Радио Юрган

Приёмная/факс: 8 (8212) 24-01-16

Электронный адрес:
smi-komimu@mail.ru

Адрес: 167982 Республика Коми, г.Сыктывкар, ул.Карла Маркса, д.229

Йитчыны миянкӧд

Skype пыр.

Связаться с нами

через Skype.

Коми йöзöдчан керка - № 30 (18177)

Кага, цирк воис, эн бöрд...

khatanzeyskiy

Пи чужис, да тöлысь тыртöдзыс быд вежон волывліс педиатр. Ар комына ань медводдза волöмсяньыс нин чуймöдіс менö уджалан тöдöмлун-сямнас. Узьысь дзолюкöс ылісяньмоз видлалігöн юаліс: «Мый вылö кö норасянныд он?» Мися, ме ог, а кагалöн со горшыс гöрдджык. «И кутшöм мера примитінныд?» — мелань сюся видзöдліс еджыд халата. «Юктöдім катшасин ваöн», — вочавидзис гöтыр. Педиатрыд перйис нопсьыс... небöг и пондіс збоя листавны сійöс. Сэсся, тыдалö, аддзис колана гижöдсö, лыддис вомгорулас — быттьö юрбитыштіс — да кывкöрталіс: «Правильнö! Водзö юктöдöй катшасин ванад...» Мыйсюрö эськö нöшта на кöсйим бурдöдысьыдлысь юавны, но мортыс тэрмасис мöд пузчужöма дорö. Петігмозыс сöмын шуыштіс: аскомысь пö медсестра волас, да сійö ставсö тіянлы тыр-бура гöгöрвоöдас...

Ас му вылын ас йöзкöд

KM 1

Тöдмасьöй: Вадим Уляшев. Зільö Кöрткерöс районса йöзöс велöдан управлениеын программистöн да системнöй администраторöн. Кывкутö оз сöмын тайö учреждениеас компьютеръяс вöсна. Сылöн дöзьöр улын нöшта и 27 школа да детсад.

Вадим Фёдорович чужлöма Адзорöм посёлокын. Школа помалöм бöрын велöдчöма Коми пединститутын физик-информатикö. Диплом босьтöм бöрас эськö и видлöма корсьны юркарысь удж, но весьшöрö. Во уджтöмалöма да шуöма бöр локны чужанінас.

Чинöм пыдди содö

Мöйму республикаын вöлöма аснаукöн панöм 180 шыблас чукöр, а тайö матö 200 гектар. И нинöм шензянаыс абу: унджык сикт-грезд дорысь позьö аддзыны тыртöм сулея, ковтöм эмбур да мукöд лöп-ёг.

Неважöн Госсöветлöн мупытшкöсса озырлун да вöр-ва видзан комитетын, кытчö чукöртчылісны парламентса депутатъяс, республикаса министерство-ведомствоын уджалысьяс да мукöд чина йöз, вöлі сёрни производстволöн коляскöд да йöзлöн шыбласкöд йитчöм «гöрöдъяс» разьöм йылысь. Вайöдісны татшöм лыдпас. 2014 воын Сыктывкарса бюджетысь 1 миллион шайт «сёйöма» юркарын аснаукöн панöм шыблас чукöр идралöм-пелькöдöмыс.

АС СИНМÖН

KM 2 1

Кольöм пекничаö Кöрткерöс районса Одыб сиктын восьтісны «Дзоридзалысь рай» шойччанін.

Сійöс дасьтöмын водзмöстчисны «Доброволец» ТОС-ö пырысьяс.

Сьöмсö судзöдісны экономика сöвмöдан министерстволöн грант вылö конкурсын вермöмöн.

Сикт шöрын лои вöчöма мича шойччанін: гöгöр дзоридз клумба, лöсьыд лабич, дзодзöга-туриа «ты».

Тані жö лöсьöдöм юöртан стендысь позьö тöдмавны сиктса выльторъяс.

Окота юавны

KM 2 4

Сыктывкарса университетын шуöмаöсь мынтыны вель ыджыд стипендия первой курсын бюджет весьтö луннас велöдчысьяслы, кодъяс бöрйöмаöсь торйöн урчитöм  специальносьтъяс.

Сідз, биология, химия, экология да öткымын мукöд нырвизь серти тöдöмлун босьтысьлы медводдза семестрас стипендиясö урчитöма 5 сюрс шайт, аскиа журналистлы, политологлы, а сідз-жö коми кыв да литература велöдысьлы – 10 сюрс шайт.

А ті эськö стипендия радиыс пыринныд велöдчыны вузö, весиг специальносьтыс кö «абу тіян»?

Сюруклы выль карта

KM 3

Таво Эжва йылын помöдз дзоньталасны мöс видзан кык карта. Та йылысь юöртіс республикаса видз-му овмöс да сёян-юан Кузя министрлысь удж вöчысь  Алексей Буткин  Кулöмдін районö волігöн.

- 2015 воын ми быть помалам Помöсдінса видз-му овмöс кооперативлысь 240 мöс вылö карта дзоньталöмсö. Уджыс талун пуö нöшта и Пожöгса скöт ви-дзысьяслöн фермаын.  Сійöс урчитöма 200 юр вылö. Виччысям, мый уджсö сигöртöм бöрын районын тöдчымöн унджык кутасны лысьтыны йöвсö. Сэсся и сиктсалы лоас содтöд уджалан места.

Кулöмдінса детектив. «Чегисны» мыжтöг мыжаöс?

KM 4 1

«Коми му» газет редакция шыöдчисны Кулöмдін районысь Дмитрий Шаховлöн рöдвужыс. Висьталöмас öдва эскыссьö. Мужичöй пö заводитлöма öзтыны Кекурса лавка. Чойясыслöн кывъяс серти, июль 8 лунö участкöвöй нуöдöма сійöс сёрнитыштны та кузя. А сэсся Пожöгса больничасянь юöр-тöмаöсь, мый кулöма нисьö ловъя Дмитрийöс лэччöдöмаöсь юрсиктö...

Сетас кö Енмыс нöшта öтчыд овны...

KM 6

«Пырöй, пырöй. Окма, кокöй омöля кывзысьö да, нинöм нин прамöя вöчны ог вермы. Вай, Öльöксан, тшайниктö пукты», — татшöм кывъясöн пиыскöд сёрнитігмоз паныдаліс миянöс Кöрткерöс районса Адзорöм посёлокысь Айму вöсна Ыджыд тышса ветеран Алексей Александрович Игушев.

Алексей Александровичлы 95-öд арöс нин. Чужлöма Шойнаты районса (öні Кöрткерöс район) Сюзяыб грездын. 1940 вося сентябрын 18 арöса том мортöс босьтöмаöсь армияö. Веськалöма Алексей Украинаса Львов карö, 533-öд зенитно-артиллерийскöй полкö.

Дзажгис пила, грымакыліс рок...

KM 12 1

Кулöмдінын кыпыда пасйисны район котыртöмсянь 86 во тырöм

Дереваннöйысь Ольга Борисовна Попова нэмсö олöма да уджалöма Сыктывкарын, фанера вöчан заводын. А шойччöг вылö петöма да бöр локтöма чужан сиктас олöма нин мамыс Анна Ивановна дорö.

Кыпыд нöрысын, Гажакерöсын

KM 13 1

Вежа Емдін му вылын эм зэв мича ді. Паськыд ота, 13 сикт-грезда миян муса От гöраным. Эжва юлöн шуйгаладорас крут нырд йылын павкнитчöма Гажакерöс грезд. Бура ыджыд арлыда öд нин, 1702 восянь кывсьö му вылас, Питер каркöд буретш тшöтшъяöсь. Со кыдзи! Сэсся и вежа Петыр-Павеллысь лунсö грездын нэмсö медыджыд крам праздникöн лыддьöмаöсь.

наверх