Радио Юрган

Приёмная/факс: 8 (8212) 24-01-16

Электронный адрес:
smi-komimu@mail.ru

Адрес: 167982 Республика Коми, г.Сыктывкар, ул.Карла Маркса, д.229

Йитчыны миянкӧд

Skype пыр.

Связаться с нами

через Skype.

Коми йöзöдчан керка - № 13 (18214)

Бӧбӧ, бӧбӧ, кытчӧ ветлін?

khatanzeyskiy

Важӧнтӧ метеослужба эз вӧв да, йӧзыс приметаяслы ёна эскисны. Пӧль-пӧчлысь велӧдӧмсӧ тӧд вылын кутӧмӧн ми ӧні кыйӧдлывлам жӧ вӧр-ва бӧрся, но тшӧкыдджыка казявлам, мый олӧмыскӧд тшӧтш вежсисны и приметаяс...

Со ӧні ӧшинь улын тулыс ыджыдалӧ. Петавлам либӧ ывлаӧ да ворсам школаысь. Ме велӧдысь, а ті, правильнӧ, — велӧдчысьяс.

Стрӧитчысь дась! Ась?..

KM 1 1

Кольӧм вежонӧ миян редакцияӧ воис со татшӧм письмӧ.

Коми Республикаса

Юралысьлысь удж вӧчысь

С.А.Гапликовлы;

Коми Республикаса Каналан Сӧветӧн веськӧдлысь

Н.Б.Дорофеевалы;

Коми Республикаса велӧдӧм

да том войтырлӧн политика кузя

министрлысь удж вӧчысь

С.А.Моисеева-Архиповалы;

«Коми му» газетса шӧр редактор,

«Коми войтыр» ӧтмунӧмлӧн

правлениеӧ пырысь

Г.Ф.Хатанзейскийлы

ВОСЬСА ПИСЬМӦ.

Пыдди пуктана Сергей Анатольевич, Надежда Борисовна, Светлана Александровна да Григорий Фёдорович!

Ме, Михаил Анатольевич Казаков, Вылыс Максаковка посёлокын Сыктывкарса автомеханическӧй техникумлӧн филиалӧн веськӧдлысь, шыӧдча уджъёртъяс нимсянь тіян дорӧ да кора отсавны гӧгӧрвоны, мый вӧчсьӧ миян велӧдчанінкӧд бӧръя кадас.

АС СИНМӦН

KM 2 1

Кӧр видзысьӧн лоан?

Комиын бара босьтчасны велӧдны том йӧзӧс кӧр видзан уджӧ.

Та йылысь сёрни вӧлӧма Интаын республикаса правительствоӧн веськӧдлысьӧс вежысь Алексей Старцевлӧн юрнуӧдӧм улын чукӧртчылӧм дырйи, кӧні видлалӧмаӧсь республикаын кӧр видзӧм сӧвмӧдӧм кузя юалӧмъяс.

ОКОТА ЮАВНЫ

KM 2 4

Он тідлы, нёль во мысти тан йірас лоас град.

Республикаса видз-му овмӧс министерство юӧртӧ, нёль во мысти пӧ Емваын заводитас уджавны Комиын медся ыджыд тепличнӧй комплекс. 33 гектар вылын во гӧгӧр мӧдасны быдтыны 30 сюрс тонна помидор, ӧгуреч, лук турун да укроп-петрушка.

Сёрнитчӧма нин сьӧмӧн могмӧдысьяскӧд. «Строительно-монтажное управление «Краснодар» компания дась сетны проектсӧ олӧмӧ пӧртӧм вылӧ 9 миллиард шайт.

Эсканныд-ӧ ті, мый выль овмӧсыс збы-льысь кутас чӧсмӧдлыны республикаын олысьӧс донтӧм да бур вӧлӧгаӧн?

БЫДТОР

Ӧтуввез пыр «удж вылӧ»

Сыктывкарса ёрдын РФ-са Уголовнӧй кодексысь 228.1-ӧд статья вылӧ подуласьӧмӧн мыждӧмаӧсь наркотик вузавлӧмысь техникумын велӧдчысь 17 арӧса куим том мортӧс.

Кыдз тыдовтчӧма на вылӧ панӧм делӧсӧ туялігӧн, 2014 вося декабрын на пиысь ӧти ӧтуввез пыр «инасьӧма удж вылӧ» да босьтчӧма вузасьны дурмӧдчан сорасӧн. Недыр мысти сэсся и ассьыс кык тӧдсасӧ ыззьӧдӧма да куимӧн нин заводитӧмаӧсь олан керка подувъясын да мукӧдлаын гуся дзебасъяс пыр разӧдны наркотиксӧ, кодӧс налы кодкӧ сеталӧ вӧлӧм асьсӧ явиттӧг.

Став сьӧлӧмсянь... Сӧмын бур вылӧ...

KM 5 1

Тӧдмасьӧй: Светлана Валентиновна Волчкова — Изьва районса бурдӧдчанінысь I категорияа врач. Сылысь уджсӧ донъялӧма уна аттьӧалана гижӧд-почёт грамотаӧн...

А ӧд весиг Москвасянь волывлісны

KM 6

«Таво оз кутны рӧдмӧдны». Татшӧм ним улын петіс неважӧн «Коми му» газетын юӧр сы йылысь, мый «Кажым» ООО-са таво оз кӧсйыны рӧдмӧдны посёлокса ва видзанінас черисӧ. Кык во нин пӧ тайӧ овмӧссӧ, кыдз шуласны, рӧк сулӧма – чериыс пӧдӧ кислород тырмытӧм понда. Сэсся и колӧ пӧ стӧча тӧдмавны, оз-ӧ веськав ва видзаніныс сідз шусяна санитарнӧй зонаӧ.

Из гӧраӧ, Сабля дорӧ

KM 12 1

Сентябрын школаын велӧдчысьяс век гижӧны «Кыдзи ме коллялі гожӧм?» сочинение. Но ӧд гожся кындзи эмӧсь и арся да тӧвся каникулъяс. И тувсов. Гашкӧ, шуанныд, ӧти вежоннад пӧ нинӧм сэтшӧмсӧ он удит вӧчны, мый йылысь эськӧ позяс сэсся дыр казьтывны да сочинение на гижны. А ме тадзи ог чайт.

Водзӧ мӧда котравны лызьӧн

KM 19 1

Во сайын тулыснас жӧ ветлі Ыджыдвиддзӧ. Буретш сэні сэки муніс спортлы сиӧм «Лямпиада» ыджыд гаж. Шонді водзын сывны нин заводитӧм лызничаті котралісны-ордйысисны ар дас-дас кыка ныв-зон. Налысь панласьӧмсӧ сюся видзӧдісны сиктса олысьяс, гаж вылӧ волысь гӧсьтъяс. Кодсюрӧ на пиысь лэчыд, гора гӧлӧсӧн ыззьӧдісны финишлань гӧнитысь лыжникъясӧс.

Помнита на, видзӧдысьяс пӧвстысь ӧти нывбаба зэв нимкодьпырысь шуис, со пӧ миян выль Сметанина-Бажуковъясыд быдмӧны, он и тӧдлы, кыдзи кодкӧ на пиысь олимпийскӧй чемпионӧн лоас. Кӧсйи эськӧ вензьыштны аньыдкӧд, но сэсся сувтовкери. Чайта да, нывбабаыд оз нин сэтшӧм ёна и сорась, колӧкӧ, некымын во мысти збыльысь буретш тайӧ гӧньлалысьяс пӧвстысь кодкӧ да и шемӧсмӧдас миянӧс спортад гырысь вермӧмӧн. Нималана олимпиечъясыд ӧд асьнысӧ медводдзаысь петкӧдлісны школа-интернатын жӧ велӧдчигас, налы сэки сідзжӧ дас кык-дас нёль арӧс сӧмын на и вӧлі...

наверх