Радио Юрган

Приёмная/факс: 8 (8212) 24-01-16

Электронный адрес:
smi-komimu@mail.ru

Адрес: 167982 Республика Коми, г.Сыктывкар, ул.Карла Маркса, д.229

Йитчыны миянкӧд

Skype пыр.

Связаться с нами

через Skype.

Коми йöзöдчан керка - № 12 (18213)

Абу ылын, абу Войвылын...

khatanzeyskiy

...Карта сайын кӧръяс войлӧны... Кӧть сэсся выль сьыланкыв гиж!

А мый? Он и тӧдлы, регыд Княжпогост районын кутас рӧдмыны да син гажӧдны тайӧ пемӧсыс. Дерт эськӧ, ӧні, тулыснас, кӧр стадаяс мӧдӧдчӧны Войвывлань, саридз дорӧ. Тадзи вӧр-ва оланпасыс налы индӧ. Но «сюсь» йӧз мӧвпыштӧмаӧсь торкны тайӧ законсӧ: вайӧдам пӧ кӧръяссӧ, но, шуам, Емвалань, и — пӧрадок. Быд окотитысь вермас пуксьывны тэрыб дадюлӧ, номсасьыштны айбарчӧн, велӧдчыны вурны пими-малича... ЧУМӧвӧй олӧм пуксяс!

Олӧмыс — театр

KM 1 2

Воторникӧ Виктор Савин нима драмтеатрын пасйисны войтыркостса театр лун. Капустник вылӧ, коді шусис «Властелин кризиса, или Братство гранта», волісны эльфъяслӧн королева Галадриэль, хоббитъяс да скӧр оркъяс.

АС СИНМӦН

KM 2 1

Бур йитӧдыс водзӧ ёнмас

Коми Республикаса Юралысьлысь удж вӧчысь Сергей Гапликов аттьӧаліс Татарстанса президент Рустам Миннихановӧс юӧр сетан технология да СМИ юкӧнын ёртасьӧмысь да тӧдчӧдіс, мый накӧд миян бур йитӧдыс водзӧ ёнмас.

ОКОТА ЮАВНЫ

KM 2 4

Март 24 лунӧ республикаса Юралысьлысь удж вӧчысь Сергей Гапликов тӧдмӧдіс Коми Госсӧветысь депутатъясӧс регионса правительстволӧн кольӧмвося уджӧн да водзӧ вылӧ могъясӧн. Ачыс сійӧ та кузя докладсӧ шуис республикаӧс ловзьӧдан-сӧвмӧдан уджтасӧн. И збыльысь, сэні веськыда урчитӧма, матысса воясӧ мый лоӧ вӧчӧма та могысь.

Кыдзи ті чайтанныд, эм миян позянлуныс збыльмӧдны тайӧ уджтассӧ?

Уна кӧ чериыс, и шатинӧн шедас

Кольӧмвося февраль 3 лунӧ Россияса видз-му овмӧс министерство вынсьӧдліс войвыв ю-тыясын чери кыян правилӧяс. Йӧзыс та бӧрын шызисны, кодкӧ ошкис найӧс – унджык пӧ чериыс лоас, кодкӧ кулитіс – вывті нин пӧ чорзьӧдісны кыйсянногсӧ, быдторйысь ӧлӧдӧны. Кӧть эськӧ августын да октябрын правилӧяссӧ вӧлі вежыштӧма, зык-веныс эз лӧнь, быдӧн дорйис ассьыс видзӧдлассӧ.

БЫДТОР

Пиыс асьсӧ лыйӧма

Ыджыд шог суӧма Емдін сиктысь Болотовъяслысь семьясӧ.

40 арӧса Алексей Болотов ассьыс вӧралан ружьесӧ видзӧ вӧлӧм гортас сідз-тадз.

Кольӧм во арнас сійӧ меститӧма ружьесӧ диван улас. 16 арӧса пиыс тӧдӧ вӧлӧм та йылысь. Ноябрь 25 лунӧ сійӧ босьтӧма ружьесӧ да лыйӧма аслыс юрас.

И Дон кузя гуляйтӧ...

KM 13 1

Кулӧмдін районысь Донса школаӧ воӧма жӧ «оптимизацияыд». Сэтчӧс велӧдысьяс паныдӧсь, мый локтан восянь сиктас колясны сӧмын ичӧт классъяс. Мукӧдсӧ кутасны новлӧдлыны Кулӧмдінӧ. Велӧдысьяс чайтӧны, реорганизацияыд бурӧ оз вайӧд. Чина йӧзлӧн ышнясьӧмысь майшасьӧны и бать-мам.

—Мыйӧн чинаяс костын пансьӧ сьӧм видзтӧм йылысь сёрни, пыр жӧ оптимизацияӧн посйысьӧны. Ӧні миян челядь школаӧдзыс 5-10 минутӧн воӧдчӧны, а ковмас дас вит верст сайӧ лёк туйӧд ветлыны, — тшӧтясьӧмаӧсь бать-мам.

Тӧв нырӧн лэбзьӧны

KM 14 1

Чайта да, Выльгорт дорса эрдъясысь унаӧн казявлісны нин парашютӧн (кайтӧн) лым вывті исласьысьясӧс. И меным окота лоис тӧдмасьны накӧд, да и помка сюрис: неважӧн на Комиысь команда ветліс Россияса кык ордйысьӧм вылӧ.

Нарт вомӧн 560-ысь!

KM 25 1

Март 25-27 лунъясӧ Изьваын муніс национальнӧй спорт сикасъясын республикаса вермасьӧм. Ассьыныс вын-эбӧс-винёвлунсӧ петкӧдлісны Изьва, Мылдін, Кулӧмдін, Печора районъясысь матӧ ветымын спортсмен.

Первенствоын меддона наградаяс босьтісны изьваса.

Пытшкӧсса стража

KM 28 1

Март 25 лунӧ Сыктывкарын Куслытӧм би дорын муніс Россияса МВД-лысь пытшкӧсса войска котыртӧмсянь 205 во тырӧмлы сиӧм митинг. Памятник дорӧ чукӧртчылісны юркарса воинскӧй часьтысь салдат-офицеръяс, Чечняын да Дагестанын йӧзӧдлытӧм война вылын тышкасьысьяс, сэні усьӧмаяслӧн бать-мам.

наверх