Сосногорскын «Коми войтырлысь» быдвося конференция, кодӧс урчитӧма декабрь 5 лун кежлӧ, гашкӧ, оз и нуӧдны да. Ӧтмунӧмӧн юрнуӧдысьыс висьталіс, мый карса чинаяс падмӧдӧны уджсӧ, сьӧмсӧ абу вичмӧдӧмаӧсь, а сійӧс асьсӧ мӧвпалӧны вештыны.

—Татшӧмторйыс некор на эз вӧвлы, — висьталӧ Николай Белых. — Миян чукӧртчылӧм вылӧ локтӧны карса чинаяс да шум-зык пестӧны, рочасьны тшӧктӧны. Но ми жӧ коми войтыр, ас костын мам кывйӧн сёрнитам. Кывсьӧ, ме вылӧ республикаса Юралысьлысь удж вӧчысь Сергей Гапликовлы нин норасьӧмаӧсь, дышӧдчӧ пӧ.

Но, Николай Васильевичлӧн   висьталӧм серти, весь олӧны буретш сэтчӧс чинаясыс. Кызь вит во нин дольӧны конференция вылын, мый Уквавомӧ, Пожняӧ да Полянаӧ колӧ нюжӧдны биару. Тайӧ юалӧмнас куимысь нин веськавлӧмаӧсь республикаса программаӧ, но доддьыс ӧнӧдз абу вӧрзьылӧма. Кольӧм во пӧ весиг республикаса правительствоысь чинаяс волӧмаӧсь. Шуӧмаӧсь, мед Сосногорск районса администрацияын зільысьяс вӧчасны проектно-сметнӧй уджсӧ, но найӧ пӧ, тыдалӧ, индӧдсӧ абу и кывлӧмаӧсь.

Тӧдса, сикт-посёлокса челядьыд нинӧмын оз торъявны карсасьыд. Мӧдарӧ на, мыйӧнкӧ ёна зільджыкӧсь карсаысь. Бура велӧдчӧны, ичӧтсяньыс отсасьӧны мам-батьыслы, пӧль-пӧчыслы. И кызвыныс быдмӧны уджач, зіль да восьса сьӧлӧма йӧзӧн.

«Турецкий поток» биару труба нюжӧдӧм йылысь Кремльын заводитісны сёрнитны 2015 вося январын, кор Евросоюзлӧн падъялӧм, а торйӧн нин сэтчӧ пырысь Болгариялӧн дыр да кузя мӧжгӧм вӧсна ковмис эновтчыны сідз шусяна «Лунвыв потокысь».

Сэки миян уна политик-экономист морӧсаныс кучкалӧмӧн ошкисны Россия да Турция костын биару кузя сёрнитчӧмсӧ, а кодсюрӧ вӧлі арталӧны нин, мыйта сьӧм пӧ воас миян бюджетӧ Эрдоганлӧн правительствокӧд ёртасьӧмысь.

Коми КВН-лӧн историяыс абу нин дженьыд. Сыктывкарса университетын капустник сяма гажсянь сійӧ кыпӧдчис республикаса, да и, стӧчджыка кӧ шуны, регионъяскостса тшупӧдӧдз, воысь-во содіс шмонитны радейтысьлӧн лыдыс. Тавося ноябрь 27 лунӧ ворсны чукӧртчыліс нин юркарысь, Кӧрткерӧс, Кулӧмдін, Изьва, Сыктыв районъясысь, Ухтаысь кӧкъямыс котыр. Волісны и Перым-Коми кытшса Ёгва сиктысь ныв-зон.

Кутшӧмкӧ асылӧ видзӧдала вӧлі ӧтуввезйысь бӧръя выльторъяс. И синмӧ шыбитчис «Маяк Сысолы» газетлӧн лист бокысь Сыктыв районса войтыр дорӧ неыджыд шыӧдчӧм. Уджъёртъяс юӧртісны, мый райбольничалӧн челядь юкӧнӧ кад кежлӧ овмӧдісны юысь семьяясысь нёль кагаӧс. Ставныс арӧса кымынаӧсь. Бать-мамныс на дорӧ, дерт, оз волыны: налы дзик веськодь, дзоньвидзаӧсь-ӧ, пасьтӧдӧма-вердӧмаӧсь-ӧ виртусьясныс. Бурдӧдысьяс пӧ асланыс сьӧм вылӧ ньӧбалӧны дзолюкъяслы рузум, майтӧг, присыпка да мукӧд коланатор. Колӧ пӧ эськӧ налы отсавны...

Ноябрь 29 лунӧ сьӧлӧмсянь петысь пӧсь кывъяс висьталам миянлы медся матысса, дона да муса аньяслы – мамъяслы. Нимӧдам арлыдаӧс нин и зэв на томӧс, уна челядяӧс и ӧтка быдтасаӧс, кодъяслӧн олӧмас медыджыд озырлуныс – шудыс и гажыс – ныв-пияныс.

Госдумаысь депутатъяслӧн водзмӧстчӧм серти, локтан вося январь 15 лунсянь кутасны кад кежлӧ мырддьывны шопералан правосӧ налысь, кодъяслӧн штрап да алимент кузя уджйӧзыс 10 сюрс шайтысь унджык.

Кыдзи ті чайтанныд, мӧрччас оз татшӧмъясыслы тайӧ чорыд мераыс? Лоас оз выль оланпассьыс водзӧсыс?

Уджыс эм, и олӧмыс ладмӧ

Емдін районысь Зӧвсьӧртса фанера вӧчан комбинатын уджӧдӧны сэтчӧс   колонияын пукалысьясӧс.

Кыдзи юӧртіс республикаса промышленносьт да тран-спорт сӧвмӧдӧм кузя министрлысь удж вӧчысь Николай Герасимов, талун вӧр переработайтан предприятиеын прӧст 250 уджалан места.

Либӧ «Бокӧвӧйлы татчӧ ӧдзӧс пӧдса!»

Велӧдчан во шӧр, регыд кутам Выль во нин пасйыны, а Изьва районса Краснобор школаын ӧнӧдз на абу эштӧдӧмаӧсь дзоньтасян удж. Челядь босьтӧны тӧдӧмлунсӧ сиктса библио- текаын, вӧвлӧм начальнӧй школа стрӧйбаын, мастерскӧйын... 9-11 классысь ныв-зон асланыс велӧдысьяскӧд быд лун журъя-лӧны 4 километр сайӧ Вертепса школаӧ.

Мыйын помкаыс да коді мы-жа? Ми нуӧдім ассьыным туя-сьӧм...

Ноябрь 20 лунӧ Удораса Глотово сиктын лоӧма ыджыд неминуча. Нелямын ӧти арӧса мужичӧй ружьеысь лыйӧма нелямын сизим арӧса Акифӧс.

Районса следственнӧй управлениеысь погона йӧз па-нӧмаӧсь мортӧс виӧмысь уголовнӧй делӧ.

Туялысьяслӧн юӧр серти, мужичӧйяс костӧд важӧн нин сьӧд кань котӧртӧма. Да буретш важся лӧгалӧмысла и лыйӧма ӧтиыс мӧдсӧ.

Мыж вӧчысьӧс кутӧмаӧсь. Мужичӧй абу и соссьӧма, винитчӧма.