Радио Юрган

Приёмная/факс: 8 (8212) 24-01-16

Электронный адрес:
smi-komimu@mail.ru

Адрес: 167982 Республика Коми, г.Сыктывкар, ул.Карла Маркса, д.229

Йитчыны миянкӧд

Skype пыр.

Связаться с нами

через Skype.

Ангелина Шахова да Кристина Коснырева: «Сцена вылӧ дасьӧсь!»

Y 14

Б. Щукин нима театральнӧй институтса велӧд-чысьяс регыд лоасны шылада-драмаа вужвойтыр театр-са артистъясӧн. Казьтылам, театр ачыс корсис аслыс том йӧзӧс, мед ыстыны велӧдчыны Мос-кваса нималана вузӧ, да бӧр виччысьӧ найӧс тыр-бур артистъясӧн нин таво ар. Март помын велӧдчысьяс локтӧны Сыктывкарӧ нёль спектакльӧн. Ми сёрнитім кык студенткакӧд – Ангелина Шаховакӧд да Кристина Косныревакӧд налӧн творчествоа олӧм, велӧдчӧм да кӧсйӧмъяс йылысь.

– Нывъяс, кыдзи тіян чужис мӧвпыс лоны артисткаясӧн? Корсянь ті сцена вылынӧсь?

Ангелина: Ичӧтсянь кыскис. Куим арӧса вӧлі да, воліс концертӧн Кулӧмдін районса Пожӧгӧ Лидия Петровна Логинова. Менам йӧктыссьӧма сцена вылын сьылігас, мыйысь козьналіс виниловӧй пластинка (ӧнӧдз на ви-дза). Витӧд классын пыри искусствояс гимназияӧ, народнӧй отделение вылӧ, Наталья Кимовна Рошору велӧдіс ворсны аккордеонӧн. Петкӧдчывлі «Минимаэстро» конкурсын да гимназияса быдсяма концертъясын. И нӧшта «Зиль-зёль» образцӧвӧй ансамблькӧд Наталья Фёдоровна Кановалӧн веськӧдлӧм улын (сьылі и ансамбляс, и сольнӧя) петкӧдчывлім «Василей», «Койташ» фестивальяс вылын.

Кристина: Чайта, ме та дорӧ и муні олӧм чӧж. Ичӧтсянь жӧ йӧкті да сьылі, а ыджыдджык классъясын ме ветлі театральнӧй кружокӧ миян Луздор районса Летка сиктын, веськӧдлысьыс – Марина Болюбаш. Школа помалігӧн тӧдмалі, мый чукӧртӧны том йӧзӧс театральнӧй вузъясӧ. Ми вӧлім этшаӧн, эгӧ чукӧрмӧй колана лыдыс, и во ме уджалі вужвойтыр театрас да велӧдчи ӧттшӧтш искусствояс колледжын. Ворсі театрын неыджыд рольяс, ветлім гастрольясӧ весиг суйӧр сайӧ. Тайӧ менӧ нӧшта ёнджыка ышӧдіс лоны артисткаӧн, меным пыр ёнджыка кажитчис. Тайӧ ӧд медся бурыс – кор аслад ворсӧмнад верман пыртны видзӧдысьсӧ торъя мирӧ, гажӧдны быдлунся нокъяс костті. Театрӧ ме веськалі дзик на кужтӧмӧн, став вылас видзӧді паськӧдӧм синмӧн и вомӧн (нюмъялӧ), видзӧді став спектакльсӧ, кӧні эг ворс, и век нимкодяси. Окота вӧлі лоны актёръяскӧд ӧти тшупӧд вылын.

Y 15 1

– Кыдзи мунӧ велӧдчӧмныд? Кыдзи ті вежсинныд велӧдчигӧн, мый сетіс тіянлы тайӧ престижнӧй театральнӧй вузыс?

Ангелина: Велӧдчӧм миян помасьӧ нин, а неважӧн ми лэдзим дипломнӧй спектакль  – финн автор Хейла Вуолийокилысь «Молодая хозяйка Нискавуори». Пуктіс Наталья Николаевна Павленкова – РФ-са заслуженнӧй артистка (гожӧмнас вермис «Кинотаврын» «лучшая женская роль» номинацияын). Ӧні со гастрольяс лоӧны, а сэсся матыстчӧны госэкзаменъяс, кӧні лоӧны юалӧмъяс став нёль вося быд предметысь - роч да зарубежнӧй литература, театр, изобразительнӧй искусстволӧн история да с.в. Велӧдчӧмыс сетіс, дерт, уна. Кор вӧлі сӧмын на мӧдӧдча Москваӧ 2013 воын, ме дзик нинӧм вӧлі ог тӧд тайӧ профессия йывсьыс. Ӧні, дерт, серам петӧ ас вылӧ. Сы вӧсна, мый ставыс абу прӧстӧ сідз, и мед медводдза спектакль дасьтыны,
колӧ прӧйдитны уна школа тшупӧд. И, дерт, сӧвмӧдны вын - сценическӧй движение, классикаа йӧктӧм, джаз, фехтование, тышкасьӧм; и сьылан тӧдӧм-кужӧм - и сьывны, и музыкалысь историясӧ тӧдны; и мый нин шуны теоретическӧй база йылысь. Кыдз шуӧ ӧти миян педагог – «глупый человек на сцене, как и в жизни, неинтересен, и самое страшное - всегда видно, что человек глуп».

Медся главнӧй велӧдысьыс - сійӧ, дерт, художественнӧй веськӧдлысь, кодкӧд миянлы зэв ёна везитіс - тайӧ Владимир Ана-тольевич Сажин. Быд вторник ми вӧлі сдайтам сылы «впечатлениеяс» - тадз и сійӧ миянӧс матӧджык тӧдмаліс, и ми тӧдім, мый сыкӧд позьӧ юксьыны, и нӧшта на быд вежон вӧлі анализируйтан, мый тадз, а мый не этадз. И мӧд педагог, коді миянкӧд тшӧтш 4 во чӧж - тайӧ Валерий Михайлович Маркин. Ми ӧтлаын сыкӧд прӧйдитім став этапсӧ, пфд-сянь (память физических действий) образъясӧдз, и кыдз финал - миян ӧтув удж - А.Н.Островский кузя «Поздняя любовь» спектакль. Коми кыв велӧдысь Ольга Михайловна Лысенко миянкӧд вӧлі первой курссянь. Сы вӧсна мый ме коми, меным, дерт, сылӧн урокъяс вӧліны кокниӧсь, но и меным пыр вӧлі зэв интереснӧ сылӧн урокъяс вылын, сы вӧсна мый тайӧ вӧліны эз прӧстӧ гажтӧм параяс став падежъясӧн и с.в.., а збыль творческӧй процесс. Шуам, ми вӧчлім быдсяма лыддьысян рытъяс торъя сиӧм авторъ-яслы.

Y 15 2

Кристина: Нёль вонас, коді колис Борис Щукин нима театральнӧй институтын, вӧлі быдсяматорйыс: ми бӧрдім, сералім, майшасим, ноксим, а медшӧрыс – велӧдчим, кӧть таӧ ве-лӧдчыны сьӧкыд: ачыд кӧ он кӧсйы, педагогъяс нинӧм оз вермыны вӧчны, мыйта кӧть оз мырсьыны. Первой кадсӧ вӧлі сьӧкыд, окота вӧлі ставсӧ шыбитны да мунны гортӧ, но терпение да удж вайӧдісны менӧ велӧдчӧм помалӧмӧдз да спектакльясӧдз, кодъясын эг и мӧвпыштлы ворсны. Миян велӧдысьяс – актёрскӧй кафедраса мастеръяс: В.А.Сажин, В.М.Маркин, Сазонова Галина Петровна – миян ичӧт, но сы кадӧ жӧ и ыджыд семья, коді став кадсӧ миянӧс видзис-лелькуйтіс, радліс да видзӧдіс, кыдз ми быдмам. А Ольга Михайловналӧн коми кыв урокъяс вылын ми медводдзаысь босьтім киӧ «Биармия» кывбура текстъяссӧ, сэки ми эгӧ на и думыштлӧй, мый регыд тайӧ жӧ материалас босьтчасны Д.Н.Волков да Д.Ю.Чеботарев – том режиссёръяс, артистъяс, «Щука» помалысьяс, и миян артмас «Биармия» арт-рок мюзикл, кодӧс ми петкӧдлам «Маръямоль» фестивальын.

– Нывъяс, кутшӧм сяма рольяс ті эськӧ кӧсйинныд ворсны, кор локтанныд уджавны шылада-драмаа театрӧ?

Ангелина: Кажитчӧ ворсны разнӧй рольяс, не дзебсьыны кутшӧмкӧ ӧти маска сайӧ, например, характернӧйяс сьӧкыдджык, сы вӧсна мый ас дорсьыд ёнджык колӧ вешйыны.

Кристина: Театрын, Светлана Гениевналӧн веськӧдлӧм улын, ме эськӧ кӧсйи медводз збыльмӧдны режиссёрлысь мӧвпсӧ. Эмӧсь спектакльяс, кодъясын окота выльысь ворсны да окота бӧр бергӧдны репертуарас. Кутшӧмкӧ торъя роль, дерт, ог вермы кӧсйыны. Весиг неыджыд роль – тайӧ пыді удж, и ставыс, мый виччысьӧ тэсянь режиссёр, колӧ вӧчны. Институтын миянлы сетлісны видлыны арлыда рольяс, театрын найӧс оз на ло ворсӧма. Та вӧсна миянӧс виччысьӧ выль да интереснӧй удж, и ми дасьӧсь!

Содтам: Март 25-28 лунъясӧ Кристина, Ангелина да мукӧд велӧдчысь локтӧны Сыктывкарӧ нёль спектакльӧн: «Молодая хозяйка Нискавуори», «Поздняя любовь», «Каштанка» да «Биармия». Корам ставнытӧ театрӧ!

Сёрнитіс Евгения САВИНА.

 

Добавить комментарий


наверх