Радио Юрган

Приёмная/факс: 8 (8212) 24-01-16

Электронный адрес:
smi-komimu@mail.ru

Адрес: 167982 Республика Коми, г.Сыктывкар, ул.Карла Маркса, д.229

Йитчыны миянкӧд

Skype пыр.

Связаться с нами

через Skype.

Коми йöзöдчан керка - № 2 (18203)

Грекӧвӧйтысьяс

khatanzeyskiy

Войдӧрлун удж вылӧ вои да, директор асывсянь кайтіс: ветлам пӧ вежӧдӧм ваын купайтчыны! Ме сылы шмонитӧмсорӧн и вочавидзи: мися, татшӧм водзсӧ сӧмын грека войтыр суналӧны, мукӧдыслы рытъя кад урчитӧма.

Отсав, Енмӧй, да видз…

KM 1

Январь 19 лунӧ православнӧйяс пасйисны Ва вежӧдан лун.

Енлы эскысьяс ветлісны йӧрдан дорӧ, медым босьтыштны сьӧрсьыныс вежа ва, а медся повтӧмъясыс весиг пыралісны кӧдзыд ваӧ.

И татшӧмыслӧн лыдыс воысь-во содӧ, пыр унджыкӧн окотитӧны ёнмӧдны вир-яйсӧ да сӧстӧммӧдны ловсӧ. Йӧзлӧн шуӧм серти, тайӧ лунӧ пӧ весиг гӧптын ваыс вежа.

И небӧгыс эм. И пӧсь сёяныс

KM 2 1

Поёл сиктса школаын челядьӧс велӧдӧм кузя талун некутшӧм мытшӧд-падмӧг абу. Та йылысь Коми Республикаса Юралысьлысь удж вӧчысь Сергей Гапликовлы юӧртіс регионса правительствоӧн веськӧдлысьӧс вежысь Тамара Николаева.

АС СИНМӦН

KM 2 2

Кольӧм во Луздор районын олысь бать-мамтӧм ныв-зонлы вичмӧдӧмаӧсь 24 патера.

Кызвыныс юрсиктын, Октябрь уличаса выль керкаын. Сійӧс кыпӧдӧмаӧсь мӧйму жӧ. Томуловлы кык патера сетӧмаӧсь Леткаын.

Эскӧны кӧ йӧзыс

KM 3 1

Игорь Николаевич Истомин – уна челядя бать. Гӧтырыскӧд, Вера Арсентьевнакӧд, быдтӧны-велӧдӧны куим челядьӧс. 22 арӧса Николай пиыс велӧдчӧ Петрозаводскса консерваторияын, 17 арӧса Татьяна нылыс локтан воын помалас шӧр школа, а вит арӧса Ирина детсадйӧ на котралӧ...

Игорь Николаевич нёльӧд во юрнуӧдӧ Изьва сиктса администрацияӧн.

ОКОТА ЮАВНЫ

KM 2 5

Ва вежӧдан лун пасйим. Кыдзи и быд во, январь 19 лунӧ республика пасьталаын олысьяс вель унаӧн йиа йӧрданӧ пыралісны.

А ті суныштлінныд жӧ вежӧдӧм ваас? Мый могысь нӧ?

Февральсянь содас. Но оз ставлы

KM 6

Олӧмыс ӧтарӧ сьӧктаммӧ да, Россияса правительствоысь чинаяс восьсӧн нин юрнысӧ жуглӧны, кыдзи да мый вылын видзтыштны сьӧмсӧ, мед «кок йылын кутчысьны». И аддзӧны ӧд та могысь позянлунсӧ. Жаль, но тшӧтш и сідз нин сьӧкыда олысьяс, на лыдын и пенсионеръяс, торйӧн кӧ, налысь пенсия индексируйтӧм весьтӧ.

Бӧръя кадӧ «Коми му» газет лыддьысьяс пиысь вель нин унаӧн шыӧдчылісны редакцияӧ юалӧмӧн, содтыштасны оз таво олӧма йӧзлы пенсиясӧ. Такӧд йитӧдын юалӧмъясӧн шыӧдчылім Коми Республикаын Россия Федерацияса Пенсия фондлӧн юкӧнысь отделӧн веськӧдлысь Ирина Гаврилова дорӧ.

БЫДТОР

Быть коланаыс абу

Кулӧмдін районса прокуратуралӧн шыӧдчӧм серти Коми Республикаса арбитражнӧй суд шуӧма перйыны «Бонанза» ООО-лысь 40 сюрс шайт штрап.

Ёрдӧ шыӧдчытӧдзыс районса прокуратураын зільысьяс донъялӧмаӧсь, кыдзи Кулӧмдінын «Бонанза» ООО-лӧн аптекаын могмӧдӧны сиктса олысьясӧс. И тыдовтчӧма, мый сэні абуӧсь бисакодил, клотримазол да гидрокортизон препаратъяс, кодъясӧс пыртӧма йӧзлы медицина отсӧг сетӧм могысь быть колана лекарство лыдӧ.

Россия Федерацияса КоАП-ысь 14.1-ӧд статья вылӧ подуласьӧмӧн прокуратура панӧма «Бонанза» ООО вылӧ административнӧй кывкутӧмӧ кыскӧм кузя делӧ да сійӧс мыждӧм могысь шыӧдчӧма судӧ.

Эжва йылӧ — сьӧлӧм гажла

KM 12 1

Василей лунӧ сьӧлӧм гажла ветлі Кулӧмдінӧ. Ӧнія коми сьыланкывлысь тайӧ фестивальсӧ таво кызь коймӧдысь нин сэні нуӧдісны.

Конкурс вылӧ Кулӧмдін, Сыктывдін, Сосногорск, Койгорт, Луздор, Мылдін, Удора районъясысь, Сыктывкарысь, Интаысь, Воркутаысь композиторъяс вӧзйӧмаӧсь вӧлі 36 сьыланкыв. Дас нёльсӧ на пиысь жюри шуӧма петкӧдлыны фестиваль вылас.

наверх