Радио Юрган

Приёмная/факс: 8 (8212) 24-01-16

Электронный адрес:
smi-komimu@mail.ru

Адрес: 167982 Республика Коми, г.Сыктывкар, ул.Карла Маркса, д.229

Йитчыны миянкӧд

Skype пыр.

Связаться с нами

через Skype.

Коми йöзöдчан керка - № 40 (18187)

Шуда аскиа лунлöн ичöтик ді

khatanzeyskiy

Бöрйысьöм помасис, да, чайті, кодсюрö öвсясны нин, но сорси, тыдалö. Кöрткерöсса чина войтырлöн зільöм-водзмöстчöм йылысь öні тöдöны оз сöмын миян республика, но и страна пасьтала.

«Звезда» райгазетлöн бöръя петасын йöзöдöмаöсь снимок: бетон плита вылын сулалöны öти дядьö да кык тьöтö, кианыс кутöны зэв кузь ленточка. Юöрсö лыддьытöг верман мöвпыштны, мый верстьö йöз традиционнöй культура лэптöны — тешитчöны коми ворсанöн. А збыльвылас, вöлöмкö, кольöм воторникö юрсиктса Сöветскöй уличаын библиотекалы паныд   кыпыда восьтöмаöсь... автобус сувтланін!

Письмö

KM 1

Чолöм, пиук! Шуим кодкöлунö

Батьыдкöд тэд шыасьны письмööн.

Выльторйыс, дерт, öкмис вывті уна,

Ставсö ог и казьтыв, чайтан йöйöн.

Кыдзкö-мыйкö пасйышта, и олас,

Пöрысьыдлöн олан ладыс сэтшöм:

Дедкöд весиг пиньö эгö волöй,

Картупель мый пуктім таво этша.

Помнитан öд, пиук, кодыр майнас

Шоныд лунъяс воöны, суседным

Ачыс локтö тракторöн, эн майшась,

Отсасьö на... Сьöм, дерт, колö сетны.

Сытöг коді гöрас? Он öд парсав,

А суседным могмöдö ми воксö...

ОКОТА ЮАВНЫ

KM 2

Матысса лунъясö бара кутам нимöдны Велöдысьöс.

Абу кокни тайö профессиясö бöрйысьяслы. Талунъя зонпосниыд кызвыннас збойöсь. Уна вын да сям колö налы тöдöмлун сетысьлы, бурас туйдысьлы.

А кыдзи ті чайтанныд, öнія олöмас школаын велöдысьлöн тöдчанлуныс, сідз шусяна престижыс, содö оз? Ёна-ö пыдди пуктöны талун йöзыс тайö профессиясö?

АС СИНМӦН

KM 3 1

Важ нин вöлöма да

Сыктыв районса Заозерье посёлокын дзоньталöмаöсь Шöр улича вылысь шор вомöн пос.

Сійö вöлöма вель нин важ. А Шöр уличаті йöзыс ветлöны ньöбасьны лавкаö. Поскыс йитö и Исанев посёлоккöд.

Дзоньтасьнысö водзмöстчöмаöсь кык вок Александр а Владимир Горбуновъяс, а сідзжö Талгат Зиятдинов. Тьöс-плакасö да керсö ньöбöма посёлокса администрация. Уджсö эштöдöмаöсь кык лунöн.

Сьöд кань котöртöма...

KM 4 1

Кулöмдін районса Пожöгысь Печеницынъяслы сентябрь 1 луныс вежöрас кольöма «сьöд» лунöн. Алёшаöс коймöд классö колльöдöма Марья ичиньыс. Ань козьналöма велöдысьыслы дзоридз. Но мöдыс мыйлакö крапнитöма: «Меным тіян «подачкаыд» оз ков!» А сэсся вöтлöма аньöс школасьыс...

И ыджыд öдöн, и шома юрöн...

KM 4 2

Кольöм шойччан лунö Сыктывкарса ГИБДД-ын уджалысьяс котыртлöмаöсь ассьыныс рейд. Медвойдöр сы могысь, медым эрдöдны руль сайын шома юрöн пукалысьясöс.

Öнія челядьыд сюсьöсь да збойöсь...

KM 5

Кольöм вежонö миян странаын пасйисны детсадйын уджалысьлысь лун. Тайö ыджыд сьöлöма да челядьöс радейтысь йöзыслы окота муöдз копыртчывны, öд сы мында вын да терпенньö колö дзолюкъясöс быдтöм-видзöм да тöдöмлун сетöм могысь.

Тöдмасьöй: Сыктывкарса 80-öд номера детсадйöн веськöдлысь Светлана Куратова. Чужлöма Белоруссияса Могилёв карын, а 1963 воын бать-мамыскöд локтöма овны Комиö. Велöдчöма юркарса педучилищеын, а сы бöрын — Коми пединститутын.

Нöшта на аддзысьлам

KM 11 1

Комиысь студентъяс, кодъяс медводдза во на велöдчöны Москваса вузъясын, сентябрь 24 лунö чукöртчылісны Россияса Президент бердын Коми представительствоö.

Кöть кывтö ньылыштан…

KM 13 1

Кольöм вежонö Сыктывкарын вужвойтырлöн шылада-драмаа театрын муніс «Кыпыд гажыд ловтö шонтö» фестиваль. Сійöс вöлі сиöма Коми Республикаса народнöй гижысь Алексей Поповлы 65 арöс тырöмлы. Сэні петкöдлісны гижысьлöн пьесаяс серти дасьтöм спектакльяс.

Кöні кыпöдлöмаöсь, кор вежöдлöмаöсь...

KM 21 1

Лун-мöд сайын мойвиис тöдмасьны Кулöмдін районысь Пожöгса шöр школаын велöдысь Владимир Игоревич Шомысовкöд. Сійö вель ыджыд «нопйöн» ачыс воліс миян «Коми му» газет редакцияö. Вель дыр сёрнитім. Буретш татшöм йöз йывсьыс шуöны, инас öшйывтöм пö. Висьтала, мыйла...

Владимир Шомысов 1975 воын помалöма Коми пединститут. Коми кыв да литература, ОБЖ велöдысь. Нэмсö олö Пожöгын да уджалö сэтчöс школаын...

Юася, мыйла нö, мися, миян редакцияö локтінныд? Сы ылнасянь? Кутшöмкö мог суис да?

Пондіс сійö висьтасьны...

Дасьті пö Кулöмдін районса вичкояс йылысь локтан кык во вылö коми календар (перйö сійöс нопсьыс). Корöма Сыктывкарса да Воркутаса Епископ Питиримлысь благословенньöсö да босьтчöма уджö. Чукöртöма районса став вичко йывсьыс юöр. Ставнас пö гызмалі Вылыс Эжвасö. Ачыс вöчöма мича фотографияяс. Снимайтöма вичкояслысь иконостассö. Дасьтöма юрбитанінъяс йылысь дженьыдик висьт. Кöні да кор кыпöдлöмаöсь, вежöдлöмаöсь, кымын престол. Юöрсö чукöртöма XIV-öд нэмсянь заводитöмöн...

наверх