Радио Юрган

Приёмная/факс: 8 (8212) 24-01-16

Электронный адрес:
smi-komimu@mail.ru

Адрес: 167982 Республика Коми, г.Сыктывкар, ул.Карла Маркса, д.229

Йитчыны миянкӧд

Skype пыр.

Связаться с нами

через Skype.

Коми йöзöдчан керка - № 43 (18190)

Джын донысь

khatanzeyskiy

Мода лоис йöзсö быдсяма скидканас бöбйöдлыны. Юркарса уличті восьлалан, да син водзад ышöдана гижöдторъяс помся вералöны: «бешенные скидки!», «-50%», «sale»... Сиктсатö бöръя кывйыс пыр и чуймöдас: ті, карса, госа олöмсьыс йöймыны пондінныд — со быд лавкаын джын донысь салö вöзйöны, а помся кослунасьöм вылö норасянныд!

Нэм чöж зіли видз-му овмöсын

KM 1

Кольöм вежонö Россияын кыпыда нимöдісны видз-му овмöсын зільысьöс. Муöдз копыр налы, кодъяс сьöкыдлун вылö видзöдтöг водзмöстчöны мувывса уджын.

29 во Сыктывкарса «Пригороднöй» совхозын бригадираліс Валентина Михайловна Туркина. Уджавны сійö заводитлöма дояркаöн. Недыр кад мысти сюсь да зіль аньлы вöзйöмаöсь отсасьны бригадирлы. Кöсйысьöма. А во-мöд мысти сэсся и асьсö бригадиравны индöмаöсь.

ОКОТА ЮАВНЫ

KM 2 4

Россияын шуöма бара босьтчыны Сöвет кадö нималана да пыдди пуктана ГТО-ö.

Странаса президент Владимир Путин мöйму тулыснас нин кырымалöма та йылысь ассьыс индöд, а кольöм лунъясö и та кузя федеральнöй оланпас.

А кыдзи ті чайтанныд, колö оз талун миянлы ГТО-ыс? И кутанныд онö асьныд ті котравны, чеччавны, уявны, сьöкыд гира лэптавны да мукöд ногöн вын-эбöснытö песны, мед лоны дасьöн «к труду и обороне»?

АС СИНМӦН

KM 2 1

Мед кöдзыдыс оз тшыкöд

Печораын тыр-бура дзоньталöм бöрын кыпыда восьтісны Войвыв туялысь Владимир Александрович Русановлы сиöм памятник. Казьтылан пассö выльысь мавтісны ваысь повтöм сідз шусяна гидрофобнöй краскаöн. Оз тшыкöд татшöм мавтассö и зэв кöдзыд войвыв поводдя.

Пасъям, татшöм жö краскаöн карын мавтісны Айму вöсна Ыджыд тышын усьöмаяслы мемориал, кор дасьтысисны Ыджыд Вермöмсянь 70 во тыригкежлö.

Призыв восьтісны

KM 3

Комиысь 1.900 гöгöр том мортöс шуöма босьтны таво арнас армияö.

Та йылысь республикаса Юралысьлысь уджмогъяс збыльмöдысь Сергей Гапликовлы сыкöд неважöн аддзысьлігöн юöртіс регионса военнöй комиссар Дмитрий Федин.

РУЛЬ САЙЫН

KM 4 1

Аслас мыжысь абу соссьöма

Изьва районса ёрдын видлалöмаöсь Евгений Чупров вылö панöм уголовнöй делö. Сійöс мыждöмаöсь шома юрöн туй вывті машинаöн журъялöмысь да та дырйи тöдлытöгыс мортöс кув-тöдзыс талялöмысь.

Кыдз тыдовтчöма туй выв неминучасö туялігöн, тавося май 6 лунö Изьваын олысь Евгений Чупров гажа юрöн пуксьöма груз новлан   КамАЗ-ö да туй выв правилö торкалöмöн сиктса уличаöд мунігас талялöма школаын велöдчысь нывкаöс, коді чорыда доймалöма да сэні и кувсьöма.

Тані кутам йöктыны...

Сиктса школа тупкисны, медым восьтыны сэні клуб

KM 5 1

Тайö вежонö «Коми му» газет редакцияö шыöдчисны Луздор районса Прокопьевкаын олысьяс. Буретш сентябрь 1 лун водзын налöн сиктса школа öдзöсыс пöдласьöма. И ныв-зонмöс öні новлöдлöны велöдчыны Якуньёльö, кытчöдз 23 километр жугласьöм туй да нöшта — ю вомöн киссьöм пос.

Тошка Паш

KM 12 1

Гончаров гижö «Обломовöс» паркет вылын куйлöмöн, Пушкин корö телефон пыр Дантесöс дуэль вылö, а Чеховлöн чегöма пиньыс öрек сёйигöн...

Чайтанныд, тайö анекдотъяс? Абу. Тайö серпасъяс – Питерса художник Павлик Лемтыбожлöн, кодлöн чужаніныс коми сикт.

Унатор аддзылі-кывлі...

KM 13 1

Менам мам зэв радейтліс ветлöдлыны. Видзöдан да, бара нин нопъясьöма да мунö карö ли кытчöкö мöдлаö. Бать со эз радейт гортсö эновтны. Из кералöм кодь сьöкыд вöлі бокиад ветлöмыс сылы.

Коркö пöрысьмыштöм бöрас нин босьтчисны артасьны, кытчö найöс гуаласны.

–Менö эстчö, туй бокас, сюйöй, – шуис мам.

–Олігад ветлöдлынысö эн на мöй пöт? И сэні кöсъян. Туй бокас со гуавны тшöктан, – шмонитіс бать.

Менам, тыдалö, сы рöдö жö мунсьöма. Ог радейт ыліад муннытö. А со ковмылö. Неважöн бара на мойвиис вель ылöдз ветлыны. Та йылысь и телепит лои пасйöдъяс вöчалыштны. Öд унатор аддзылі да кывлі. Ас пытшкын öд ставсö ог видз. Бур йöзыскöд юксьышта инöсь.

Ёртъястöгыд некыдзи...

KM 19 1

Вель уна во нин Сыктывкарса «Строительын» ворсö Алексей Лысак. Казявлі, тайö полузащитникыс аслас ворсан сямнас пыр торъявліс мукöдсьыс. Неыджыд тушаа, косньöд да винёв, сійö кокниа пöръявліс защитникъясöс да писькöдчыліс прöтивниклöн дзиръя дорö. Да и мачсö кучкыліс кыдзкö зэв аслысногöн, ыджыд вынöн: син лапнитігкості югыдгöрд ёкмыльыс пыркнитліс-тöлöдліс дзиръя сеткаысь лымсö.

наверх