Радио Юрган

Приёмная/факс: 8 (8212) 24-01-16

Электронный адрес:
smi-komimu@mail.ru

Адрес: 167982 Республика Коми, г.Сыктывкар, ул.Карла Маркса, д.229

Йитчыны миянкӧд

Skype пыр.

Связаться с нами

через Skype.

Коми йöзöдчан керка - № 19 (18220)

Нач политика

khatanzeyskiy

Бӧръя лунъясӧ ӧтуввез сайтъясын сярвидзӧ шемӧсмӧдана выльтор: Коми Республика — Россияын медводдза регион, коді пӧ йӧзӧдіс чужан кыв вылас да рочӧн сьӧмкуд йылысь юӧр.

Вужвойтырлӧн серъясӧн

KM 1

Кысьысьяс Светлана Турова да сылӧн Сергей верӧсыс босьтӧмаӧсь Россияса асшӧр уджалысьяслӧн социальнӧй уджтасъяс конкурсын медводдза места. «Югыд-арт» проектӧн найӧ зільӧны видзны коми культура да традиция, паськыда тӧдмӧдны наӧн том войтырӧс. Ӧд кыӧм кӧлуйсӧ баситӧны-мичмӧдӧны вужвойтырлӧн серъясӧн.

АС СИНМӦН

KM 2 1

Уна челядяӧс нимӧдам

Комиысь уна челядя медбур квайт семьяӧс пасйӧма таво республикаса правительстволӧн сьӧма премияӧн.

На лыдын Емдін районысь Дунайчикъяс, Сосногорскысь Рудаковъяс, Луздорысь Лихачёвъяс, Сыктывкарысь Голеневъяс, Княжпогост районысь Белей-Сенюковъяс, Ухтаысь Андреевъяс.

ОКОТА ЮАВНЫ

KM 2 4

Сыктывкарса «Строитель» клублӧн эм спонсор. Мача хоккейӧн ворсысьясӧс сьӧмӧн могмӧдны «вӧзйысис» Зеленечса чипан фабрика. Та йылысь сёрнитчӧмсӧ кырымалісны Комиысь правительство, чипан фабрикаӧн да спортклубӧн веськӧдлысьяс.

Окота юавны: абу-ӧ кад вежны «Строительлысь» нимсӧ? Со баскетболӧн ворсысьяслӧн «Зыряночка» кольӧм во лоис «Никаӧн», да клубса мӧдісны шедӧдны вермӧмъяс...

А «Пятёрочкалы» — «неуд»

KM 3 1

Сыктывкарын Коммунистическӧй уличаса 65-ӧд номера керкаын олысьяслӧн  мытшӧдъяс йылысь ми гижлім нин асланым газетын (видзӧдӧй «Коми мулысь» кольӧмвося 37 №-а петас). Сэтчӧс войтыр вӧлі юрас кутчысьӧмаӧсь «Ассорти» лавкакӧд суседалӧмысь. 2013 воын вузасянінас сувтӧдӧмаӧсь выль холодильникъяс, керка ортсы стенас ӧшлӧмаӧсь ён кондиционеръяс, и первой подъездын олысьяс быттьӧ ад пӧртйӧ веськалӧмаӧсь. Лун и вой увгӧма быт техника, клёнгӧма тӧвар лэпталан лифт, жургӧма груз новлӧдлан машина...  Кремльӧ кындзи кытчӧ сӧмын абу шыӧдчылӧмаӧсь пикӧ воӧмаясыд! Ен дорӧ и быдсӧн... Ӧд татшӧм олӧмнад весиг медъяр атеистыс плеш поткӧдмӧныс юрбитны вувзьысяс.

И сё дивӧ! Кодкӧ сэні енэжас збыльысь кылӧма йӧзыслысь синва сорӧн кевмысьӧмсӧ, да  таво заводитчигӧн «Ассортиыд», кыдзи и юркар пасьталаын, Ухтаын, Микуньын татшӧм жӧ нима 39 мукӧд лавкаыс, пӧдласис. Миян геройяс кокниа ышлолыштісны – вермим пӧ! Но нимкодясьнытӧ эз дыр мойви. Мойдын моз гундырлӧн кералӧм юр пыдди здукӧн мыччысис мӧд... Воддза дорсьыс на мисьтӧм да скӧр.

Гуленьыд енэжӧ кайлӧма

KM 4 1

Май 12 лунӧ Самуил Маршак нима библиотекаын нимӧдісны Каллистрат Жаковлӧн «Гулень на небе» мойд серти коми кыв вылын мультфильм. Сійӧс дасьтӧмаӧсь республикаса национальнӧй политика министерстволӧн «Коми культура йылысь мультфильмъяс» уджтас серти да сиӧмаӧсь К.Ф.Жаковлӧн чужӧмсянь 150 во тырӧмлы.

Из сайысь Нагибинъяс

KM 12 1

Колваса тундра шӧрын сулалӧ-лолалӧ Белоярск сикт. Обь юбокса джуджыд кыр йылӧ панлӧмаӧсь сійӧс.

Белоярскыс Приуральскӧй районса Аксарка шӧрсиктсянь (ненеч кывйысь кӧ вуджӧдны – «руч олан гу») нелямын вит километр сайын. Ямал-Ненеч кытшыд ыджыда паськӧдчӧма, да сэтчӧс сиктъяссӧ йитӧны тӧвся туйяс, ичӧт да гырысь юяс.

Тӧвся туйӧд и мӧдӧдчим ми Белоярскас. Лым вывті ветлыны вермӧны сӧмын вына машинаяс, «Ямаха» снегоходъяс. Выль «УАЗ-Патриотным» буксуйтӧмсорӧн нуис миянӧс ылі сиктӧ. Ӧтарысь и мӧдарысь лэбзьывлісны еджыд байдӧгъяс. Гуран-мылькыс эз сет лӧня пукавны да сюся кывзыны нывбаба-ёртъяслысь сиктса олӧм-вылӧм йылысь висьтасьӧмсӧ. Но туйын на ме тӧдмалі, мый бурджык олӧм корсигӧн коми-изьватас волӧмаӧсь Урал из сайӧ да овмӧдчылӧмаӧсь Колваса тундраӧ. Кӧр видзысьясӧс чужан муаныс нимтӧмаӧсь «кулакъясӧн» да найӧ веськӧдчӧмаӧсь Сира ю бокӧ. Сы вӧсна миянлы, комияслы, сиктас зэв уна ас ов: Рочев, Вокуев, Витязев, Филиппов, Ануфриев, Канев, Терентьев.

И бӧрынджык Комиысь петӧм войтырлы тайӧ местаясыс сідзжӧ волӧмаӧсь сьӧлӧм вылас. Туйӧ петтӧдз на ме тӧді, мый Петруньса рӧдвуж боксянь Белояр-скын олӧ и миян рӧдня. Накӧд и тӧдмӧда «Коми му» газет лыддьысьясӧс.

Син водзын быдмӧны-верстяммӧны

KM 21

Кӧрткерӧсысь челядьлӧн да том йӧзлӧн 2 номера спортшколаса Пӧдтыбок юкӧнысь инструктор-методист Ольга Бутиковакӧд тӧдмасим юрсиктын, кытчӧ сійӧ вайӧма вӧлі ассьыс быдтасъяссӧ.

—Кӧрткерӧсӧ сувтім «лагерӧн». Тані, ДЮСШ-ын, узьлам и олам. Тасянь жӧ ветлывлам Сыктывкарӧ, кӧні тайӧ лунъясӧ заводитчис мини-футбол кузя ордйысьӧм. Карад сьӧмыд уна мунӧ да, та вӧсна и «поздысим» татчӧ. Миян нывкаяс да зонкаяс абу лябӧсь, спартанечьяс моз олӧны, нинӧм вылӧ оз элясьны, —пансис сёрниным.

—Тані узьланныд да оланныд? Тасянь жӧ и Сыктывкарӧ быд лун ворсны ветланныд?! — бара на шензя.

—Дерт жӧ, — тӧдчӧдіс мекӧд сёрнитысь. — Со талун час мысти мӧдӧдчам Сыктывкарӧ, ворсам сэні кык матч, а рытнас бӧр локтам юрсиктӧ.

—Дыр-ӧ тані тадзсӧ кутанныд овны?

—Вежон чӧж. Кытчӧдз оз помась юркарын ордйысьӧмыс...

Ловъя кывйӧн, восьса лолӧн

KM 22

Май дас ӧтиӧд лунӧ Сыктывкарса шойччан да киноасян «Октябрь» шӧринын котыртлісны Коми Республикаса поэтъяскӧд «Ловъя кыв» арт-чукӧртчылӧм. Том йӧзкӧд сёрнитны волісны нималана гижысьяс Галина Бутырева, Александр Суворов, а сідзжӧ ме, Олег Уляшев.

Войвывса торнадо

KM 23 1

Кӧрткерӧсысь Инна Иноземцева шӧр больнича дорысь снимайтӧма мобильнӧй телефон камера вылӧ... торнадо. Шӧр туй кузя локтӧ пӧ вӧлі мусянь енэжӧдзыс качӧм бус сюръя...

Кыдзи висьталіс Инна Иноземцева, тайӧ тӧв нырсӧ сійӧ аддзылӧма май 8 лунӧ. Керка йӧрас сэки семьянас пелькӧдчӧмаӧсь. Друг ывлаыс пемдӧма, тӧвзьысьӧма. Ань казялӧма, мый матыстчӧ кык смерч. Ӧтиыс веськӧдчӧма совхоз овмӧслань, а мӧдыс мир туй кузяыс пыр водзӧ мунӧма.

наверх