Радио Юрган

Приёмная/факс: 8 (8212) 24-01-16

Электронный адрес:
smi-komimu@mail.ru

Адрес: 167982 Республика Коми, г.Сыктывкар, ул.Карла Маркса, д.229

Йитчыны миянкӧд

Skype пыр.

Связаться с нами

через Skype.

Коми йöзöдчан керка - 2015

«Кымöрöдз» судзмöн

KM-1

Восьлавны водзö олöмас веськыд туйöд, шедöдны уджын тöдчана вермöм, збыльмöдны водзаныс пуктöм став могсö сиисны кольöм субö-таö юркарса школа да вуз-ссуз помалысьяслы «Облака» выпускнöй дырйи. Томуловöс нимöдісны асывсяньыс рытöдз — котыртлісны парад, спорт ордйысьöм, ворсöм-гаж да Россияса «кодзувкöд» аддзысьлöм-концерт.

Медводз выпускникъяслы сеталісны велöдчöмöн шедöдöм документ — аттестат да диплом. А та бöрын томулов локтісны Театральнöй изэрдö, медым öтвылысь радöн-радöн лэччыны Степан изэрдöдз.

Окота юавны

KM-2

Июль 1 лунсянь Россияын туй кузя ветлан правилöясö пыртісны выль вежсьöмъяс. На пиысь öти — пода мортлы пемыд кадö быть колö новлыны би улын югъялан паса паськöм. Тшöктöмсö öтдортысьöс погона войтыр кутасны штрапуйтны 500 шайт вылö.

А пöртанныд-ö ті тайö выль индöдсö асланыд олöмö?

Сісьмö

KM-3-2

Мый Комиын пöрöдöны уна вöр, тöдса быдöнлы. Но ставсö-ö петкöдöны? Вöлöмкö, уна коз-пожöм кольö парма шöрö да сісьмö.

Став Россияса Народнöй фронтын водзмöстчысьяс кытшовтöмаöсь парма-гöд да казялöмаöсь промышленникъясöн эновтöм вöрсö. Кольöм выльлунö Кöрткерöсса главнöй лесничöй Михаил Ковалёв нуöдліс и миянöс Лöкчим вожса вöрö, кöні «миян озырлунным» сісьмö би провод улын.

–Тайö вöрын куйлö 2012 восянь да некодлы оз ков, – индіс «Кöрткерöсса лесничество»   ГУ-öн веськöдлысь Михаил Борисович.

–Кералісны да вунöдісны?

–Эновтісны...

Трусовса ворс хоккейысь!

Кольöм субöтаö Чилимдінын вöлі торъя жар. Пöсявмöн вичмис вермасьны том войтырлöн гожся спартакиадаö пырöдчысьяслы. Та пöрйö приза местаяс вöсна зэлöдчылісны юрсиктысь, «Мöскашор», «Замежнöй», «Трусов» да «Хабариха» овмöдчанінъясысь войтыр.

KM-6-1

Физкультура, спорт да туризм кузя районса шöринлöн корт вылын командаясöс чолöмалісны чина войтыр. Гимн юргöм да флаг лэптöм бöрын заводитчис спортивнöй гаж.

Боксыд радейтö крепыд йöзöс

KM-19

Матö вит во нин зільö челядьлöн да том йöзлöн Сыктывкарса первой номера комплекснöй спортшколаын тренер Андрей Алексеевич Истомин.

Колö шуны, боксёръяслöн наставниккöд аддзысьлытöдз нин тöді, мый тайö спортшколаас дасьтöны енбиа спортсменъясöс, кодъяс нималöны оз сöмын республикаын, но и страна пасьталаын. Бöрыннас сэсся найö, кыдзи киподтуя тренеръяс нин, петкöдöны ассьыныс быдтасъяссö ыджыд олöмö.

Комиысь «кодзувъяс»

KM-22-1

Комиысь петіс уна нималана учёнöй, спортсмен, политик, поэт-прозаик, сьылысь-йöктысь, театрын ворсысь...

Миян землякъяс нимöдісны асьнысö и киноын.

Югыд казьтылöм ас йывсьыс колис актёр Евгений Урбанский. Сійöс, ыджыд тушаа, сьöд кудриа юрсиа, паськыда вашъялысь том мужичöйöс, радейтліс ставнас страна. Юлий Райзманлöн «Коммунист» кинокартина ыджыд экран вылö петöм бöрын, кöні Урбанский ворсіс большевик Губановöс, актёрöс кутісны тöдны и став мирын. Сійö, позьö шуны, здукöн лоис «кодзулöн» да яръюгыда ыпнитіс-öзйис кинематограф енэжтасын.

наверх