Радио Юрган

Приёмная/факс: 8 (8212) 24-01-16

Электронный адрес:
smi-komimu@mail.ru

Адрес: 167982 Республика Коми, г.Сыктывкар, ул.Карла Маркса, д.229

Йитчыны миянкӧд

Skype пыр.

Связаться с нами

через Skype.

Коми йöзöдчан керка - № 34 (18181)

Лирика да проза

khatanzeyskiy

Ок и, паськыд, мича да озыр Коми Республиканым!..

Ставыс, лирика помасис, водзö лыддьöй шуштöм проза...

Школа помалöм бöрын (хм, сё дас öтиöдысь нин тайöс висьтала) шуи водзö велöдчыны Сыктывкарса канму университетын. Локті юркарö документ сдайтны. Матыстчи университетлöн еджыд кузь корпус дорö, да кокöй тірны пондіс, пырны ог лысьт. Первойысь карö вои, да абу дивö. Видзöда, кильчö рöчас ме кодь жö тундралöн быдтас турдöма-сулалö. Збоймышті да матыстчи сы дінö, кыдъя рочöн юалі, мися, татчö жö окотитан? Мöд быттьö шогпырысь и вочавидзис: татчö пö. Тöдмасим. Зонсö Олегöн ыдждöдлöны. Вомöй воссис юавны: кытысь, мися, вок, лоан? «Зимстанысь», — дженьыда шуис выль ёртöй. «Но!» — гораа чуйми ме. Да понді ас кежысь нин мöвпавны: «Кöні бара-й сэтшöмыс-а?! Казахстан тöда, Узбекистан тöда, Таджикистан и весиг Афганистан да Пакистан... А со Зимстан йылысь эг на кывлы, эг! Буракö, сійö мусюр саяс нин вошöма-ылалöма...»

Ов, Коми му!

KM 1 1

Ов, Коми му, бур чужан му,

Сöвмы тэ воысь-во!

Быдöнлы дона, быдöнлы муса,

Некысь он аддзы мöд татшöм мусö.

Бать-мамлöн му, медмича му,

Мичаöн век тэ ло!

АС СИНМÖН

KM 2 1

Сосногорск карса коми гижысь Яков Рочев нима библиотекаын котыртлісны кывбур лыддьысьяслысь «Край родной, я песнь тебе пою» конкурс.

Окота юавны

KM 2 3

Ноябрь 15 лунсянь Россияын медводдзаысь кутасны босьтны федеральнöй трасса вылын сьöкыд фураöн журъялöмысь дон. Машиналöн кöзяевалы быд километрысь ковмас вештыны 3 шайт 9 ур. Чина йöзлöн арталöм серти, тадзикöн 2016 воын туй фонд озырмас 40 миллиард шайт вылö.

Кыдзи чайтанныд, а отсалас-ö тайö «бурдöдны» Россиялöн кык медшöр «юр висьöмысь» öтисö — шогмытöм туйяс?

Быд пемöс дöзьöр улö!

Воторникö Коми Республикаса Каналан Сöветын вöр-ва да мупытшса озырлунъяс комитетö пырысь пикö воöм депутатъяс чукöртчылісны торъя сöвещанньö вылö. Сёрнитісны гортса пемöсъясöс идöра видзöм йылысь.

Ми юöртлім нин, мый Изьва районса Сизябын олысьяс тшöтш пöгибö воöмаöсь таысь.

Сиктса ас овмöсъясын артавсьö 200 сайö сюрук, но пастукалöм ни сиктса, ни районса администрация котыртны некыдз оз вермыны. Йöзыс пö паныдöсь, оз кöсйыны мынтысьны пастукыслы да.

И татшöм серпасыс республикалöн пöшти быд пельöсын...

Кыдзи олан, Эжва йыв?

KM 4 3

Кольöм вежонö Коми Республикаса правительствоöн веськöдлысь Владимир Тукмаков уджмогöн ветліс Кулöмдін районö. Сэтчöс администрацияын нуöдіс сикт-грездöн да гырысь овмöсöн юрнуöдысьяскöд сöвещанньö, пыраліс юрсиктса аптекаö, Скöрöдумын восьтіс 240 мöс вылö выль карта, воліс олöма да вермытöмлöн Зимстанса приютö...

Лекарство эм, аптекарыс абу

Колö шуны, республикаса кар-районö ветлігöн Владимир Тукмаков медводз пыралö бурдöдчанторйöн могмöданінö. Со и та пöрйö Сыктывкарысь воöм бöрын Владимир Алексеевич пырысьтöм-пыр кежаліс Кулöмдінса аптекаö. Кыдзи тыдовтчис, став колана лекарствоыс эм. Донъясыс абу жö ыджыдöсь.

Вячеслав Попов: «Финн-йöгра войтырлы колö уджавны зільджыка...»

KM 6

Июль 29 — август 1 лунъясö Эстонияса Тарту университетын муніс Финн-йöгра том войтыр ассоциациялöн (МАФУН-лöн) XII конгресс. Чукöртчылісны сэтчö Россияса финн-йöгра регионъясысь, а сідзжö Эстонияысь, Финляндияысь да Венгрияысь делегатъяс.

Миян республикаса делегацияö пырисны «Коми йöзöдчан керкаöн» веськöдлысь Вячеслав Попов, том коми войтырлöн «МИ» котырöн юрнуöдысьöс вежысь Василий Чупров, «Ловъя педагогика» общественнöй котыр петкöдлысь Анастасия Кошлец, Иван Куратов нима Сыктывкарса гуманитарно-педагогическöй колледжын велöдысь Ольга Рогожникова да национальнöй политика министерствоысь медшöр специалист-эксперт Людмила Камбалова.

Вячеслав Попов ветліс конгресс вылö, медым нимöдны сэні коми томуловлысь «Йöлöга» газет. Казьтыштам, газетыс пырö «Коми йöзöдчан керкалöн» борд улö, и буретш тайö национальнöй медиа-холдингнас веськöдлö миян вомъёртным.

Опца-опца-опца-ца, гажöдыштіс «Ыбица»!

KM 13 1

Кольöм субöтаö Сыктывкарса Степан изэрдын ыджыдаліс «Ыбицалöн» витöд гаж. Котыртысьяслöн арталöм серти, татчö воліс 15 сюрсысь унджык морт.

Мича ижемка

KM 19 1

Тöдмасьöй — Галина Ивановна Ануфриева.

Эжва йылын чужлöм да уна во нин Изьваын олысь мичасьыс-мича коми ань. Гöтыр, мам, велöдысь. Небыд да восьса сьöлöма зэв шань морт. Сылöн керкаын, пыран да, лолыд кыпавлö.

Паметьыс оз кус

KM 20

Чуклöмын быдöн тöдö менсьым дедöс. Сиктсалöн паметьын сійö кольöма бур, шань, вежöра мортöн.

Иван Михайлович Сельков чужлöма 1928 воын. 1941 воын помалöма 7 класс, а во мысти нин бригадиралöма «Роз» колхозын. Уджсьыс орöдчывтöг Кировын помалöма видз-му овмöс институт, 1974 вося декабрсянь Чуклöмса совхозын директоралöма. Бöрйылöмаöсь сійöс и сиктсöветса веськöдлысьöн. Гöтырыскöд, Мария Дмитриевнакöд, вит челядьöс быдтöмаöсь.

наверх