Радио Юрган

Приёмная/факс: 8 (8212) 24-01-16

Электронный адрес:
smi-komimu@mail.ru

Адрес: 167982 Республика Коми, г.Сыктывкар, ул.Карла Маркса, д.229

Йитчыны миянкӧд

Skype пыр.

Связаться с нами

через Skype.

Коми йöзöдчан керка - № 35 (18182)

УДОвольствие

khatanzeyskiy

Ог тöд, збыль али абу, Изьва районса öти сиктын паныдасьöмаöсь важся тöдсаяс. Уна во   нин абу аддзысьлöмаöсь да öта-мöдыслысь юасьöны: кыдзи да мый... «Тэ нö, Васьö, пукавлін эн?» — вом тыр кöрт пиня нюмöн читкыртлöма син пöвсö öтиыс. «Пукалі, дерт! — чашнитöма морöссьыс майка рöчсö мöдыс. — Абу али мый морт?!»

Роч кывйын эм уна мортлы тöдса нин аббревиатура УДО, мöд ногöн — условно-досрочное освобождение. А нöшта эм воля, комиöн кö — вöля. Öні видлöй öтувтны тайö кыксö: УДО + воля... Мый артмис? Стöч сідзи, УДОвольствие!

Ключ ваыс олöмсö ловзьöдö

KM 1

—Кутшöм мича грезд мöдлапöлас, Йöртымдінлы воча! Джуджыд мыльк вылын. Керкаясыс крепыдöсь, ыджыдöсь — татшöмъясöс и кыпöдлывлісны тані. Но — кушöсь, — öтпырйö и кыпыд лолöн, и жугыль синмöн висьталіс миянлы Людмила Лобанова.

Ми тшöтш шуим ветлыны сэтчö, Кöрттувъяö. Кыпöдчам гöраті, и медводз миянöс вочаалö ключ. Восьтам сы весьтын стрöитöм лэбув öдзöссö.   Ставыс ас местаас: пуысь бöчка, ключысь валы визувтны пу жöлöб. Сöмын ваыс — абу! Косьмöма. Кыдз нö тайö? Йöртымдінса висьталісны, кор на пö вöлі грездас олысьыс — ваыс визувтіс; öні олысьыс абу — и ваыс быри. Некодлы визувтнысö да...

Школаö туй

KM 2

Август 25 лунö республикаса Юралысьлöн общественнöй приёмнöйын чукöртчылісны ГИБДД-ын да велöдан министерствоын зільысьяс, сёрнитісны челядьлöн туй вылын доймалöм йылысь.

«Гöгрöс пызан» сайын пукалысьлöн кывъяс серти, та йылысь сёрниыс öні зэв тöдчана: матыстчö велöдчан во, челядь тöвзясны-мунасны школаö, да туй вылын доймалысьыс бара содас. Та вöсна колö вöчны ставсö, медым велöдчан воыс школаö ветлысьлы эз заводитчы неминучасянь.

Окота юавны

Сыктывкарса аньöс погона войтыр мыждöны муклюйтчöмысь. Туялöма нин, мый тöдсаяссö бöбйöдлöмöн сійö удж-йöзалöма 1 миллион 831 сюрс шайт. Сьöмсö бöр косöдны аньыдлöн, дерт, дум абу вöлöма. Ылöдчöмöн деньга асалöм кузя уголовнöй делö регыд видлаласны судын.

А ті могмöдланныд тöдсатö уджйöзöн?

Василий Канев, ас вылö уджалысь, Ухта кар:

—Збыльысь, наян йöзыд воысь-во содö. Войдöр кö кодкö тöдсаяс пöвстысь корліс удждывны, дзик пыр могмöдлі, тöді, мый ас кадö бергöдасны. А öні весиг ог тöд, кодлы позьö эскыны, а кодлы оз. Мöйму сеті уджйöзöн важся бур ёртлы 80 сюрс шайт, банклы пö кредит вештыны колö, да öнöдз асьсö ни сьöмсö эг аддзыв. Тöда, кöні олö, звöнита да, шыасьö, а эськö вермис и оланінсö да номерсö вежны. Век на тай лача кута, мый бергöдас коркö уджйöзсö.

Лоö подалы выль моски

KM 3 1

Изьва сиктса шöр туйяс пöлöн тыр öдöн вöчöны пода йöзлы ветлöдлан моски. Талун уджыс пуö Глеб Семяшкин улича вылын. Сэні меститчöны районса бурдöдчанін да полициялöн райотдел. Ветлысь-мунысьыс пыр уна.

Семяшкин уличаыс нюжалöма вель кузя. Кыдзи юöртіс миянлы сиктсöветса администрацияысь Леонид Терентьев, уджтöмалысьясысь котыртöм бригадалы колö нюжöдны пöшти 100 метр кузьта моски. Сійöс вöчöны пуысь.

Кор нин мусö сетасны?

KM 14 1

Изьваса олысьяс пöгибö воöмаöсь. Талун сэні ас керка кыпöдны кöсйö 300 гöгöр семья. Но... прöст муыс абу.

Помкаыс сыын, мый федеральнöй муяс колö вуджöдны муниципальнöй да овмöдчöминса асэмбурö, а москваса оз тэрмасьны вöчны тайöс.

Генеральнöй план серти Изьва да юсайса сикт-грездъяс талун меститчöмаöсь 798 гектар вылын.

Изьваса администрация важöн нин корö федерацияса власьтлысь чуктöдны 86 гектар мында вöр фонд, медым сэтчöс олысьяс вермисны кыпöдны ас керка. Но вочакывйыс öнöдз на эз во.

Шöвк да из... И найö öтлаасьлöны

KM 27 1

Республикалöн чужан лун водзын Национальнöй музейын воссис Ирина Федосовалöн да Ольга Малыгиналöн «Туйяс. Найö öтлаасясны: шöвк да из...» выставка.

Мыйла шöвк да из? Ирина Федосовалысь батиксö – шöвк дöра вылын серпасъяссö – бура тöдöны миян республикаын. Ольга Малыгина батикысь кындзи и из вылын мозаика вöчалö. И со гöн кодь небыдик, чунь костöдыд быттьö исковтысь шöвкысь да ёсь чукыля пельöсъяса, чорыд изйысь вöчöмторъясыс öтлаасисны öти выставка вылын. Художникъяс асьныс мöв-палöны и миянöс корöны думыштчывны, кыдзи олан туйöдыс мунысь морт-лöн вежöр, сям вылö тöдчö туйыс, вежö-сöвмöдö сылысь видзöдлассö.

наверх