Радио Юрган

Приёмная/факс: 8 (8212) 24-01-16

Электронный адрес:
smi-komimu@mail.ru

Адрес: 167982 Республика Коми, г.Сыктывкар, ул.Карла Маркса, д.229

Йитчыны миянкӧд

Skype пыр.

Связаться с нами

через Skype.

Коми йöзöдчан керка - № 50 (18197)

Сиктсалы выльвося козин

Выль во водзвылын, декабрь 12 лунӧ, Сыктывкарын медводдзаысь на шуӧма нуӧдны «Шоныд рыт» благотворительнӧй концерт. Сы могысь, медым чукӧртӧм сьӧм вылас судзӧдны 2016 во кежлӧ республикаса социальнӧй учреждениеяслы «Коми йӧзӧдчан керкалысь» петасъяс – «Коми му», «Йӧлӧга», «Чушканзі», «Би кинь» да «Войвыв кодзув», а сідзжӧ «Арт» журнал.

А водзмӧстчисны та могысь том йӧзлӧн «Ми» котырысь ныв-зон, кор «Коми войтыр» ӧтмунӧмлӧн Сыктывкарса юкӧнын чукӧртчылігӧн восьсӧн элясисны, мый бюджет организация-учреждениеын, торйӧн нин школаын, библиотекаын, культура керкаын, оз тырмы коми газет-журнал судзӧдӧм вылӧ сьӧмыс. А татшӧм петасъясыс зэв коланаӧсь, найӧс оз сӧмын лыддьыны, на серти тшӧтш туялӧны ӧнія гижысьяслысь да мукӧд творческӧй йӧзлысь уджъяссӧ.

Миян могыс – отсавны йӧзлы

KM 1

Кольӧм выльлунӧ ветлім Сыктыв районса Визин сиктӧ да пыралім сэтчӧс бурдӧдчанінӧ. Вочааліс миянӧс больничасьыс главврач Владимир Носков.

Владимир Гелиевич чужӧма-быдмӧма Визин сиктын. Школа помалӧм бӧрас пырӧма велӧдчыны Ярославльса медакадемияӧ.

ОКОТА ЮАВНЫ

KM 2 6

Лун-мӧд сайын Москваын муніс регионъяс информатизируйтӧм кузя Сӧветлӧн чукӧртчылӧм. Сэні сёрнитісны 2016-2019 воясӧ Россияса субъектъясын 250-500 морта сикт-грездъяс связь-ӧтуввезйӧн могмӧдӧм йылысь.

Комиысь информатизация да связь комитетӧн веськӧдлысьлысь удж вӧчысь Михаил Порядин вӧзйис нюжӧдны интернетсӧ и ичӧтджык овмӧдчанінъясӧ. Чукӧртчысьяс ошкисны тайӧ вӧзйӧмсӧ.

Окота юавны, тшӧкыда-ӧ ті вӧдитчанныд ӧтуввезйӧн, онӧ кӧ, эм-ӧ сылӧн коланлуныс?

Суткинас 24 час уджавны

KM 2 1

Республикаӧн веськӧдлыны абу кокни. Этша на та дырйи госслужба вылад зільны-водзмӧстчыны, колӧ збыльмӧдны ас водзад сувтӧдӧм став зэв кывкутана да тӧдчана могсӧ.

Веськӧдлысьяслӧн сідз шусяна резервӧ нырччӧм могысь конкурсӧ пырӧдчӧм да сэні медбуръяс лыдӧ веськалӧм бӧрын колӧ торйӧн нин бура гӧгӧрвоны, мый сідз шусяна шоныд пуклӧсыс, вӧлӧмкӧ, абу на и зэв шоныд да небыд. Колӧ   мый вынсьыд зільны быд лун, суткинас 24 час, да вӧчны ассьыд уджтӧ сідз, медым сыысь водзӧсыс отсалас водзӧ бурмӧдны Комиын йӧзлысь олӧмсӧ.

АС СИНМӦН

KM 2 3

Айму дорйыны

—Быд мужичӧйлӧн медшӧр могыс — дорйыны Аймунымӧс, — тӧдчӧдіс Коми Республикаса Юралысьлысь удж вӧчысь Сергей Гапликов кольӧм лунъясӧ Емва карын призыв пунктын армияӧ мӧдӧдчысьяскӧд аддзысьлігӧн. — 27 во сайын ме сідзжӧ вӧлі салдатӧн. И ас серти шуа, мый буретш армияын мортыд верстяммӧ-ёнмӧ да лоӧ збыльысь мужичӧйӧн.

Республикаса военком Дмитрий Фединлӧн висьталӧм серти, таво арнас Комиын рекруталӧмаӧсь нин 800-ысь унджык том мортӧс, урчитӧмсьыс 40 прӧчентсӧ. Унджыкыс кутасны служитны Рытыввывса военнӧй кытшын, а сідзжӧ Войвывса флотын.

И миянӧс туялӧны жӧ

KM 4

«Коми му» газетын ми водзӧ висьталам дурмӧдчан зеллялы паныд тышкасьысьяс йылысь.

Тӧдмасьӧй: наркополицейскӧйяс бӧрся видзӧдан службаӧн веськӧдлысь Виктор Мунь. 2003 восянь уджалӧ наркоконтроль федеральнӧй службалӧн Коми Республикаса управлениеын. Таӧдз зільӧма вот перъян полицияын.

Мамныс мед кылас...

KM 5 1

Газетнымлӧн воддза петасын юӧртлім нин, мый неважӧн Сыктыв районса больничаын кад кежлӧ овмӧдісны арӧса кымын нёль кагаӧс. «Маяк Сысолы» газетысь уджъёртъяс йӧзӧдісны неыджыд юӧр, эновтӧм челядьлы пӧ колӧ памперс, крем-майтӧг, паськӧм, чача... И ми «Коми му» редакцияын тшӧтш котыртлім отсӧг чукӧртан акция.

Бӧръя кадас ёна нин шуасьӧны, олӧмыс пӧ гудыртчис дай йӧзыс лоисны скӧрӧсь. Гашкӧ, та понда эг и чайтӧй, мый миян чукӧстӧм вылӧ шыасясны сы мындаӧн. Сӧвтім кӧлуйсӧ машинаӧ да — пуксьыны некытчӧ! Слабог, кыдзкӧ-мыйкӧ тӧрӧдчим жӧ, ӧттор-мӧдтор йылысь кыпыда варгигтыр мӧдӧдчим Визинлань...

Ми, коми войтыр, чӧв ог олӧй!

Сосногорскын «Коми войтырлысь» быдвося конференция, кодӧс урчитӧма декабрь 5 лун кежлӧ, гашкӧ, оз и нуӧдны да. Ӧтмунӧмӧн юрнуӧдысьыс висьталіс, мый карса чинаяс падмӧдӧны уджсӧ, сьӧмсӧ абу вичмӧдӧмаӧсь, а сійӧс асьсӧ мӧвпалӧны вештыны.

—Татшӧмторйыс некор на эз вӧвлы, — висьталӧ Николай Белых. — Миян чукӧртчылӧм вылӧ локтӧны карса чинаяс да шум-зык пестӧны, рочасьны тшӧктӧны. Но ми жӧ коми войтыр, ас костын мам кывйӧн сёрнитам. Кывсьӧ, ме вылӧ республикаса Юралысьлысь удж вӧчысь Сергей Гапликовлы нин норасьӧмаӧсь, дышӧдчӧ пӧ.

Но, Николай Васильевичлӧн   висьталӧм серти, весь олӧны буретш сэтчӧс чинаясыс. Кызь вит во нин дольӧны конференция вылын, мый Уквавомӧ, Пожняӧ да Полянаӧ колӧ нюжӧдны биару. Тайӧ юалӧмнас куимысь нин веськавлӧмаӧсь республикаса программаӧ, но доддьыс ӧнӧдз абу вӧрзьылӧма. Кольӧм во пӧ весиг республикаса правительствоысь чинаяс волӧмаӧсь. Шуӧмаӧсь, мед Сосногорск районса администрацияын зільысьяс вӧчасны проектно-сметнӧй уджсӧ, но найӧ пӧ, тыдалӧ, индӧдсӧ абу и кывлӧмаӧсь.

Гашкӧ, быдмас чемпионӧдз?

KM 11

Тӧдса, сикт-посёлокса челядьыд нинӧмын оз торъявны карсасьыд. Мӧдарӧ на, мыйӧнкӧ ёна зільджыкӧсь карсаысь. Бура велӧдчӧны, ичӧтсяньыс отсасьӧны мам-батьыслы, пӧль-пӧчыслы. И кызвыныс быдмӧны уджач, зіль да восьса сьӧлӧма йӧзӧн.

Бусурманыд и ӧні бусурман...

KM 22

«Турецкий поток» биару труба нюжӧдӧм йылысь Кремльын заводитісны сёрнитны 2015 вося январын, кор Евросоюзлӧн падъялӧм, а торйӧн нин сэтчӧ пырысь Болгариялӧн дыр да кузя мӧжгӧм вӧсна ковмис эновтчыны сідз шусяна «Лунвыв потокысь».

Сэки миян уна политик-экономист морӧсаныс кучкалӧмӧн ошкисны Россия да Турция костын биару кузя сёрнитчӧмсӧ, а кодсюрӧ вӧлі арталӧны нин, мыйта сьӧм пӧ воас миян бюджетӧ Эрдоганлӧн правительствокӧд ёртасьӧмысь.

наверх