Радио Юрган

Приёмная/факс: 8 (8212) 24-01-16

Электронный адрес:
smi-komimu@mail.ru

Адрес: 167982 Республика Коми, г.Сыктывкар, ул.Карла Маркса, д.229

Йитчыны миянкӧд

Skype пыр.

Связаться с нами

через Skype.

Коми йöзöдчан керка - № 33 (18180)

Чина-чина-опа,чина-чина-най...

khatanzeyskiy

Кывлінныд, Комиö пö бара на китаечьяс волöмаöсь. Сьöмнысö некытчö воштыны да, ветлöдлöны-корсьöны, кытчö позьö инавны! Ылі Асыввывса дона гöсьтъ-яслы петкöдлöмаöсь Сыктыв районса Ыбысь этнопарк, Виж керкаын тöдмöдöмаöсь «Белкомур» уджтас, нуöдлöмаöсь юркар-са этнография музейö, Степан изэрд вылö... Енкöласаыдлы ёна кажитчöма Ленинлöн памятникыс. Вель дыр пö тай сэні фотографируйтчöмаöсь. Он тöдлы, колöкö, сэтчö и инвестируйтасны чöжöмасö — чунь кыза мавтасны пролетариатлöн вождьлысь из мыгöрсö лöсталысь зарниöн. А уліас лышкыда пасъясны — Made in China.

Шыблалісны гира, чужъялісны мач...

KM 1Изьва районын физкультурниклöн лунлы сиöм ордйысьöмыс нюжаліс кык лун. Варышын да Щельяюрын футболасисны, ворсісны лыа вылын волейболысь да исласисны лыжероллерöн. Юрсиктын нывбабаяс вермасисны пöжарно-прикладнöй спортын: кад вылö кышалісны кусöдчысьлысь паськöм да шлангысь ва резöмöн зілисны уськöдны сюръя помысь мач. Вермысьнас шуисны детсадйын уджалысьöс. Таысь кындзи Изьваысь том да верстьö панласисны велосипедöн. Медся олöма спортсменыслы вöлі 63, а медічöтыслы сöмын на сизим арöс.

Окота юавны

KM 2 4

Республикаса прокуратура туялöма, кыдзи пöртöны олöмö Госдумаын Федеральнöй Собраниелысь «1941-1945 воясö Ыджыд тышлöн 70 вося Победа пасйöмкöд йитöдын амнистия йöзкöд йылысь» индöд. Тöдса, мый тавося апрель 24 лунсянь (сэки петіс индöдыс) июль 31 лунöдз амнистия улö веськалöма 4.604 морт. Сутшкасян сутуга сайысь вöля вылö лэдзöма 576 пукалысьöс, 1.008-лысь киритöма условнöя кывкутöмсö, водзвыв туясигöн на пöдлалöма 747 уголовнöй делö, 529 мортöс мездöма штрап вештöмысь... Но такöд йитöдын прокуратураса эрдöдöмаöсь вель уна оланпас торкалöм. Шуам, Воркутаысь öти колония ас вöляöн лэдзöма 6 пукалысьöс, кöть эськö тайöс вермис вöчны сöмын ёрд. Сыктывкарын, Ухтаын, Изьва, Емдін, Кулöмдін да Печора районъясын уголовнöй делö дугöдöм кузя процессуальнöй помшуöм вöчигöн торкалöмаöсь Уголовнöй кодекслысь тшöктöмъяссö...

Кыдзи ті чайтанныд, а колö-ö татшöм амнистияыс?

Кутам ёртасьны и водзö

KM 2

Коми Республикаса Юралысь Вячеслав Гайзер да Ненеч асшöр кытшöн веськöдлысь Игорь Кошин кырымалісны кык регион костын водзö топыда ёртасьöм йылысь сёрнитчöм.

Ас синмöн

KM 2 1

Княжпогост районса Синдор станцияын сöвтаса поезд зургöма öтпырысь нёль сюрукöс.

Кыдзи юöртісны транспорт вылын линейнöй полициялöн веськöдланінын, неминучаыс лоöма кольöм вежалунö.

Мöсъяс вöлöм йирсьöны веськыда кöрт туй вылас. Поездса машинист казялöма найöс сёрöн нин.

Составсö другысьöн сувтöдны абу артмöма.

Люкалöм сюрукъяс кувмöныс доймалöмаöсь.

Велöдчысьяслы козин

KM 5 2

Комиын патриотизмлы сиöм воö 1-öд да 2-öд классъясын велöдчысьяслы, а сідзжö кадетъяслы козьналасны «Школьниклысь дневник». Сійö аслыспöлöс, öд сэні эмöсь миян республикаын чужлöм Айму вöсна Ыджыд тышса геройяс йылысь пасйöдъяс.

Тима Вень нима

KM 5 3

Тима Веньлöн чужöмсянь таво тырö 125 во. Такöд йитöдын Кулöмдін районса администрация да «Коми войтыр» öтмунöмлöн Эжва йылын представительство шуисны нуöдны конкурс да сылöн кывкöртöдъяс серти вермысьыслы сетны В.Т.Чисталёв нима Литературнöй премия. Конкурссö котыртöмысь кывкутасны Кулöмдін районса библиотека да «Парма гор» газет редакция.

Сöвесьтыд кö абу...

KM 20 1

Бара воссис арся кыйсьöм. Вöралысьлы тайö – медшуда кадыс. Öд бара пöттöдз позьö келавны вадорті да парма-ягті, нимкодясьыштны войвывса муса вöр-ваöн.

Сöмын унатор син водзын вежсьö. И оз ставыс бурланьö. Чайта да, вöралысьяс асьныс тайöс аддзöны.

Жар лоö!

KM 23 2

Локтан субöтаö Комиын босьтас öдсö «Футболöн ворсан гожöм» турнир.

Тайö ордйысьöмсö нуöдöны республикаса «единороссъяс». Кыдзи пасйис Комиын футбол федерацияса президент Константин Ромаданов, зэв тöдчана, мый воысь воö пыр окотапырысьджык ворсöны футболöн оз сöмын карса, но и сиктса олысьяс.

Лыбö выль бассейн

KM 23 1

«Коми му» газет гижліс нин, мый юркарса «Орбита» микрорайонын стрöитöны выль бассейн. Сійöс кыпöдöмсö арталісны 740 миллион шайт дон. Сизимсё миллионсö шуисны вичмöдны республикаса, а нелямынсö — федеральнöй бюджетысь.

наверх