Радио Юрган

Приёмная/факс: 8 (8212) 24-01-16

Электронный адрес:
smi-komimu@mail.ru

Адрес: 167982 Республика Коми, г.Сыктывкар, ул.Карла Маркса, д.229

Йитчыны миянкӧд

Skype пыр.

Связаться с нами

через Skype.

Коми йöзöдчан керка - № 32 (18233)

Чужан лунӧн, республика!

KM 2 1

Дона ёртъяс!

Таво миян Коми Республикалы тырӧ 95 во. Чолӧмала юбилейӧн

регионын олысьясӧс да гӧсьтъясӧс!

Мортлӧн олӧм серти кӧ артавны, ӧк-мысдас вит воыд — зэв ыджыд кадколаст. Коми Республикалы эм мыйӧн гӧрдитчыны: культураӧн и историяӧн, озыр му-ваӧн, вӧрзьӧдлытӧм вӧрӧн да сӧстӧм ю-тыясӧн, кӧні олӧ уна сикас пемӧс-лэбач, сӧвмӧм промышленносьтӧн, наукаын, экономикаын гырысь позянлунъясӧн, и, дерт жӧ, йӧзӧн.

Миян муным озыр енбиа войтырӧн, республиканым сетіс Россиялы да мирлы эз этша нималана учёнӧйӧс, гижысьӧс, спортсменӧс, культураын зільысьӧс. И ӧні миян регионын олӧны уджач, сям-киподтуя, водзмӧстчысь йӧз, кодъяс сьӧлӧмсяньыс радейтӧны ассьыныс мусӧ да дасьӧсь вын-эбӧс жалиттӧг уджавны республикаын бурджык аскиа лун вӧсна.

Сьӧлӧмсянь сиа быдӧнлы крепыд дзоньвидзалун, шуд, тыр-бур олӧм! Выль вермӧмъяс миян муса республикалы, водзӧ сӧв-мыны-дзоридзавны, и мед воысь воӧ сійӧ лоис мичаджык, озыр-джык!

Праздникӧн, ёртъяс!

С.А.Гапликов,

Коми Республикаса Юралысьлысь удж вӧчысь.

АС СИНМӦН

KM 3 1

Школаӧ — бур туйӧд

Сосногорск районса Войвож посёлокын лӧсьӧдӧны выль сквер. Шойччан лабичьяса аллеяыс лоас посёлокса культура керка дорын. Та могысь став коланасӧ вӧчасны уджтӧмалысьяс.

ОКОТА ЮАВНЫ

KM 3 4

Таво август 22 лунӧ Коми Республикалы тырӧ 95 во.

Ыджыд кадколаст лои вуджӧма, уна мытшӧд-сьӧкыдлун венӧма, но эм миянлы и мый бурсӧ казьтыштны.

А тіян видзӧдлас серти, Коми мулӧн историяын кутшӧм лоӧмторъяс медся тӧдчанаӧсь да мӧрччанаӧсь миян республикалы, тані олысьяслы?

Кӧсйисны, да несйисны...

KM 4 1

Кольӧм вежонӧ Кӧрткерӧс районса Ыджыдвиддзын сёрни-тісны, кытчӧ инавны дзолюкъясӧс, сиктас детсадйыс абу да. Йӧзкӧд аддзысьлісны районса администрацияысь да велӧдан юкӧнысь чинаяс.

Бара пузувтӧмаӧсь

KM 4 2

Кольӧм вежонӧ редакцияын триньӧбтіс телефон. Шыасис Сыктывкарын олысь нывбаба, элясис, Димитров улича вылын пӧ 46-ӧд, 50-ӧд, 52-ӧд керкаяс дорын пузувтӧмаӧсь ӧшинь увсӧ: жуглӧмаӧсь ветлан туйсӧ, пӧрӧдӧмаӧсь гоз-мӧд пу, челядь ворсанінӧ кисьтӧмаӧсь лыа-из. Нывбаба эскӧдіс, миянлы пӧ некод нинӧм эз висьтавлы та йылысь, гашкӧ, выль керка лэптыны кӧсйӧны да.

А тӧданныд, мый...

KM 10 1

KM 10 2

Коми дӧрапаслӧн рӧмъясыс висьталӧны география боксянь регионлӧн аслыспӧлӧслун да войвывса озырлун йылысь.

Еджыд рӧмыс – сӧстӧм лым, лӧзыс – пыдӧстӧм енэж, турунвижыс – помтӧм-дортӧм парма.

Татшӧм жӧ флаг кӧсйӧмаӧсь вынсьӧдны Башкортостанын, но коми парламентарийяс найӧс «панйӧмаӧсь» куим тӧлысьӧн. Башкириялы ковмӧма вынсьӧдны мӧд дӧрапас.

Мед ёнмӧдны дзоньвидзалун

KM 17 1

Август 13 лунӧ Сыктывкарын мунісны Физкультурниклӧн лунлы сиӧм ордйысьӧмъяс.

Спортлысь кыпыд гажсӧ восьтігӧн республикаса физкультура да спорт министерствоӧн веськӧдлысь Николай Бережной пасйис:

—Тайӧ праздникыс ӧтувтӧ спорт радейтысь да дзоньвидза оласногӧ нырччысь войтырӧс. Талун ми нимӧдам найӧс, кодъяс шедӧдӧны спортын гырысь вермӧмъяс, кодъяс отсалӧны мукӧдлы ёнмӧдны дзоньвидзалунсӧ, содтыны выннысӧ, пельклунсӧ. Праздникӧн тіянӧс!

Слӧбӧдаын кыпыд гаж

KM 18 1

Кольӧм субӧтаӧ кыпыд вӧлі Сыктывкарса Эжва районын. Сэні олысьяс да гӧсьтъяс пасйисны Слӧбӧда сиктлы 430 да сысянь пансьӧм Эжвалы 53 во тырӧм.

Гажыс заводитчис асывнас 10 часын. Колӧ шуны, поводдянас эз ёна мойви. Асывсяньыс зэрис-кӧтӧдіс. Но та вылӧ видзӧдтӧг гажӧдчыны воалісны быдса семьяясӧн.

ДЖЕНЬЫДА

KM 19 1

Гижсисны музейын

Кыпыд вӧлі кольӧм пекничаӧ Чилимдінын Андрей Журавский нима музейын, кӧні гижсисны сиктса олысьяс Евгений Чупров да Анастасия Савина.

Бурсиӧм

Виктор Напалков

Шог босьтлӧ, рочасьӧ кор коми,

Кӧть пыдди пуктам ми роч кыв.

Мед эськӧ олӧма и, том и

Эз кедзовт коми сьыланкыв.

 

Мед чужисны на комияслӧн

Выль Виктор Савин, Тима Вень.

Мед радуйтісны гижӧдъясӧн

Выль Юхнин Вась, выль Юшков Гень.

наверх