Радио Юрган

Приёмная/факс: 8 (8212) 24-01-16

Электронный адрес:
smi-komimu@mail.ru

Адрес: 167982 Республика Коми, г.Сыктывкар, ул.Карла Маркса, д.229

Йитчыны миянкӧд

Skype пыр.

Связаться с нами

через Skype.

Коми йöзöдчан керка - № 35 (18236)

«Ичӧтик принцлы» бать-мамлӧн «козин»

khatanzeyskiy

«Эм стӧча урчитӧм кесйӧг: чеччан асылын, мыссян, мичмӧдан-ладмӧдан асьтӧ гӧгӧрбок — и пыр жӧ босьтчы пелькӧдны ассьыд планетатӧ...», — велӧдӧ Антуан де Сент-Экзюперилӧн Ичӧтик принц. Сӧмын оз тай воддза моз нин мӧрччыны миян грека му вылас олысьлӧн вежӧрӧ тайӧ югыд кывъясыс. Тыдалӧ, мортыд дзикӧдз дугдіс лыддьысьнытӧ, ӧтуввез-телевизорысь «вежа» индӧдъясӧн олӧ-лолалӧ да оз и казяв, кыдзи измӧ сьӧлӧмыс...

Йӧзлы кӧ кажитчӧ, аслыд кык пӧв нимкодь

KM 1

«Чушканзі» да «Би кинь» лыддьысьлы бура нин тӧдса тайӧ нимыс. Сыктывкарса педколледжын художествоа-графическӧй юкӧн помалӧм бӧрын Маргарита Беллон уна во йӧзӧдчӧ республикаса журналъясын. Та кындзи мичмӧдӧ аслас яръюгыд серпасъясӧн Комиын петысь небӧгъяс. Ань торъя нин ёна радейтӧ серпасасьны челядьлы.

ОКОТА ЮАВНЫ

KM 2

Миян республикаын, кыдзи и Россия пасьталаын, бара шуӧма босьтчыны ГТО-ӧ. Уналаын нин томулов да верстьӧ, тшӧтш и олӧмаяс, сдайталӧны та кузя нормативъяс.

Кыдзи чайтанныд, колӧ йӧзыслы тайӧ? А тіянлы аслыныд? Гашкӧ, эм нин ГТО значокыс?

Жаль, сюрукыс этша нин кольӧма

KM 3

Сыктывдін районса Паль сиктын олысь Вероника Сидорова зілис ставроссияса видз-му овмӧс переписьын гижӧдысьӧн. Кытшовтіс 478 ас овмӧс.

«Кытчӧ и мунны?..»

KM 4 1

Кольӧм воторникӧ Сыктывкарса Лесозаводысь Валентина Старостенко Вика нылыскӧд тӧкӧтьӧ эз кольны улич вылӧ. Налысь керкасӧ локтӧмаӧсь разьны юркарса администрациялӧн индӧд серти.

Ыждалігад нинӧм оз артмы

KM 5 1

Чилимдін районса Замежнӧйысь тренер Анастас Михеев майшасьӧ аслас быдтасъяс вӧсна. Кольӧм тӧлын Роман Михеев да Вячеслав Гегелев лоӧмаӧсь ставроссияса лызьӧн ордйысьӧмын вермысьӧн. Но, сылӧн кывъяс серти, зонъяс ӧні кольӧмаӧсь республикаса сборнӧйысь тренертӧг да оз вермыны тыр-бура дасьтысьны локтан сезон кежлӧ.

Тӧв паныд сьӧвзьӧм кодь

KM 6 1

Сыктывкарса администрация йӧзӧдӧма азьгумлы паныд чорыд тыш. Мустӧм быдмӧгсӧ, коді паськалӧма видз-му вылын, туй пӧлӧн, керка йӧрын, шуӧма дзикӧдз бырӧдны.

Сӧмын кыдзи? Ытшкӧмӧн!

«Страда» вылӧ мэрия чуктӧдӧма

пӧшти миллион шайт.

Войвылын яръюгыд кодзувъяс

KM 11

Сентябрь 7 лунӧ Сыктывкарын заводитчис Войвывса театральнӧй фестиваль.

Виктор Савин нима драмтеатрын тайӧ гаж дырйиыс петкӧдчасны Москваысь, Перымысь, Котласысь, Карелияысь драма театръяс. Дерт, и миян артистъяс.

Кыдзи висьталіс В. Савин нима драмтеатрӧн веськӧдлысь Михаил Матвеев, медводдза татшӧм фестивальыс вӧлӧма 2013 воын да сиӧмаӧсь Константин Станиславскийлы. Таво жӧ — роч классикалы. Куим во сайын кӧ вӧлӧма фестиваль-смотр, та пӧрйӧ лоӧ конкурс. Жюри кутас донъявны театръяслысь петкӧдчӧмсӧ.

Восьтісны фестивальсӧ Москваысь артистъяс. Петкӧдлісны В. Астафьевлысь «Весёлый солдат». Медся ыджыд кодзулыс — Россия Федерацияса заслуженнӧй артист Борис Галкин.

Водзӧсыс лоас тӧдчана

KM 13 1

Август 30 – сентябрь 4 лунъясӧ Санкт-Петербургын нуӧдісны «Агрорусь» выставка-ярманга. Странаын видз-му овмӧс сӧвмӧдӧм йылысь сёрнитны чукӧртчылісны специалистъяс, а наӧн вӧчӧм сёян-юансӧ видзӧдлыны воліс сё сюрс сайӧ морт.

Сьӧлӧмкылӧмлӧн чуйдӧм серти

KM 20 1

Мужичӧй нуис куим арӧса писӧ ки вылас, сы бӧрся вӧтчисны гӧтырыс да гырысьджык челядьыс. Юсянь пӧльтысь ыркыд тӧвру тӧлӧдіс зонкалысь быгалӧм дӧрӧмсӧ. Семья колльӧдіс батьнысӧ фронт вылӧ. Пароходӧ пуксьытӧдз коли некымын здук...

Тадзи казьтылӧ ичӧт челядьдырсӧ Пётр Ефимович Терентьев. Сӧмын тайӧс и помнитӧ бать йывсьыс, коді 1941 вося декабрын Ленинградса фронт вылын вошис юӧртӧг. Письмӧястӧ сійӧ эз гижлы, мамыс грамотатӧм вӧлі да.

наверх