Радио Юрган

Приёмная/факс: 8 (8212) 24-01-16

Электронный адрес:
smi-komimu@mail.ru

Адрес: 167982 Республика Коми, г.Сыктывкар, ул.Карла Маркса, д.229

Йитчыны миянкӧд

Skype пыр.

Связаться с нами

через Skype.

Коми йöзöдчан керка - № 45 (18192)

Мойдын моз

khatanzeyskiy

«Прилетит вдруг волшебник в голубом вертолёте и бесплатно покажет кино...», — сьылім ми коркӧ да (весиг верстьӧӧн) сьӧлӧмсянь эским, мый регыд сійӧ збыль воас. И воис ӧд! Тавося октябрь заводитчигӧн. Еджыд самолётӧн. Кодсюрӧ, кыз рушкуа кӧть куш юра, посни челядь моз вувзьысисны сылы паныд, чайтісны енэжысь лэччӧмаыд дон босьттӧг петкӧдлас кинӧ да юклас витсё эскимо. Но... Юмовтор пыдди налы вичмис ньӧр.

Окота юавны

KM 2

2015 вося сентябрь 30 лунӧ Россияса Президент Владимир Путин индіс Сергей Гапликовӧс Коми Республикаса Юралысьлысь удж вӧчысьӧн.

Колис тӧлысь. Казялінныд-ӧ ті тайӧ кадколастнас Комиын кодарӧкӧ вежсьӧмъяс? Кыдзи донъяланныд выль веськӧдлысьлысь уджсӧ?

Мый меддонаыс…

KM 1 1

Василий ЛОДЫГИН

Тима Веньлӧн чужан лун

Талун ӧтув чукӧртчӧмӧн сьылам,

Медым кыліс видз и вӧр, и ю:

«Видза олан, дона Эжва йылӧй,

Видза олан, Тима Веньлӧн му!»

Аттьӧ тэныд, чужтін мый поэтӧс,

Сыысь бурджык таланьысь оз сюр.

Шонді моза сійӧ шоныд сетӧ,

Вӧчӧ йӧзлы олӧм чӧжыс бур.

KM 1 2

Кӧсйӧ, медым шудаӧсь ми вӧлім,

Медым шаня олім ӧтув ми.

Помся ӧзйӧ сылӧн югыд сьӧлӧм —

Водзӧ мунан туйсӧ индысь би.

Ыджыд праздник талун Эжва йылын,

Тима Веньлысь пасъям чужан лун.

Мед жӧ сійӧ дыр на олас-вылас,

Мед жӧ татысь некытчӧ оз мун.

Томналасны?

KM 3 1

А бӧр восьтынысӧ ӧдвакӧ нин артмас...

Шойнаты да матігӧгӧрса сиктъясын олысьяс шызьӧмаӧсь, больничасӧ тупкӧм йылысь кывсьӧ да. Кык во сайын бурдӧдчанінсӧ «оптимизируйтӧмаӧсь» нин, вӧчӧмаӧсь Кӧрткерӧсса шӧр бур-дӧдчанінлӧн юкӧнӧн. И со ӧні чинаяс бара шуасьӧны, томналам пӧ поликлиникасӧ. А ӧд Шойнатыса больничаӧ волывлӧны и Висервожсянь Уръёльӧдз, артыштны кӧ, дас ӧти сюрс сайӧ морт.

Лэбачлӧн борд улын

KM 13 2

Финн-йӧгра лунъяс дырйи (найӧс рӧдвуж войтыр быд во нуӧдӧны октябрь помын) С.Маршак нима национальнӧй библиотекаын вӧліны и лыддьысьысьяскӧд аддзысьлӧмъяс, мастер-классъяс, выставкаяс.

Октябрь 13 лунӧ восьтісны Венгрияысь гижысь Пал Бекешлӧн «Сокровища на улице Сына Белой Лошади» небӧглысь выставка. Челядьлы сійӧ зэв ёна воис сьӧлӧм вылас, ӧд мыйкӧ кӧ кажитчис сэтысь — позис сійӧс аслыд босьтны. Но и ассьыд кольны — мый аслыд оз нин ков, а шыбитны жаль на: акань, чача, ручка да уна мукӧдтор на.

Ставсӧ чашйӧны-новлӧны...

KM 16 1

«Коми му» газетлӧн октябрь 15 лунся номерын вӧлі йӧзӧдӧма Луздор районса Прокопьевкаын школа пӧдласьӧм йылысь гижӧд («Тані кутам йӧктыны...»). Сиктсаяс бара на шыӧдчисны миян дорӧ. ӧні нин найӧ майшасьӧны, мый вермасны нуны Якуньёльӧ и челядьлысь ворсанінсӧ.

Тӧдсаыс кувтӧдзыс доймалӧма

KM 16 2

Воркута карса ёрдын видлалӧмаӧсь 28 арӧса Александр Дзиковский вылӧ панӧм уголовнӧй делӧ.

Кыдзи тыдовтчӧма туясигас, тавося июнь 14 лунӧ Александр Дзиковский гажа юрӧн пуксьӧма аслас иномарка руль сайӧ да мунӧ вӧлӧм Воркута бердса Севернӧй посёлокын Цементнозаводскӧй уличаӧд. Машинаас пукалӧма тшӧтш сылӧн тӧдсаыс, коді, рӧкыд вылӧ, абу тасмаасьӧма неминучаысь видзчысьӧм могысь.

ГТО-ысь — сӧмын зарни

KM 25

Кӧрткерӧс районысь Лӧкчимдінса шӧр школаын квайтымын вит велӧдчысь. Кыдзи и мукӧдлаын, гора гӧлӧсаӧсь, инас ӧшйывтӧмӧсь. Миян волігӧн тӧдтӧм йӧзтӧ аддзӧм бӧрын вильышпозъясыд недыр кежлӧ сӧмын и лӧньлісны, но некымын здук мысти школаса коридорын бара нин юрӧбтіс налӧн лэчыд гӧлӧсыс, гулыд серамыс...

Войнаыс эз на помась

KM 26

Таво ми пасйим Айму вӧсна Ыджыд тышын Вермӧмсянь 70 во. Но ӧнӧдз на косьяс мунанінын куйлӧны салдатъяс. Кытчӧдз ставнысӧ найӧс оз ло дзебӧма, войнаыс оз помась.

Таво гожӧм Мӧскашорса школаысь кадетъяс нёльӧдысь нин ветлісны Паметь вахта вылӧ. Псков обласьтын, кӧні тышкасис 28-ӧд Невельскӧй дивизия, найӧ «кыпӧдісны» усьӧм салдатъясӧс. Гортӧ локтӧм бӧрын висьтасисны асланыс удж йылысь.

наверх