Радио Юрган

Приёмная/факс: 8 (8212) 24-01-16

Электронный адрес:
smi-komimu@mail.ru

Адрес: 167982 Республика Коми, г.Сыктывкар, ул.Карла Маркса, д.229

Йитчыны миянкӧд

Skype пыр.

Связаться с нами

через Skype.

Подвигыс оз вун

Y 16

Март 30 лунӧ Сыктывдін районса «Гренада» велӧдчан да дзоньвидзалун сӧвмӧдан шӧринын  томулов петкӧдлісны Сӧветскӧй Союзса герой Сергей Черепановлысь подвигсӧ. Тайӧ петкӧдчӧмыс кывкӧрталіс «Юный спасатель – 2017» смена, кодлӧн уджӧ пырӧдчисны республикаса кар-районъясысь 147 велӧдчысь.

Подвиг петкӧдлӧм дорӧ матыстчӧмаӧсь кывкутӧмӧн: водзмӧстчысьяс дасьтӧмаӧсь пу керкалысь макет, сӧвет кадся салдат форма, корсьӧмаӧсь 10 лыйсянтор (тайӧ Калашниковлӧн автоматъяс да Шпагинлӧн пистолет-пулемёт), гижӧмаӧсь сценарий да ньӧбӧмаӧсь пиротехника. Тӧдчӧдам, мый реконструкциясӧ отсалӧма нуӧдны биысь видзчысян да войтырӧс доръян республикаса управление. Том спасательяслӧн смена вылӧ волӧмаӧсь вель уна кадет, налы и вичмӧма кызвын уджыс, ӧд тайӧ зонпосниыслӧн эм и колана тӧдӧмлун, и ӧружиеӧн вӧдитчан кужанлун.

Y 16 1

Кӧрткерӧс районса Шойнаты сиктысь кадет Олег Попов ворсӧма медшӧр рольсӧ:

– Кор вӧзйисны Сергей Черепановлысь роль – дзик пыр и кӧсйыси, зэв интереснӧ вӧлі тӧдмавны Чилимдінысь геройлӧн подвиг йылысь. Сійӧ повтӧг дорйӧма Айму да сетӧма асьсыс олӧмсӧ...

Историческӧй реконструкциясӧ видзӧдісны сменаӧ став пырӧдчысьыс да Айму вӧсна Ыджыд тышса ветеранъяс – Алексей Вдовин да Афанасий Козловцев.

Y 16 2

- Татшӧм петкӧдчӧмъясыс – зэв бур мӧвп. Челядьлы ичӧтсяньыс колӧ висьтавны геройяс, салдатъяс йылысь, кодъяс асьсӧ жалиттӧг дорйисны Чужан му. Чайта, мый тайӧ зонпоснисьыс быдмасны бур Айму дорйысьяс, – кывкӧрталіс Алексей Петрович Вдовин.

Сергей Черепановлӧн отряд медводдзаӧн матыстчис Поддубье сикт дорӧ, но медматысса керкаысь пулемётысь лыйліс вӧрӧг да эз сет разведчикъяслы мунны водзӧ.

– Вперёд! – горӧдіс Сергей Черепанов да кык ёрткӧд котӧртіс вӧрӧглань, салдатъясыс керкаӧдз эз воны, усисны пулемётлӧн ӧчередьысь, Сергей Черепановлы удайтчис шыбитны лыйсянінӧ граната, но пуля веськаліс нин салдатлӧн морӧсӧ. Тышыс муніс водзӧ, тайӧ лунӧ усисны отделениеысь став салдатыс, а кор командир колис ӧтнас, сійӧс кытшалісны фашистъяс. Сергей Черепанов эз сетчы бӧръя здукӧдз, а кор патронъяс бырисны взорвитіс асьсӧ да кытшалысь фашистъясӧс.

Y 16 4

Сергей Черепановӧс дзебисны Новгород обласьтын 1944 вося октябрь 5 лунӧ. Сержант С.М.Черепановлы сетісны Сӧветскӧй Союзса Геройлысь ним. Новый Бор посёлокын геройлысь ним сетӧма школалы да уличалы, а сэтчӧс олысьяс вайӧны дзоридзьяс Сергей Черепановлӧн бюст дорӧ.

Биысь видзчысян да войтырӧс доръян республикаса управлениелӧн юӧр серти.

Y 16 3

 

Добавить комментарий


наверх