Радио Юрган

Приёмная/факс: 8 (8212) 24-01-16

Электронный адрес:
smi-komimu@mail.ru

Адрес: 167982 Республика Коми, г.Сыктывкар, ул.Карла Маркса, д.229

Йитчыны миянкӧд

Skype пыр.

Связаться с нами

через Skype.

Коми йöзöдчан керка - № 48 (18195)

Дона гӧсьт

khatanzeyskiy

Октябрь 27 лунӧ «Ухта — Торжок-2» выль газопроводлӧн стрӧйбалы подувсӧ кыпыда пуктігӧн Коми Республикаса Юралысьлысь удж вӧчысь Сергей Гапликов да «Газпромӧн» веськӧдлысь Алексей Миллер сёрнитчисны зільджыка могмӧдны татчӧс олысьӧс биаруӧн. Збыль ӧд, кок улысь озырлунсӧ пычкӧны, а олам быттьӧ...

Ас коддьӧм пӧвстад лолыд сьылӧ

KM 1

Йирым тӧлысь 28—31 лунъясӧ Комиысь вит педагоглы мойвиис ветлыны Москваӧ, чужан кыв велӧдысьяслӧн мастер-класс вылӧ.

Сэтчӧ веськавны эз вӧв кокньыд, ӧд Россияын уджалӧ зэв уна тӧлка ас кыв велӧдысь. Конкурсӧ пырӧдчис 182 педагог, финалӧдз воис нелямыныс, на лыдын и ме, Ыджыдвидзса школаын коми кыв да литература велӧдысь Эльвира Александровна Старцева, да Слӧбӧдаса школаын зільысь Анна Александровна Политова.

ОКОТА ЮАВНЫ

KM 2 4

Дмитрий Медведевлӧн юрнуӧдӧм улын Россия Федерацияса правительство дасьтӧма «бур козин» олӧма йӧзлы, кодъяс, рлыд вылас видзӧдтӧг, уджалӧны на. Локтан восянь налы оз кӧсйыны индексируйтны пенсиясӧ.

И Госдумаысь депутатъяс ошкӧмаӧсь нин та кузя оланпас баласӧ.

А кыдзи ті донъяланныд страналӧн бюджетысь сьӧм видзтӧм ради власьт кутысьяслысь тайӧ воськовсӧ?

АС СИНМӦН

KM 2 1

Луздор районысь Мӧдчой (Поруб-Кеповскӧй) грездса ТОС кӧсйӧ кыпӧдны часовня.

Водзмӧстчысь котырӧн веськӧдлысь Светлана Игутова став колана кабаласӧ чукӧртӧма нин. Орчча Спаспорубын пӧ вичкоыс эськӧ и эм, но сэтчӧдз 15 километр.

Пелысӧн кӧрт туйӧд оз ветлыны?

Изьва районса Мокчой сиктысь Татьяна Сергеевна Терентьева ньӧбӧма верӧсыслы Сыктывкарысь пелыс. Но гортӧдзыс козиныс абу и воӧма. Аньлы ковмӧма кольны сійӧс кӧрт туй вокзалса перрон вылӧ.

Дзугйын

—Таӧдз некутшӧм мытшӧд эз вӧв, ньӧбасян вӧлі да и нуан гортад. Ыджыдджык груз кӧ, инавлім торъя вагонӧ, содтӧд мынтысьыштлім да. Но тавося октябрсянь багаж новлӧдланінсӧ пӧдлалӧмаӧсь. Вагонӧ менӧ пелыснад эз лэдзны, кык метрысь кузьджык вӧлі да, — висьталӧ Татьяна Сергеевна.

Нывбаба ӧтарӧ-мӧдарӧ котралӧма пелыснас перрон кузя, а поездса начальник вӧзйӧма шыӧдчыны ас вылӧ уджалысьяс дорӧ. Кор Сыктывкарса кӧрт туй вокзалын багаж новлӧдланінсӧ пӧдлалӧмаӧсь, сы пуд воссьӧма коммерческӧй. Но и сэні абу вермӧмаӧсь отсавны пикӧ воӧмалы. ӧти-кӧ, кадыс абу нин вӧлӧма сёрнитчынысӧ. Мӧд-кӧ, Ираёльын груз новлӧдлан вагонсӧ пӧ оз восьтыны, сӧмын — Печораын, Интаын, Воркутаын, Усинскын.

13 миллиард шайт вӧзйӧны

KM 5

Рытыв-Войвыв кытшын Россияса Президентлӧн представительствоын чукӧртчылӧм дырйи сёрнитісны регионъясса экономикаӧ унджык инвестиция корсьӧм йылысь.

Парма-ягыд вын-эбӧс содтӧ

KM 20

Кӧрткерӧс районса Одыб сиктӧ неважӧн бара чукӧртчылӧмаӧсь Тит Гриш Семен Мишлӧн ыджыд рӧдвужыс: квайтнан ныв-пиыс да налӧн челядьыс. Михаил Михайлов асьсӧ шуӧ шуда мортӧн. ӧд сылӧн кӧкъямыс внук да та мында жӧ правнук.

А пызаныс веськыда чегӧма, сэні и звер-пӧтка яй, пражитӧм да сола чери, мырпом, пув, уна сикас пӧжас... Михаил Семёновичлӧн зільӧмӧн Михайловъяслӧн и быдлунъя пызаныс озыр. Кыйсьытӧгыс сійӧ овнысӧ оз вермы. Вӧралан да вуграсян сямнас юксьӧ аслас внук-правнукыскӧд. Олӧма мортлы эм мый висьтавны-казьтывны...

Изьватас йылысь Петербургын

KM 21 1

А.Герцен нима университетысь Войвывса войтырлӧн институтлы тырис 85 во.

Тайӧ тшупӧда пасыслы вӧлі сиӧма «Реальность этноса-2015» конференция. Волісны сэтчӧ Сибырысь да Ылі Асыввылысь, Санкт-Петербургысь, Москваысь, Россияса уна регионысь, тшӧтш и Коми Республикаса Изьва районысь учёнӧйяс, велӧдысьяс, чина йӧз да общественнӧй котыръясын зі- льысьяс.

Сёльыбын быдӧнлы радӧсь

KM 22 1Ю вуджигӧн

Сикт весьтӧ кор вои ме,

Вуджӧдчысьӧс чукӧсті.

Узьысь вӧрсянь воча мем

Сӧмын йӧла букӧстіс.

Лӧнь ва вылын кокньыда

Еджыд руыс кыпӧдчӧ.

Аддза: мӧдар дорӧсӧ

Тэрмасьӧмӧн ныв лэччӧ.

ӧзйис жугыль чужӧмӧй

Сэк, кор пыжас сӧлі ме.

Сійӧ вуджысь нывкаыс

Менам шудӧй вӧлӧма.

Сыкӧд куим во сайын

Таті жӧ и вуджимӧй.

Сэки нӧ ме мӧвпыштны

Татшӧмторсӧ кужи мӧй?

Мелі, югыд тӧлысьыс

Копыртчӧма ваӧдзыс...

Эг и тӧдлӧй, кыдзи ми

Кылалім сикт сайӧдзыс.

«Тошкӧй дзор, но ышӧдӧ на муза...»

KM 24 1

Локтан воторникӧ, ноябрь 24 лунӧ, тырӧ тӧдчана учёнӧй, Коми наука шӧринысь Кыв, литература да история институтӧн юрнуӧдысь, история наукаса доктор Игорь Жеребцовлы 55 арӧс.

Чужлӧма Игорь Любомирович юркарын, помалӧма Сыктывкарса госуниверситетын история факультет. 1983 восянь уджалӧ Коми наука шӧринын.

наверх