Радио Юрган

Приёмная/факс: 8 (8212) 24-01-16

Электронный адрес:
smi-komimu@mail.ru

Адрес: 167982 Республика Коми, г.Сыктывкар, ул.Карла Маркса, д.229

Йитчыны миянкӧд

Skype пыр.

Связаться с нами

через Skype.

Коми йöзöдчан керка - № 39 (18186)

Тöрыт – тöварыш, а талун – варыш

khatanzeyskiy

Кольöм субöтаö, сентябрь 19 лунö, унзіль арлысь асъя чöв-лöньсö торкис чардалысь гым. Биа гымньöвъяссö лэдзалісны федеральнöй радио-телеканалъяс да интернет: шемöсмöдана юöр – Россияса ФСБ-ын да Следственнöй комитетын зільысьяс арестуйтöмаöсь Коми Республикаса Юралысь Вячеслав Гайзерöс, сійöс вежысь Алексей Черновöс, Комиын правительствоöн веськöдлысьöс вежысь Константин Ромадановöс, Госсöветса спикер Игорь Ковзельöс... Ставыс 19 морт! Чина войтырöс мыждісны преступнöй группировка котыр-тöмысь да мошенничествоысь.

Кыпыд гажыд ловтö шонтö

KM 1

Тöрыт вужвойтырлöн шылада-драмаа театрын воссис «Кыпыд гажыд ловтö шонтö» фестиваль. Сійöс сиöма Коми Республика- са народнöй гижысь Алексей Поповлы 65 арöс тырöмлы.

21 арöсöдз оз позь?

РФ-са Общественнöй палата вöзйöма Госдумаысь депутатъяслы вынсьöдны оланпас, код серти оз кут позьны вузавлыны 21 арöсысь томджык ныв-зонлы курыд юантор. Казьтыштам, талун 18 арöссянь позьö ньöбны вина-водкасö.

Кыдз ті чайтанныд, примитасны кö татшöм законсö, лоас сыысь водзöсыс?

Олег КОШЛЕЦ, машина дзоньталан станцияысь слесарь, Вуктыл:

—Чайта, тöлкыс таысь оз ло. Том йöзыд вермасны гусьöн судзöдны-ньöбны курыдтортö. Удж вылысь мунігöн менö тшöкыда сувтöдлöны том зонкаяс да корöны «отсавны ньöбны» налы сур. Киöй эськö лудö тшапкыны пельöдныс да вайöдны бать-мам дорас...

АС СИНМӦН

KM 2 1

Сентябрь 24 лунсянь быд вежон четвергö «Комиавиатранслöн» Л-410 самолёт бара кутас лэбавны Сыктывкарсянь Косланö да тайö жö лунас — бöр юркарö. Билет доныс — кык сюрс шайтысь унджык.

Казьтыштам, таво июньсянь Удораö авиарейссьыс вöлі дугöдчöма. Гожöмнас Сыктывкарсянь Косланö поездыс быд лун ветлö да, самолётöн лэбалысьыс этша.

«Тэрыб отсöг» корö отсöг!

KM 3

Сыктыв районса Визин сиктын олысьöс ёрд мыждöма тэрыб отсöг сетысь врачöс омöльтöмысь.

«Кузь кывъя» «висьысьлысь» шуöмаöсь перйыны 1.100 шайт штрап.

Кулöма али ловъя

Июнь 20 лунö «03» пыр звöнитчöмаöсь: Сöветскöй улича вылын пö вöрöдчытöг куйлö мужичöй. Гашкö, кулöма да...

Водзын — «Койташ», «FUROR» да КВН

KM 4

«МИ» котырса йылысь кадысь кадö гижлывлам газетаным, да лыддьысьысьяс тöдöны налысь уджсö. Та вöсна том коми войтырлöн котырöн веськöдлысьöс вежысьяс Евгения Лобановаöс да Василий Чупровöс корим висьтавны сöмын бöръя воджынся выльторъяссö.

И Абъячойысь «Марья видз»

KM 14 1

Санкт-Петербургын заводитчис йöзкостса театръяслöн «Невские театральные встречи» фестиваль-конкурс.

Петербургö чукöртчисны Россия пасьталаысь войтыр – верстьöлöн, томуловлöн, челядьлöн театръясын ворсысьяс (öкмыс регионса – Коми, Башкортостан, Воронеж, Липецк, Новгород, Рязань, Москва да Ленинград обласьтъяс, Питер – дас квайт кар-посёлокысь котыр). Найö петкöдлöны и драма, и шылада, и йöктан, и аканьяса спектакльяс. Комилысь нимсö дорйö Луздор районса Абъячойысь Гений Горчаков нима народнöй театр.

Йи вылын —Евгений Бабин

KM 25

Неважöн аддзысьлі Сыктывкарса «Строительысь» старшöй тренер Александр Мальцевкöд. Александр Юрьевич эз дзеб, мый сылöн командаын уна том ворсысь, кызвыныс юркарысь ДЮСШ-са быдтасъяс. Но наставник тöдчöдіс, мый и тайö хоккеистъясыскöд позьö ворсны, и ворсны бура...

—Томъяслы колö эскыны. Кыдз гöгöрвоанныд, «Строительö» Ломанов-Обуховъясыд некор оз локны. Сідзкö, лачаыс сöмын асланым енбиа том хокке-истъяс вылö, — шуис Александр Мальцев. — Кутасны кö и водзö миян зонъяс мудзлытöг тренируйтчыны, песны вын-эбöссö, то командалы нюмъёвтас шуд...

Удж серти и дон

KM 27

Öдйö жö арлыдыд öкмö! Быдлунъя тöжд-мог сайын он и казяв, кыдзи каттьö лун бöрся лун, во бöрся во.

Бур, кор мортыс видзöдлас бöрвылас да сьöлöм вылас лоö кокньыд. Абу весьшöрö мусö талявсьöма: и уджавсьöма тыр вынöн, и йöзыс пыдди пуктöны, и эм мый казьтывны ас водзад ошйысьöмöн. Кокньыд гижны татшöмъяс йывсьыс. Кöть кыдзи эн ошкы, а абу содталöмыс — ставыс збыль.

Сöстöм сынöдсö апыштім

KM 28 1

Россияса Президент бердын Коми представительство котыртліс Москваын велöдчысь студентъясöс кывтны рафт пыжöн. А шойччигöн öттшöтш и сёрнитчыны матысса тöлысьяс кежлö удж кузя.

Ветлöм бöрас Россияса госслужба академияысь первой курсса студентка Ольга Озорина пасйис, тöлысьсö на пö эг велöдчы Москваын, а тöдмаси нин сы мында земляккöд. Сэтысь жö мöд курсын велöдчысь Анна Сёмина шуис, ыджыд карын олігад пö сэтшöма колö лолыдлы и сьöлöмыдлы шойччöмыс, сöстöм сынöдсö апыштöмыс.

наверх