Радио Юрган

Приёмная/факс: 8 (8212) 24-01-16

Электронный адрес:
smi-komimu@mail.ru

Адрес: 167982 Республика Коми, г.Сыктывкар, ул.Карла Маркса, д.229

Йитчыны миянкӧд

Skype пыр.

Связаться с нами

через Skype.

Коми йöзöдчан керка - 2015

Ме, дерт, абу гижысь, но...

KM 13

Аски искусство гимназияса концертасян залын сизимӧдысь юргас-гажӧдчас коми КВН. Сиӧма сійӧс литература волы, и нимыс лӧсялана жӧ – «Менам муза абу вуза...»

Ворсны-йӧзӧс гажӧдны воласны Ухтаысь «Лючки-ладнӧ» котыр, Кӧрткерӧс районысь «Одыбса репасъяс», Эжва йылысь «Скӧрӧдумсаяс», Изьва районса Красноборысь «Бандерлогъяс», Визинысь «Сыктывса сукаръяс», Сыктывкарысь коми культура шӧринын уджалысьяслӧн да журналистъяслӧн «Километръяс», юркарын Кулӧмдінса землячестволӧн «КУРас-КАРас», томъяслӧн «МИ» котырысь «Антибольгысьяс» командаяс. Конкурсысь ӧтдор петкӧдчасны и Перым-Коми кытшысь гӧсьтъяс – «Ёгвуси» командаысь ныв-зон.

Бара на босьтча гижны...

KM 25 1

Коли во Иван Белыхлӧн ку-лӧмсянь. Сійӧ муніс миян дорысь чӧла, виччысьтӧг, шонъянӧй-мортӧй эз вевъяв весиг некодлысь топӧдлыны кисӧ, мед-бӧръяысь вашмунны-нюмъёвтны.

Шулӧны тай, смертьыд пӧ босьтӧ аскӧдыс медбур йӧзсӧ. Кута лача, мый Иван Ильичлӧн лолыс ӧдйӧ веськаліс райӧ. Исус Кристосыд ӧд радейтӧ шань, пӧслукман йӧзтӧ, а менам ыджыдджык арлыда ёртӧй буретш татшӧм мортӧн и вӧлі.

Мелі нима «Катюша»

KM 27 1

Чилимдін районын Мӧскашорса школаысь кадетъяс примитісны присяга. И сэк жӧ школа дорас кыпыда восьтісны Победалысь парк.

Парксӧ восьтіс тайӧ школасӧ помалысь, Чечняын тыш-косьса ветеран Сергей Райхерт. Том зонмӧн на сійӧ Кавказас веськавлӧма, 1994–1995 воясся кӧдзыд тӧлӧ тышкасьӧма биӧн ыпъялысь Грозныйын. Таысь сылы сетӧмаӧсь «За отвагу» медаль. ӧні пиыс нин сылӧн велӧдчӧ ВДВ-лӧн Рязаньса училищеын.

Дона гӧсьт

khatanzeyskiy

Октябрь 27 лунӧ «Ухта — Торжок-2» выль газопроводлӧн стрӧйбалы подувсӧ кыпыда пуктігӧн Коми Республикаса Юралысьлысь удж вӧчысь Сергей Гапликов да «Газпромӧн» веськӧдлысь Алексей Миллер сёрнитчисны зільджыка могмӧдны татчӧс олысьӧс биаруӧн. Збыль ӧд, кок улысь озырлунсӧ пычкӧны, а олам быттьӧ...

Ас коддьӧм пӧвстад лолыд сьылӧ

KM 1

Йирым тӧлысь 28—31 лунъясӧ Комиысь вит педагоглы мойвиис ветлыны Москваӧ, чужан кыв велӧдысьяслӧн мастер-класс вылӧ.

Сэтчӧ веськавны эз вӧв кокньыд, ӧд Россияын уджалӧ зэв уна тӧлка ас кыв велӧдысь. Конкурсӧ пырӧдчис 182 педагог, финалӧдз воис нелямыныс, на лыдын и ме, Ыджыдвидзса школаын коми кыв да литература велӧдысь Эльвира Александровна Старцева, да Слӧбӧдаса школаын зільысь Анна Александровна Политова.

ОКОТА ЮАВНЫ

KM 2 4

Дмитрий Медведевлӧн юрнуӧдӧм улын Россия Федерацияса правительство дасьтӧма «бур козин» олӧма йӧзлы, кодъяс, рлыд вылас видзӧдтӧг, уджалӧны на. Локтан восянь налы оз кӧсйыны индексируйтны пенсиясӧ.

И Госдумаысь депутатъяс ошкӧмаӧсь нин та кузя оланпас баласӧ.

А кыдзи ті донъяланныд страналӧн бюджетысь сьӧм видзтӧм ради власьт кутысьяслысь тайӧ воськовсӧ?

АС СИНМӦН

KM 2 1

Луздор районысь Мӧдчой (Поруб-Кеповскӧй) грездса ТОС кӧсйӧ кыпӧдны часовня.

Водзмӧстчысь котырӧн веськӧдлысь Светлана Игутова став колана кабаласӧ чукӧртӧма нин. Орчча Спаспорубын пӧ вичкоыс эськӧ и эм, но сэтчӧдз 15 километр.

Пелысӧн кӧрт туйӧд оз ветлыны?

Изьва районса Мокчой сиктысь Татьяна Сергеевна Терентьева ньӧбӧма верӧсыслы Сыктывкарысь пелыс. Но гортӧдзыс козиныс абу и воӧма. Аньлы ковмӧма кольны сійӧс кӧрт туй вокзалса перрон вылӧ.

Дзугйын

—Таӧдз некутшӧм мытшӧд эз вӧв, ньӧбасян вӧлі да и нуан гортад. Ыджыдджык груз кӧ, инавлім торъя вагонӧ, содтӧд мынтысьыштлім да. Но тавося октябрсянь багаж новлӧдланінсӧ пӧдлалӧмаӧсь. Вагонӧ менӧ пелыснад эз лэдзны, кык метрысь кузьджык вӧлі да, — висьталӧ Татьяна Сергеевна.

Нывбаба ӧтарӧ-мӧдарӧ котралӧма пелыснас перрон кузя, а поездса начальник вӧзйӧма шыӧдчыны ас вылӧ уджалысьяс дорӧ. Кор Сыктывкарса кӧрт туй вокзалын багаж новлӧдланінсӧ пӧдлалӧмаӧсь, сы пуд воссьӧма коммерческӧй. Но и сэні абу вермӧмаӧсь отсавны пикӧ воӧмалы. ӧти-кӧ, кадыс абу нин вӧлӧма сёрнитчынысӧ. Мӧд-кӧ, Ираёльын груз новлӧдлан вагонсӧ пӧ оз восьтыны, сӧмын — Печораын, Интаын, Воркутаын, Усинскын.

13 миллиард шайт вӧзйӧны

KM 5

Рытыв-Войвыв кытшын Россияса Президентлӧн представительствоын чукӧртчылӧм дырйи сёрнитісны регионъясса экономикаӧ унджык инвестиция корсьӧм йылысь.

Парма-ягыд вын-эбӧс содтӧ

KM 20

Кӧрткерӧс районса Одыб сиктӧ неважӧн бара чукӧртчылӧмаӧсь Тит Гриш Семен Мишлӧн ыджыд рӧдвужыс: квайтнан ныв-пиыс да налӧн челядьыс. Михаил Михайлов асьсӧ шуӧ шуда мортӧн. ӧд сылӧн кӧкъямыс внук да та мында жӧ правнук.

А пызаныс веськыда чегӧма, сэні и звер-пӧтка яй, пражитӧм да сола чери, мырпом, пув, уна сикас пӧжас... Михаил Семёновичлӧн зільӧмӧн Михайловъяслӧн и быдлунъя пызаныс озыр. Кыйсьытӧгыс сійӧ овнысӧ оз вермы. Вӧралан да вуграсян сямнас юксьӧ аслас внук-правнукыскӧд. Олӧма мортлы эм мый висьтавны-казьтывны...

наверх