Радио Юрган

Приёмная/факс: 8 (8212) 24-01-16

Электронный адрес:
smi-komimu@mail.ru

Адрес: 167982 Республика Коми, г.Сыктывкар, ул.Карла Маркса, д.229

Йитчыны миянкӧд

Skype пыр.

Связаться с нами

через Skype.

Коми йöзöдчан керка - № 14 (18215)

Кывйӧй менам, мездысьӧй!

khatanzeyskiy

Тӧрыт, «Коми велӧдысь» конкурслӧн мӧд лунӧ, юркарса коми культура шӧринын котыртлісны сідз шусяна дебатъяс. Вермасьысьяс вензисны коми кыв да литература велӧдӧмын мытшӧд-сьӧкыдлун йылысь. Ӧти котырлы колӧ вӧлі эскӧдны: республикаын олысь бать-мамлы абу веськодь, мый налӧн ныв-пиыс велӧдӧны школаын комисӧ.

Шогмытӧмӧсь на туйясыс

KM 2 2

Кыдз вӧлі пасйӧма апрель 12 лунӧ республикаса парламентысь президиумлӧн заседание дырйи, вежон мысти асланыс мӧд сессия вылӧ коймӧдысь чукӧртчылігӧн Коми Госсӧветысь депутатъяс лӧсьӧдчӧны видлавны кызьысь унджык юалӧм, а сідзжӧ ӧтув мӧвпыштлыны туй овмӧсын мытшӧд-падмӧг венӧм йылысь.

АС СИНМӦН

KM 2 3

Вузасьысьыс эм, уджалысь колӧ

Август 18-19 лунъясӧ Комиӧ воласны Санкт-Петербургса да Ленинград обласьтса компанияясӧн веськӧдлысьяс.

Та йылысь сёрнитісны Рытыв-Войвыв кытшын Комилӧн представительствоын сэтчӧс промышленникъяскӧд аддзысьлӧм дырйи. Компанияясӧн юрнуӧдысьяс висьталісны, кутшӧм уджтасъяс найӧ вермасны вӧзйыны Комиын збыльмӧдӧм могысь.

Велӧдысьтӧ велӧдчысьыс нимӧдӧ

KM 3 1

Кык лун чӧж, апрель 12-13 лунъясӧ, Сыктывкарын ӧта-мӧдыскӧд асланыс сям-опытнас, уджас «гусяторъясӧн» юксисны коми кыв велӧдысьяс да кагульничаяс. Кӧть и конкурс вӧлі, ордйысьны коліс, но ордйысьӧмыс ёртасяна артмис, быдӧн зілис быдторйын отсавны ӧта-мӧдыслы.

Эм удж – состӧ пудж

KM 4 1

«Коми войтыр» ӧтмунӧмлӧн тавося съезд дырйи сиктсалӧн олӧм-вылӧм, талунъя мытшӧдъяс йылысь висьтасис Кӧрткерӧс районын «Важкуръя» видз-му овмӧсӧн веськӧдлысь Надежда Старцева. Паметьӧ йиджисны сылӧн сьӧлӧм чепӧльтана кывъясыс. Мися, кад лоӧ да нӧшта на аддзысьла аймулӧн аскиалун вӧсна тӧждысьысь тайӧ коми аньыскӧд. И со кольӧм вежонӧ слӧймылім шутёвтлыны Важкуаӧдз...

БЫДТОР

Шуӧма выльысь видлавны

Оланпас торкалӧмӧн йӧраӧс лыйысьяс, Печораын олысь Александр Андрошкин да Сергей Новиков веськалӧмаӧсь суд скамья вылӧ.

Кыйсьыны найӧ ветлӧмаӧсь кольӧмвося январь 29 лунӧ. А буретш тайӧ кадас оз позь вӧлӧм вӧравнысӧ, а сідзкӧ, и йӧраӧс лыйны колана кабалаыс абу жӧ вӧлӧма. Но Кӧджорӧмса вӧралан овмӧсын, Печора районса Чикшин посёлоксянь вит километрӧн лунвылынджык, Андрошкин да Новиков кы-йӧдӧмаӧсь да лыйӧмаӧсь энь йӧраӧс да тадзи вӧр-валы лёксӧ вӧчӧмаӧсь 200 сюрс шайт дон.

Кола кӧджын «Изьватас лун»

KM 13 2

Кола кӧджын ӧні олӧ сюрсӧн-джынйӧнысь унджык изьватас.

Апрель 9-10 лунъясӧ Мурманск обласьтса Ловозеро сиктын нуӧдісны «Изьватас лун» гаж.

Коми Республикаысь сэтчӧ ветлісны национальнӧй политикаса министр Елена Савтенко, «Изьватас» ӧтмунӧмӧн юрнуӧдысь Николай Рочев, Коми Республикаса народнӧй артист Василий Рочев, регионын олысь войтыръяслӧн Ёртасян керкаын уджалысь Василина Чупрова.

Гажсӧ восьтігӧн Елена Савтенко пасйис, мый «Изьватас» ӧтмунӧмлӧн Ловозероса юкӧн пуктӧ ыджыд пай коми войтырлысь культура видзӧмӧ.

Миян – шег, а налӧн – чуко

KM 13 4

Этножурналистика школаысь Коми юкӧнын велӧдчысьяс, на лыдын вӧліны и киргизкаяс, окотапырысь тӧдмасисны юркарын коми культура шӧринӧн.

Локтан воӧ – Сыктывкарын

KM 13 5

Апрель заводитчигӧн Петрозаводскӧ «Мисс студенчества Финно-Угрии-2016» конкурсын Коми Республикалысь нимсӧ дорйыны ветлісны Анастасия Васильева да Мария Юшкова.

Кор киад босьтан важ снимок...

KM 21 1

Кулӧмдін районса Дереваннӧйӧ ме унаысь нин волі, но сэтчӧс шӧр школаӧ мыйлакӧ некор эг слӧймыв кежавны. И век жӧ бӧръяысьсӧ сиктӧ волігӧн мойвиис пыравны сэтчӧ. Челядькӧд варовитігӧн тӧдмаси и татчӧс ӧткымын педагогкӧд.

История велӧдысь Леонид Степанович Нестеров вӧзйис меным, вай пӧ пыралам школаса музейӧ, петкӧдла экспонатъяс, кодъясӧс ми чукӧртам 35 во нин.

Аслам нэмын уна школаса музейӧ кежалі, но татчӧсыс вӧрзьӧдіс сьӧлӧмӧс. Со стеклӧ улын меститӧмаӧсь салдат фляжка да запалтӧг «лимонка». Кыз стеклӧ улысь жӧ позьӧ казявны салдат пӧрт да важ рация коляс, люменьысь вӧчӧм тасьті-пань, патрон гильзаяс, кодъясӧс Леонид Степанович аслас быдтасъясыскӧд вайӧмаӧсь Ленинград дорса сідз шусяна Невскӧй пятачокысь, кӧні уна во сайын мунлісны вир кисьтана косьяс.

Торйӧн нин дыр сулалі Дереваннӧйса фронтӧвикъяслы сиӧм стенд дорын. Важ фотографияясыд унатор йылысь вӧлӧм кужӧны висьтавны.

наверх