Радио Юрган

Приёмная/факс: 8 (8212) 24-01-16

Электронный адрес:
smi-komimu@mail.ru

Адрес: 167982 Республика Коми, г.Сыктывкар, ул.Карла Маркса, д.229

Йитчыны миянкӧд

Skype пыр.

Связаться с нами

через Skype.

Коми йöзöдчан керка - № 41-42 (18188-18189)

Ас няньыд кöра чöскыд

khatanzeyskiy

Кöкъямысдасöд воясын Луздорса Мутничаысь Изьваö сэки гöтырпуыслöн на бать-мамкöд тöдмасьны локтіс зять. Пызан сайын сёрниö воисны, да мам юаліс: «Ыджыд-ö керкаын оланныд, Василей?» Шмонлив том молодечыдлöн вочакывйыс пыр и сюрис: «Ыджы-ы-ыд!.. Куим судтаа! Выліас Сюзевъяс олöны, уліас — Шыровъяс, а шöрас — ми». «Куим судтаа?! — гораа чуймис мам, ачыс мöвпалö: «Сла-бог, тыр-бур семьяысь миян ныв-лы жöникыс веськалöма». «А скöт видзанныд жö?» — телепит лоöма да, быть тöдмав. «Видзам, дерт, — шпыньмуніс Василей. — «Сталинскöй» куим мöс...» Водзынтö «сталинскöйнас» кöзаöс ыдждöдлісны, но мам та йылысь, тыдалö, эз тöд и бара на шемöсмунліс: «Куим мöс?! Кыдз бара-й та мындасö вöдитанныд? Быдöнлы öд турун пуктыны колö, оз этша...»

Сиктад уджыд юр выв тыр

KM 1

«Сиктад уджыд юр выв тыр, кöть эн водлы», – татшöм кывъясöн миянöс вочааліс Сыктыв районысь «Межадорса» видз-му овмöс кооперативысь медшöр инженер Денис Костарев.

Овмöсас сійö зільö неважöн на. Чужлöма Сыктывдін районса Ыбын. Томлун вылö видзöдтöг опыта нин инженер. Уджавлöма Сыктывкарса чипан видзан фабрикаын. Но сьöлöмыс кыскöма сиктö.

Йöз ради колö зільны-уджавны

KM 2 1

Комиын юралысьлысь могъяс збыльмöдысь Сергей Гапликов, кодöс тавося сентябрь 30 лунö индіс тайö удж вылас Россияса президент Владимир Путин, медводдза лунсяньыс босьтчис донъявны, кыдзи регионын пöртсьö олöмö киссян выйын керкаясысь йöзöс бурджык оланінö вуджöдöм кузя уджтас.

АС СИНМӦН

KM 2 2

Кыпыда восьтöмаöсь да... вунöдöмаöсь

Таво августын, из шом перйысьяслöн профессиональнöй праздник дырйи, Воркутаын чина йöз кыпыда восьтöмаöсь öнія спортивнöй шöрин. А сэсся... вунöдöмаöсь.

Регыд нин пуксяс тöв, а вын-эбöс песан оборудованиесö öнöдз на абу вайöмаöсь.

Карса чинаяс ыстысьöны пöдрадчиклöн нюжмасьöм вылö. Став тайö эмбурыс пö эськö туйын нин. Виччысьöны, матысса лунъясö воас.

ОКОТА ЮАВНЫ

KM 2 5

Матысса лунъясö ассьыныс профессиональнöй праздник кутасны пасйыны видз-му овмöсын уджалысьяс, кодъяслöн зільöм-водзмöстчöмöн миян пызан вывным талун озыр и йöлöн-яйöн, и град выв пуктасöн.

Лавкаясын талун эм мый бöрйынысö, сёян-юансö вöзйöны и асланым республикаын вöчöмсö, и мукöд регионысь вайöмсö.

А ті кутшöмöсджык зілянныд ньöбны? Вöлöгаыслысь донсö артыштöмöн али сідз шусяна качествоыс тöдчанаджык?

Анастасия Микушева, бурдöдысь, Сыктывкар:

–Зіля ньöбны сёян-юан, кодöс вöчöмаöсь Комиын да вузалöны «Бöрйы ассьыным» пас улын. Чайта, миян вöлöгаыс ёна бурджык кытыськö вайöмсьыс.

Быд субöтаö ветлывла ньöбны свежöй яй да град выв пуктас ярманга вылö, кытöн вузасьöны республикаса сикт-грездысь фермеръяс.

И бара на вуграсьысь мыжа?

KM 4 1

Сентябрын Эжва ю веркöсын бара гöвкъялöма еджыд быг. Буретш юркарбердса Эжва район весьтын. Специалистъяс лыддьöны, мый химия сораслöн колясыс кутшöмкö ногöн веськалöма юö.

Коді пакöститчöма? Туясьöны Сыктывкарса вöр-ва видзан прокуратураын уджалысьяс да «Монди СЛПК»-ысь специалист-экологъяс.

Ускöттьöсö казялöмаöсь да, чинаяс пиысь кодсюрö весиг ыззьöма, корсям пö химия сорасöн лёк ногöн вöдитчысьсö. А ме вöзъя налы кöть талун машинаöн журкнитлыны Сыктывдін районса Пычим посёлоклань, кöні мир туй вомöн визувтö Кылöг ю. Пос вывсяньыс серпасыс дзик жö татшöм. Ва веркöсас гöвкъялö быг, а юас ваыс зэв аслыспöлöс рöма. И став тайö «химияыс» уна дас во нин визувтö Эжваö — чими кульман юö.

Донбассын, а öні и Сирияын...

KM 28 1

Матö вит во нин Сирияын ыпъялö гражданскöй войналöн биыс. Тшынйыв кайöны мечетьяс да минаретъяс. Сьöд паськöма исламистъяс, кодъяс асланыс öбликнас «Волшебная лампа Алладина» фильмысь лёк джиннъяс кодьöсь, грымгöны-лыйлöны став ловъясö пулемёт-гранатомётысь, оз жалитны челядьöс ни верстьööс.

ДЖЕНЬЫДА

Багатыр рöдысь

Воркутаын вöлі греко-римскöй вермасьöм кузя республикаса первенство.

Матö вежон «Воргашорса» спорткомплексын ордйысисны-вермасисны Ухтаысь, Печораысь да Воркутаысь квайтымын спортсмен.

Аслас сьöктаа атлетъяс пöвстын зарни медальяс босьтісны Печораысь Николай Косенко да Дмитрий Язев, Воркутаысь Владислав Павлов да Артём Ухабин, Ухтаысь Никита Минин да Стас Забелин.

Бергöдны бур нимсö

KM 29

Ноябрын заводитчас мача хоккейöн ворсöм кузя Россияса чемпионат.

Гижлім нин, мый Сыктывкарса «Строитель» таво витöд сезон нин кутас ворс-ны улыссаджык тшупöда лигаын. Кыдзи висьталöны командаса тренеръяс, öні миян хоккеистъяс вын-эбöссö песöны тренировкаяс вылын, дасьтысьöны выль тыш-вен кежлö.

—Могыс миян öти — лöсьöдны бур крепыд команда, коді эськö аслас ворсöмнас бöр вайöдас трибунаяс вылö видзöдысьöс, — тöдчöдö старшöй тренер Александр Мальцев. — Выль вермöмъяс, мича голъяс виччысьöны миянсянь «фанатъяс», мача хоккей радейтысьяс...

«Гажа асыв»

KM 32 1

Джуджыд нöрысъяс вылö шлывкнитчöма, лэбач бордöн моз пуксьöма Палаззя сикт. Таво сылы 407 во тырис.

Чужан лунсö сиктнымлысь пырджык асывсяньыс пасъям, та вöсна гажсö сідзи и нимтам – «Гажа асыв». Эг торкöй традициясö и таво. Да и луныс асывсяньыс вашъяліс-вильшасис шонділöн зарни югöръясöн. Сиктсаяс да миянлань тшöкыда кежалысь-волысьяс бура ыджыд чукöрöн лэччалісны Грездса ыджыд ключ дорö. Тайö сöдз тюрган дорас и гартчис-заводитчис гажыс. Ёна и тшапмöдöмаöсь-выльмöдöмаöсь ключгöгöрса овмöссö сиктса войтыр. Зумыд моски кузя тотшкан-восьлалан ключ пестысян ворга дорö да веськалан выльысь быдмöм джуджыд керка дорö, кöні лöсьöдöма паськыд пожъясян вор. Гöгöрыс тотшвидзöны лабичьяс, пызан эм и. Век кöть лок да шойччы-нимкодясь тані. Волысь-мунысьлы ёна воö сьöлöм вылас татшöмыд. А тайö лунö торъя нин...

наверх