Радио Юрган

Приёмная/факс: 8 (8212) 24-01-16

Электронный адрес:
smi-komimu@mail.ru

Адрес: 167982 Республика Коми, г.Сыктывкар, ул.Карла Маркса, д.229

Йитчыны миянкӧд

Skype пыр.

Связаться с нами

через Skype.

Коми йöзöдчан керка - № 15 (18216)

Путин мед отсалас

khatanzeyskiy

Апрель 7 лунӧ ми йӧзӧдлім «Стрӧитчысь дась! Ась?..» гижӧд. Вылыс Максаковкаын Сыктывкарса автомеханическӧй техникумлӧн филиалӧн веськӧдлысь Анатолий Казаков норасис миянлы, регыд пӧ республиканым вермас кольны тайӧ велӧдчанінтӧгыс, кодсюрӧ пӧ окотитӧны сійӧс пӧдлавны да кольны квайтымынысь унджык мортӧс уджтӧг.

ОКОТА ЮАВНЫ

KM 2 4

Кыдзи юӧртлім нин, Комиын тыр ӧдӧн мунӧ  праймериз. Республикаын олысьяслӧн эм позянлун  водзвыв гӧлӧсуйтӧмӧн  ошкыны регионса юралысьӧ  да депутатӧ  нырччысьясӧс. А татшӧмыс, кыдз тыдовтчӧ, абу этша.

А ті  кыдзи чайтанныд, эм татшӧм праймеризсьыс бӧрйысьысьлы тӧлкыс? Али сӧмын власьт тшупӧдӧ  нырччысь политикъяслы кивыв тадзи ворсӧдчынысӧ?

Козйӧ-козйӧ, мый сулалан?..

KM 3 1

Таво гожӧмнас вӧр пӧрӧдысьяслы ёна и ковмас пӧсь кисьтны! Юаланныд, мый ради? Эм,  эм помкаыс!..

Июнь 16-18 лунъясӧ Сыктывкарын мунас «Вӧр пӧрӧдысь-2016» ставроссияса чемпионат. Та йылысь пресс-конференция дырйи юӧртісны вермасьӧмсӧ котыртысьяс. На пиысь ӧти – «Центр-лесэкспо» компанияса генеральнӧй директор Тимур Иртуганов – журналистъяслы висьтасигӧн пасйис, мый чемпионат нуӧдӧм вӧсна «тышкасисны» Вологда обласьт да Коми Республика. Но кольӧм во помын республикаса Юралысьлысь удж вӧчысь Сергей Гапликовлӧн Россияса лесопромышленникъяслӧн да вӧр экспортируйтысьяслӧн союзӧн веськӧдлыськӧд аддзысьлӧм бӧрын вермис Коми.

Эм удж — состӧ пудж

KM 4 1

(Заводитчӧ газетлӧн апрель 14-ӧд лунся номерын.)

—2008 воын, кор ньӧбим тайӧ импортнӧй техникасӧ, ми, районса видз-му овмӧсъясӧн веськӧдлысьяс, ветлім Германияӧ, медым тӧдмасьны сэтчӧс оласногӧн. Ӧтитор налӧн эз кажитчы — зэв гажтӧма олӧны. Но кыдзи налӧн уджыс котыртӧма! Дивуйтчим сӧмын...

БЫДТОР

Ылӧга сьӧмӧн мынтысьӧмаӧсь

Колонияӧ ковмас мунны Сыктывкарысь Николай Карповлы да Абасгулу-оглы Щадлински Шахинлы, кодъяс ылӧга сьӧм вылӧ сяммӧмаӧсь ньӧбны дона смартфон.

Кыдз тыдовтчӧма на вылӧ панӧм уголовнӧй делӧсӧ туялігӧн, 2014 вося ноябрын Николай Карпов ньӧбӧма кодлыськӧ вит сюрса сизим ылӧга банкнот. Сэсся сёрнитчӧма аслас тӧдса Щадлинскикӧд ӧтвылысь инавны тайӧ «сьӧмсӧ».

«Евросеть» лавкаын квайт банкнот вылас ньӧбӧмаӧсь смартфон. А бӧръянас мынтысьӧмаӧсь Лесозавод микрорайонын сёян-юанӧн вузасян магазинын, кӧні ньӧбӧмаӧсь 500 шайт дон вӧлӧга. Ылӧга вит сюрсасьыс сдачасӧ налы сетӧмаӧсь, дерт, збыль сьӧмӧн.

Комиӧн чолӧмалӧны-вочаалӧны

KM 12 1

Паськыд Ямаллӧн тундра-вӧра, паськыд юяса пельӧсъясті ветліг-мунігӧн паныдасьлі уна войтыркӧд, тшӧтш и коми кывъякӧд.

Удж кузя медводз, дерт, пыравла сиктса администрацияӧ. Ӧдзӧсысь гижӧд лыддигӧн пырджык медводз казялан Комиын паськалӧм ов. Позьӧ неыджыд кывкӧртӧд вӧчны: нэм сайын Из сайӧ мунлӧм изьватаслӧн внук-внучка водзӧ нуӧдӧны налысь писькӧс, зумыд да уджач этшсӧ. Куим юрсиктын, кӧні ме вӧлі февраль-мартын, вочаалісны менӧ, Сыктывкарысь воӧмаӧс, комиӧн чолӧмалӧмӧн.

Пера-багатыркӧд – ош кыйны

KM 1

Сыктывкарын И.Куратов нима педколледжын кольӧм вежонӧ муніс «Пера-багатыр» конкурс, кодӧс дасьтӧма велӧдчанінсьыс национально-культурнӧй шӧрин. Ордйысьӧмсӧ котыртны шуӧмаӧсь коми культура да кыйсян традицияяс водзӧ сӧвмӧдӧм могысь.

«Пера-багатыр» ним вӧсна вермасис вит зон: П.Сорокин нима Сыктывкарса университетысь да вӧр институтысь студентъяс Вадим Семяшкин да Михаил Канев, И.Куратов нима педколледжын велӧдчысьяс Иван Фучик да Пелагий Рочев, юркарса коми культура шӧринын зільысь Андрей Габов (снимок вылын).

Ветлі Чернобыльӧ «шойччыны»

KM 20 1

1987 вося декабрь 21 лунӧ сёр рытын пыри гортӧ. Посни челядь да гӧтыр чуймисны — порог вомӧн пӧ воськовтіс кутшӧмкӧ военнӧй!

Шыасьӧм бӧрын сэсся уськӧдчисны кутлыны-окавны менӧ. А гӧтырӧй ӧшӧдчис сьылі вылӧ да гораа лыддьӧдлӧмӧн бӧрддзис: «Тэ кор Чернобыляд ветлін, менӧ совхозса чинаяс йирисны. Дояркаӧн уджалі да куим тӧлысьнас, пока эн вӧв, сідз ни ӧти шойччан лун эз и сетлыны. Тэ пыдди пӧ верӧсыд кӧнкӧ шойччӧ! Бур, пӧдругаӧй мездывліс — гусьӧник лэдзлывліс гортӧ. Аттьӧ сылы!..»

Кутлысьӧм-окасьӧм бӧрын пӧрччи-кули вывсьым салдат паськӧмӧс, кодӧн Чернобыляд ветлӧдлі, петкӧді ывлаӧ. Бӧрас нуи совхоз му вылӧ да соті...

А кыдзи нӧ менам артмис Чернобыльын «шойччӧмыс»? Час, висьтала, кывзӧй...

ДЖЕНЬЫДА

KM 21 1

Тэрыба уйисны

Сыктывкарса «Орбита» микрорайонын вӧлі инвалид-варччысьяслӧн Коми Республикаса первенство.

Наградаяс вӧсна венласисны Сыктывкарысь, Усинскысь, Воркутаысь, Печораысь, Кӧрткерӧсысь, Луздорысь спортсменъяс. Ставыс петаліс 125 варччысь.

наверх