Радио Юрган

Приёмная/факс: 8 (8212) 24-01-16

Электронный адрес:
smi-komimu@mail.ru

Адрес: 167982 Республика Коми, г.Сыктывкар, ул.Карла Маркса, д.229

Йитчыны миянкӧд

Skype пыр.

Связаться с нами

через Skype.

Коми йöзöдчан керка - № 31 (18178)

«Кеннедитö лыйи ме!..»

khatanzeyskiy

Неважöн бур тöдсакöд сёрниö воим. Мортыс комын кöкъямыс во шопералöма, нэмнас туй выв правилöтö абу торкавлöма дай, Ен сыкöдöн, неминучаö абу веськавлöма. А кутшöмкö лунö пö Сыктывкар — Гöрд Затон туйкостын сувтöдöма гаишник, сюся видзöдалöма документсö, сэсся корöма пуксьыны патрулируйтан машинаö.

«Чуйми, — висьтасис Володя (тöдсаöс тадзи шуöны), — кори погонаöс гöгöрвоöдны, мыйын делöыс. А сійö букыша видзöдліс ме вылö да вомгоруласмоз нурбыльтіс: тэнад пö кольöмвося декабрсянь на штрапыд мынтытöм...»

Мудзыд веськалö, лолыд кыпалö...

KM 1

Мылдін районын кыпыда пасйисны Прокопей лун. Покчаын крам праздник гаж дырйи лунтыр зымгисны-йöктісны, ливкйöдлісны сьыланкыв-частушка, юргис гудöк шы.

Заводитчис гажыс сиктöд крестöн мунöмöн. Мылдінысь Вежа Троича вичкоысь Иоанн ай ставнысö бласлöвитіс. Сэсся Казанскöй богородича да Прокопей öбразъясöн мöдöдчисны сиктын сувтöдöм крест дорö.

—Водзынсö эськö миян сиктын вичкоыд вöлі, но кольöм нэмся 40-öд воясö кисьтісны. Выльöс кыпöдны ог вермöй да кык во сайын сы местаö сувтöдім крест, — висьталіс покчаса ань, гаж котыртысьяс пиысь öти Елена Растворова.

Окота юавны

KM 2 3

Таво Комиын 60 сюрс сайö морт (70 прöчентысь унджык федеральнöй льготникыс) босьтö сідз шусяна соцпакет пыддиыс сьöм.

Казьтыштам, федеральнöй кокньöдöн вöдитчысьлы быд тöлысь шуöма вичмöдны государствосянь соцуслугасö 930 шайт 12 ур дон: сы лыдын лекарство вылö урчитöма 716 шайт 40 ур, санаторий-курортын бурдöдчыны – 110 шайт 83 ур да сэтчö ветлыны туй вылö – 102 шайт 89 ур.

А ті кокньöднас вöдитчанныд али сы пыдди сьöм босьтанныд? Мыйла?

Ас синмöн

KM 2 1

Княжпогост районысь Екатерина Каракчиевалы вичмöдісны Емваын öти жыръя патера.

Екатерина водз кольöма бать-мамтöгыс, да сійöс быдтöма пöчыс. 2013 воын ныв помалöма Сыктывкарын колледж, öні босьтö тöдöмлун Сыктывкарса госуниверситетысь «Управление» факультетын. Диплом сетасны да, мöвпалö бöр локны чужан районас.

Эн вывтіасьöй, эн горшасьöй

KM 4

Август 8 лунсянь миян республикаын позьö лыйны ваысь, нюрысь да виддзысь пöткаöс, а август 15-сянь — чукчиöс, тарöс да сьöлаöс...

Вöралысьяс тайö юöрсö, дерт жö, нимкодьпырысь виччысьöны. Кыйсьысьяс пиысь кодсюрö, кöнкö, патронсö нин зарадитісны, ружьесö весалісны, тувйын öшалысь ноп вылö гусьöник кыйкнитлöны.

А мыйджык колö тöдны ружьеа мортлы? Буретш та йылысь сёрнитам республикаысь вöралысьяслöн да чери кыйысьяслöн котыр правленньöн веськöдлысьöс вежысь Дмитрий Дробатокöд.

Кызь во «Радлунын»

KM 13

Таво «Гренада» лагерса «Радлун» сменаö республика пасьталаысь шойччыны воисны 200 сайö ныв-зон.

Найöс чолöмалігöн Комиысь национальнöй политикаса министр Галина Габушева пасйис, мый кызь воöн (та дыра нин котыртлöны этнокультура сменасö) «Радлунын» шойччис 3,5 сюрс том морт нин. И пыр накöд öтлаын вöліны ыджыд сяма педагогъяс.

Кир Гал Прокö Вась: Манитіс енэж, да чуксалісны «кодзувъяс»

KM 25

Июль 28 лунö Коми Республикаса народнöй артист Василий Прокопьевич Рочевлы тырис 65 арöс. Тшупöда пас водзвылын миян журналист аддзысьліс сыкöд, сёрнитыштіс олöм да творчество йылысь.

Ми радейтам ассьыным радио

Тайö шыöдчöмыс Удора йöзсянь, а, сідзкö, налöн инöд.

Дзик на неважöн Сыктывкарын ме мöдысь нин пыралі «Коми гор» телерадиокомпаниялöн некымын судтаа керкаö. Веськалі радио редакцияö. Ме ногöн кö, «Коми гор» радиоыс — ловъя чужан гöлöс, кодöс коми морт медъёна донъялö да радейтö.

Неыджыд жырйын тöрöдчö нёль радиожурналист. Уджалöны сюсь, прамöй, вежöра, мича коми аньяс, кодъясöс тöдö став республика.

Тематика юкöнöн веськöдлö Галина Ведерникова, республикаын нималана да ыджыд сьöлöма морт...

Коми «кöра» мода

KM 28

Кольöм вежонö Сыктывкарö воліс Москваысь кутюрье, художник-график, дизайнер Алиса Толкачева. Дизайнер мöвпалö дасьтыны выль паськöм да мичмöдны сійöс коми мифология пасъясöн.

Сера ноп да ковта

Комиö Алисаöс корис «Ыбица продакшн» котыр. Сыктывкарын кутюрье вöлі кык лун. Гуляйтіс кар кузя, пыраліс национальнöй музейö, аддзысьліс Питирим Сорокин нима Сыктывкарса государственнöй университетысь ректор Марина Истиховскаякöд, Коми наука шöринысь фольклорист-этнограф Павел Лимеровкöд, художник-этнофутурист Юрий Лисовскийкöд.

наверх