Радио Юрган

Приёмная/факс: 8 (8212) 24-01-16

Электронный адрес:
smi-komimu@mail.ru

Адрес: 167982 Республика Коми, г.Сыктывкар, ул.Карла Маркса, д.229

Йитчыны миянкӧд

Skype пыр.

Связаться с нами

через Skype.

Коми йöзöдчан керка - № 28 (18175)

Радейтöй...

khatanzeyskiy

Öти мужичöйлы удж вылас сетісны курортö кык путёвка. Дядьöыд пикö воис: гöтыркöд кö пö муна — гуся пöдругаöй дöзмас, гуся пöдругакöд кö — гöтыр лöгасяс. Мöвпалыштіс мыйкöдыра да шеныштіс кинас: «Чöрту! Кыкнаннысö шойччыны ыста, öта-мöднысö оз жö тöдны-а...»

Ветлісны аньясыд курортö да воисны бöр. Мужичöйыд видлаліс гöтырыслысь снимокъяс да аддзис сэтысь гуся пöдругасö. «Тайö нö коді?» — йöй улö лэдзчысис верöс. «Ог тöд, — вочавидзис пöлыс, — но мужикъяссö перчатки моз быд лун вежлаліс...» Дядьöыд муніс гуся пöдруга дорас да сылöн фотоясысь аддзис гöтырсö. «Тайö нö эськö коді?» «Честнöй нывбаба, — ышлолыштіс пöдругаыс, — верöсыскöд локтіс, верöсыскöд и муніс бöр гортас...»

Аньлöн шудыс — муса верöс да челядь

KM-1

Тöдмасьöй: Сыктывкарса Гöрд Затонысь уна челядя мам Ольга Хозяинова аслас быдтасъяскöд.

Верöсыскöд, Михаил Ивановичкöд, чужтісны куим челядьöс. 21 арöса Юрий босьтö тöдöмлун Сыктывкарса вöр институтын. Лоас автомеханикöн. Ичöтджык челядьыс «куимтöг» помалісны 5-öд класс. Но Георгий мöвпалö нин лоны финансистöн, а Юлиана – бурдöдысьöн.

Матö 25 во сайын Сыктывкарса педучилище помалöм бöрын практика дырйиыс мича ныв Ольга тöдмасьöма томиник электрик Михаилкöд. Öта-мöд дорас муслуныс ыпнитöма пыр жö. Сэксянь абу нин торйöдчылöмаöсь...

Окота юавны

KM-2

Кольöм вежонö республикаса правительствоöн веськöдлысь Владимир Тукмаков ветліс Ыбса этнопаркö, кытшовтіс сійöс, а бöрас кывкöрталіс: Комиын медыджыд туристическöй шöринлöн уджысь пö водзöсыс абу (кöть та вылö видзöма нин вель уна сьöм — ред.).

Выльлунö министръяслöн чукöртчылöм дырйи республикаса туризм агентствоöн веськöдлысьлысь удж вöчысь Наталья Филина кыпыда юöртіс, мый матысса кадö финн-йöгра этнопарк сöвмöдöм вылö федеральнöй бюджетысь вичмöдасны нöшта 184 миллион шайт.

Кыдзи чайтанныд, отсалас-ö тайö сьöмыс сöвмöдны гаралöм шöринлысь уджсö?

Öтув босьтчöмнад, дерт, кивывджык

KM-3-1

Таво февральын Эжва йылын Улыс Воч овмöдчöминса Вылыс Воч грездын олысьяс котыртісны ассьыныс «Комиагрорегион» видз-му кооператив. Медым öтлаын вöдитны скöт, а сідзжö вöчны яйысь вöлöга, быдтыны картупель да град выв пуктас, заптыны кöрым, чукöртны тшак-вотöс, вöчны сиктсалы тöдчана мукöд удж.

Грездын тайö выль предприятиесö лöсьöдöм могысь öтувтчис квайт фермер овмöс, первой кадас бергöдчыны быдöн вичмöдіс 2,5 сюрс шайтöн. Веськöдлысьнас бöрйисны Зарема Николаевна Морохинаöс.

Субöта рытö...

KM-6-1

Кольöм субöтаö, июль 4 лунö, рытладорыс, Сыктывкарын бара вöлі ыджыд неминуча. Дырнöсса «Черёмушкиын» бетон плита тыра прицепа МАЗ нырыштіс автобус сувтланінсö. Кувтöдзыс доймалісны йöз...

Регионса ГИБДД-лöн юöр серти, МАЗ-лöн руль сайын пукалöма 33 арöса мужичöй. Ыджыд öдöн локтöма карлань. Сы водзын мунöма мöд машина, коді сувтöма пода йöзлöн вуджанінсянь неылö, медым лэдзны туй вомöн восьлалысь аньöс. Медым не люкавны водзвывсьыс тайö машинасö, МАЗ-са шопер кежöма веськыдвылö, но... Ыджыд машинасö шыбöлитöма, да сійö зургöма туй вомöн вуджысь аньсö, нöшта на и лязöдöма автобус сувтланінсö.

Лышкыд сьöлöма да кыпыд лола

KM-12-1

Машина тöлöдіс нин менö Сыктывкарлань, а пельын пыр на юргис Василий Рочевлöн кыпыд сьыланыс: «Ижма – радость моя, Ижма — песни строка. Ты моё, ты моя – и село, и река...» И кöть эськö тайöс гижис войвылö бокысь волöм морт А.Агузаров, быд кывсянь öвтö изьватаслöн чужанін дорö пыдди пуктöм да муслун. А син водзын кодзувъяс моз дзирдалісны тавося «Луд» гажлöн медся яръюгыд серпасъясыс...

Шойччисны и нажöвитчисны

KM-19-1

Чайта, школаын быд велöдчысь ныр нюжавмöныс виччысьö гожся каникул. Ме тай мартсянь нин пасъяла календарын кольöм лунъяссö-а. Öд гожöмнас позьö вунöдны школаса тетрадь-ручка, гортса удж, сьöкыд уравнение йылысь, а сідзжö шойччыны 6 час асылын троньгысь мустöм будильникысь. Тайö жö тöлысьясас позьö ветлыны саридз дорö, гöститны пöч дорын сиктын либö гожйöдчыны шонділöн мелі югöр улын.

Велöдчисны, гажöдчисны, ёртасисны

KM-22-1

Июнь 29 — июль 4 лунъясö Ухтаса техническöй университетлöн «Крохаль» шойччанінын «Инноватика» форум вылö витöдысь чукöртчылісны республикаса кар-районъясысь, а сідзжö Уфа, Челябинск да Нарьян-Мар каръясысь водзмöстчысь томулов.

Нопъясным сьöкыдöсь, мудзöма мыш...

KM-24-1

Вай жö, ёртъяс, казьтыштам ошйысигмоз, кыдзи ветеран чукöр öдöбтылім турпоходö. Эновтім телевизор, öвтыштім киöн град выв пуктас пöдтысь ёг вылö, колим внук-внучкаöс бать-мамныслы. Быттьö вунöдлім коркö доймылöм ки-кок да юкалысь лысьöм йылысь, эг повзьöй тешкодясьысь поводдяысь.

Чукöрмим Намысь, Кöрткерöсысь, Доддзысь, Пезмöгысь, Важкуръяысь, Калятыысь, Шойнатыысь, Висерысь, Одыбысь, Пöдтыбокысь, Керöсысь войтыр. Видзöда да, нимкодь – абу öтнам йöйыс.

наверх