Радио Юрган

Приёмная/факс: 8 (8212) 24-01-16

Электронный адрес:
smi-komimu@mail.ru

Адрес: 167982 Республика Коми, г.Сыктывкар, ул.Карла Маркса, д.229

Йитчыны миянкӧд

Skype пыр.

Связаться с нами

через Skype.

Коми йöзöдчан керка - № 21 (18222)

Пыр нин гаж

khatanzeyskiy

Тӧрыт мир пасьтала пасйим челядьӧс доръян лун. А ме челядьдырӧс ассьым казьтышті, талунъя посниулов вылӧ видзӧдлі да окота лои шыӧдчыны на дінӧ, кодъяс татшӧм гажъяссӧ думыштӧны, ӧти вӧзйӧмӧн — лӧсьӧдны тшӧтш и Челядьысь видзчысян лун!..

Ичӧтӧн ме адӧй вильыш вӧлі. Зэв ёна радейті видзӧдны «Эмиль из Лённеберги» сериалтӧ да, гашкӧ, сійӧн... Астрид Линдгрен быттьӧ ме йылысь и гижӧма...

Туй дзоньтавны и оланін кыпӧдны

KM 2 2

Кызьысь унджык юалӧм лӧсьӧдчӧны видлавны Коми Госсӧветысь депутатъяс июнь 9 лунӧ асланыс мӧд сессия вылӧ нёльӧдысь чукӧртчылігӧн, на лыдын регионса Юралысьӧс кадысь водз да ӧти мандата Рытыв да Лунвыв  кытшъясын квайтӧд созывса Коми Госсӧветӧ содтӧд депутатъясӧс бӧрйӧм, опека да попечительство учреждениеяслысь уджсӧ бурджыка котыртӧм кузя да мукӧд.

АС СИНМӦН

KM 2 3

Таво зарни босьтам?

Комиысь спортсменъяс дасьтысьӧны став Россияса 11-ӧд гожся сиктса ордйысьӧм кежлӧ, коді мунас таво июль 15-21 лунъясӧ Саратовын. Виччысьӧны сэні 2.300 гӧгӧр мортӧс.

ОКОТА ЮАВНЫ

KM 2 6

Войдӧрлун пасйим куритчӧмкӧд мир пасьтала тышкасян лун. А таӧдз Госдумаса ӧткымын депутат вӧзйисны дзикӧдз ӧлӧдны уличын куритчӧмысь.

Ошканныд-ӧ ті тайӧ водзмӧстчӧмсӧ?

Туйыс абу да, он на и сибав...

KM 3 1

Кольӧм вежонӧ республикаса Госсӧветын нуӧдісны Депутатлысь лун. Май 26 лунӧ чинаяс ветлісны Вылыс Максаковкаӧ, медым тӧдмавны, кыдзи могмӧдӧны керка кыпӧдӧм улӧ муӧн уна челядя семьяясӧс. И тыдовтчис, мый уна на мытшӧд виччысьӧ найӧс, кодъяс босьтчӧмаӧсь лэптыны ассьыныс керка Шордор-2 микрорайонын.

Чина водзын копрасьны лоӧ

KM 4

Чилимдін районын войнаса ловъя ветераныс куим нин и эм. Матвей Дмитриевич Шишеловлы 88 арӧс. Воясыд, дерт, оз томмӧдны, но ловнас олӧма морт збодер на.

Ӧти вевт улын мед коляс...

KM 11 1

Ен мам да Зарни ань – пуысь вӧчӧм енъяс сулавлӧмаӧсь коркӧ Кулӧмдінса вичкоын. Эскӧм дзескӧдан воясӧ жуглӧм-сотӧмысь найӧс видзӧмаӧсь вӧралысьяс. Дзикӧдз нин топӧдны кутӧмаӧсь да, сетӧмаӧсь Николай Анисимович Игнатовлы, тэ пӧ районса шӧрсиктсянь ылын олан да, гашкӧ, тэ дорӧдз оз воӧдчыны, оз мырддьыны пу енъяссӧ. Николай Анисимович дзебас найӧс вӧр керкабердса тшамъяын, Помӧсдінсянь нелямын километр сайын. Некодлы та йылысь кыв ни джын оз висьтав, кувсьӧм водзас сӧмын 1943 воын восьтас гусяторсӧ дас кык арӧса внукыслы:

–Мишӧ, вӧр керкаын дзебӧма менам вичко кӧлуй. Кадыс вежсяс да, бергӧд найӧс йӧзыслы...

Лачалӧн алӧйгӧрд дзоридз

KM 12 1

Дзоридзьяс, ок, ёна радейтысь Сагида Насиповналӧн ӧшинь дорын быдмӧ эсхинантус. «Первойысь татшӧмсӧ ме аддзи, кор батьӧ козьналіс медводдза небӧг...»

Сагидаӧс батьыс дзолясянь туйдіс: «Лыддьысь, нылукӧй, уна лыддьысь, велӧдысьӧн лоан. Велӧдысьяс — пыдди пуктана войтыр. Уджыд быдлаын шедас, дай пыр лоан пӧт...»

«...Алӧй дзоридз сулалӧ менам ӧшинь дорын, — висьтасьӧ Сагида Насиповна. — Дзик жӧ сэтшӧм, кутшӧм йылысь мӧвпаліс менам медводдза небӧгын купечлӧн медічӧт нылыс. Тайӧ дзоридзыс козьналіс сылы гуся кӧсйӧмъяслӧн збыльмӧмлы лача. И менам унатор жӧ збыльмис! Пионеръяслӧн алӧй галстукъяс, горнъясын гӧрд флажокъяс... Тайӧ вӧлі торъя мир, менам мир, дзулькйӧн пуысь, гора, уна нока, но век гажа да том...»

Жар Бразилияӧ —медальла

KM 21 1

Август 5-21 лунъясӧ Бразилияын мунасны гожся олимпийскӧй ворсӧмъяс. Спортлӧн медтӧдчана праздник вылас ветласны и Россияысь атлетъяс. Ми, спорт радейтысьяс, ӧні нин сьӧлӧм тіпкӧмӧн виччысям сійӧ шуда здукъяссӧ, кор Рио-де-Жанейроса «Маракана» стадион вылын ыпнитас Олимпиадалӧн яръюгыд биыс.

И кутам лача, миян спортсменъяс оз лоны тайӧ ыджыд гажсьыс бокынӧсь да став вын-эбӧссӧ сетасны медальяс вӧсна жар тыш-косьын.

Гижлім нин, мый олимпийскӧй ворсӧмъяс вылӧ ветлас Коми Республикаысь быдтас, варччысь Александр Сухоруков. Миян зонлы оз кокни ло ордйысьны медальяс вӧсна: ӧти-кӧ, сійӧ — арлыда нин спортсмен, а, мӧд-кӧ, роч варччысьяс воысь воӧ жебмӧны да некыдз оз вермыны воӧдчыны финишӧдз призёръяс лыдын...

Но Бразилияӧ ветлыны шудыс нюмъёвтіс эз сӧмын Александр Сухоруковлы. Кольӧм лунъясӧ лоис тӧдса, мый Рио-де-Жанейроӧ ветлас ордйысьны-венласьны Комиысь нӧшта ӧти спортсмен, боксёр Владимир Никитин.

наверх