Со торйӧн пасйӧны Александр Пушкинӧс. Мыйла буретш Александр Сергеевичӧс? Да сы вӧсна, мый вель уна кино сиӧма поэтлӧн олӧмлы, а нӧшта на унджыкӧс дасьтӧма сылӧн гижӧдъяс серти. Стенъясӧ ӧшлӧма лицеистъясӧн серпасалӧм портретъяс, на вылысь видзӧдӧны актёръяс, кодъяслы усьлӧма шуд ворсны Пушкинӧс.

Выставкаыс нимӧдӧ и енбиа йӧзӧс. Фотограф Александр Дранков XX нэмся 20 воясӧ артмӧдӧма-чужтӧма сёрнитӧм кинолысь эстетика, пуктӧма уна вын, медым татшӧм, сэк кадӧ дзик на выль да тӧдтӧм, искусство аддзас ассьыс ин и Россияын. Михаил Иполлитов-Иванов медводдзаӧн гижӧма сёрнитӧм кинолы шылад – тайӧ вӧлӧма «Понизовая вольница». Микаэл Таривердиев панлӧма кинокомпозиторъяслысь гильдия, а Эдуард Артемьевлӧн озыр фильмографияыс быдӧнӧс чуймӧдӧ. Павел Чухрайлысь нимсӧ тӧдӧ быдӧн. И абу дивӧ, ӧд тайӧ режиссёрлӧн быд удж босьтлӧма премия, да абу ӧтиӧс.

Y 15 1

«Алые паруса» киносянь заводитлӧма актрисалысь туйсӧ Анастасия Вертинская, «Человек с бульвара Капуцинов» лоӧма Андрей Мироновлӧн бӧръя уджӧн.

Война дырйи кинохроникалысь тӧдчанлунсӧ «Служили два товарища» киноын петкӧдлӧмаӧсь Алла Демидова, Владимир Высоцкий, Ия Саввина да Олег Янковский. Медводдза роч боевик – «Пираты 20 века». А кино, кӧні первойысь чужӧма романтиклӧн образ, тайӧ, дерт жӧ, «Берегись автомобиля».

Вывті тӧдчана пай киноын босьтӧ музыка. «Пиковая дама», «Александр Невский», «Иван Грозный» кинокартинаяс дорӧ шыладсӧ гижлӧма Сергей Прокопьев, и артмӧдӧма лентаыслы аслыспӧлӧс ру. А «Новый Вавилон» киноын быд эпизод быттьӧ торъя музыкальнӧй произведение. Тадзи шылад отсӧгӧн Дмитрий Шостакович отсалӧма кинематографлы «быдмыны», кыпӧдчыны вылысджык тшупӧдӧ. Выставкаыс сетӧ позянлун видзӧдлыны актёрлӧн удж вылӧ выль боксянь: актёр – тайӧ чемодана морт, коді быд лун зільӧ сӧвмыны.

Y 15 2

Но режиссёръяс, актёръяс, гримёръяс, композиторъяс да уна мукӧд йӧз зільӧны видзӧдысь ради. Со стеклӧ сайын североморец-офицер В.А.Поповлӧн дневникысь лист бок. 1961 вося апрельӧ пасйылӧма сэтчӧ: Юрий Гагарин лэбӧма космосӧ, Куба вылӧ уськӧдчӧмаӧсь, а нӧшта... «Своя голова на плечах», «Искатели счастья», «Сильнее урагана» кинояс видзӧдӧма. Сӧвет кадся олысьлы кино – медтӧдчанаторъяс лыдын, сикт-карын кыптӧма уна выль кинотеатр. И тайӧ тшӧтш аслыспӧлӧс искусство.

Кольӧны бӧрӧ вояс, кино вежсьӧ, выльмӧ, режиссёръяс восьлалӧны кадыскӧд ӧтвылысь, а корсюрӧ и панйӧны сійӧс. А ми, видзӧдысьяс, окотапырысь тӧвзям премьераяс вылӧ.

Y 15 3

Выставкаӧн нимкодясис Мария ИГУШЕВА.

Снимокъясыс авторлӧн.

 

Добавить комментарий


наверх