Радио Юрган

Приёмная/факс: 8 (8212) 24-01-16

Электронный адрес:
smi-komimu@mail.ru

Адрес: 167982 Республика Коми, г.Сыктывкар, ул.Карла Маркса, д.229

Йитчыны миянкӧд

Skype пыр.

Связаться с нами

через Skype.

Коми йöзöдчан керка - № 36 (18183)

Ми воклы тöдöмлун да терпенньö

khatanzeyskiy

Но мый, тіян заводитчис?.. Менам тшöтш... Войдöрлун нылöс школаö колльöді. Кыдз шуласны, первый раз в седьмой класс! Нывлы нимкодь, а менö тірöдыштö. Мый бара-й таво пондасны велöдны-а? Кольöм во тай алгебраысь мыйкö юаліс, да ачымöс дзик йöйöн кылі. Мися, ог тöд, эн дöзмöд... Ме — филолог!

Збыль öд сьöктöдісны школаын велöдчан программасö. Водзын кö первой классö мунысьыд лыддьысьны ни артасьны на эз куж, öнія первоклашкалы быть колö «печласьны» шыпас-лыдпасöн, рочышта, бывалöй моз нин, мастера.

Юргис медводдза звöнок

KM 1 1

—Сентябрь 1 лун — миян семьялы, дерт, ыджыд гаж, — тöдчöдö Сыктывкарын олысь Владимир Филиппов.

Гозъя чеччöмаöсь водза-водз, медым тыр-бура мöдöдны нывъяссö школаö.

Ки тай нюжöдіс Китай

KM 4

«Белкомур» да Китайса «Poly Technology» компанияяс кырымаласны öтув уджалöм йылысь сёрнитчöм. Татшöм öтсöгласа кывкöртöдö воис Россия да Китай костса комиссия, кöні сёрнитісны странаяслöн транспорт боксянь ёртасьöм йылысь.

Россияса делегация, кодöн веськöдліс транспорт кузя министр Максим Соколов, юöртіс Китайса уджъёртъясыслы «Белкомур» проект да сылöн тöдчанлун йылысь. Пасйис, мый сійöс олöмö пöртöм чужтас оз сöмын выль транзит, но и сетас позянлун восьтыны Россияса Войвылын содтöд производство. Комиссияса сетісны сöглас ышöдны асланыс странаясын гырысь компанияясöс зільджыка пырöдчыны тайö проектас.

Том вынöн выль овмöс

KM 6 1

—Изьваса фермеръяс водзмöстчöны видз-му вöдитöмын да пемöс рöдмöдöмын. Шедöдöны грантъяс, сöвмöдöны ас овмöс.

Татшöм кывкöртöдö воöма республикаса видз-му овмöс да сёян-юан министрлысь удж вöчысь Алексей Буткин Изьва районö ветлöм бöрын.

—Мокчой да Картаёль сиктъясын олысьяс котыртöмаöсь ас овмöс. Пырöдчöмаöсь да вермöмаöсь грант юклан конкурсын. Тавося июльын налы сетöмаöсь республикаса кудйысь сьöм, — висьталіс Алексей Васильевич.

Дорйисны Войвывса фронт

KM 8 1

Усинск районса Нöвикбöж грездын сувтöдöмаöсь Ыджыд тыш вылö мунлöм кöр видзысьяслы Комиын медводдза памятник.

Сійöс лöсьöдны вöзйöмаöсь асьныс Нöвикбöжса олысьяс. Чина войтыркöд сёрни сайын найö пасйöмаöсь: «Победалöн Гöрд Знамя вылын эм тшöтш и кöр видзысьлöн да сылöн ёртъяслöн – кöрлöн да понлöн – вирыс». Сиктсалысь мöвпсö олöмö пöртны отсалöмаöсь районса администрация да «Лукойл-Коми» компания.

АС СИНМÖН

KM 9 1

Сыктыв районса Гагшорын ТОС-лöн водзмöстчöмöн бырöдöмаöсь юан ва кузя мытшöд.

Сиктын вöлöма сöмын öти ва струба. А Гагшорын юан ваыс зэв пыдын, колö кодйыны матö 30 метр.

Сэтчöс ТОС-öн веськöдлысь Елена Колипова важöн нин кыпöдлöма выль юкмöс кодйöм йылысь юалöм, но сьöмыс абу вöлöма. Сэсся республикаса кудйысь век жö вичмöдöмаöсь 160 сюрс шайт. А ставнас видзöма 230 сюрс шайт.

Тыдалö, бара на бöбйöдлöны

KM 10

Юркарын мукöд олысьяслы моз меным кодкöлунö вайисны прöстыня ыджда кабала – тшöктöны мынтыны керка капитальнöя дзоньталöмысь вель уна сьöм.

Дерт, чуйми: кутшöм капремонтысь вештысьнысö, нэмöн кö некыт эз дзоньтавлыны?! Нöшта на ёнджыка шемöсми, кор аддзи «задолженносьт» пасйöд. Мыйсяма «задолженносьт»? Кодлы да мыйысь ме уджйöза? Ис ни ру кö эз вöв уна патераа керкаын.

Вöрын эн ылав...

KM 19

Вöралысьяс радлöны: сентябрь медводдза лунсянь налы позьö кыйны йöра, а тöлысь шöрсянь – кöч, кöин, руч да низь. Мукöд пемöс-пöтка вылас шуöма вöравны сöмын октябрын.

Но медым пармаын шойччöм неминучаöдз эз вайöд, вöралігöн оз ков ылавны, тöлкöн вöдитчыны пищальöн да не нюжöдчыны стопка дорö.

Август 29 лунö Ухта карысь кык мужичöй мунöмаöсь вöравны Сосногорск районö. Вöр керкаын паныдасьöмаöсь Улыс Одесысь кыйсьыськöд да войбыд кодалöмаöсь-гажöдчöмаöсь сыкöд. Сэсся шома юра вöралысьясыд мыйкö абу юкöмаöсь – воöмаöсь зыкö. Пинясьöмыс помасьöма ыджыд ускöттьööн: посёлокса сутшкалöма карысь воöматö пуртöн, а найö ас пайысь кувмöн лыйöмаöсь юан выль ёртсö.

Уджалігад шойччан лун он тöдлы...

KM 20

«Коми му» газетын ми водзö висьталам дурмöдчан зеллялы паныд водзсасян службаын зільысьяс йылысь.

Тöдмасьöй: старшöй следователь Евгений Егерь. 2009 восянь уджалö наркоконтроль федеральнöй служба-лöн Коми Республикаса управлениеын. Та-öдз вель дыр зільöма МВД-ын.

Удж серти и дон...

KM 21 1

Середаö Кулöмдін районысь Дереваннöйса лесничестволöн матö 22 гектар мында вöр юкöнлы сетісны Эжва йылын нималана лесовод Ионас Тотиласлысь ним.

50 во сайын сылöн веськöдлöм улын вöр пöрöдöминас садитлöмаöсь выль пожöмъяс. Талун тані шувгö-гыалö парма.

Ионас Тотилас абу нин ловъя, но сылысь уджсö водзö нуöдö пиыс — Алексей.

Казьтыштам, Комиын парма-ягын водзмöстчысь лесник-лесоводлысь ним мöдісны сетны 2012 восянь. Шуам, Светлана Сысоева нимöн Луздорын шыалö сус пу парма. Сосногорскса лесничествоын тадзи жö нэммöдöмаöсь лесник Александр Степаненкоöс. А Сыктывдінын Павел Смоленцев йылысь казьтылö заслуженнöй лесоводлöн нима вöр делянка.

наверх