Радио Юрган

Приёмная/факс: 8 (8212) 24-01-16

Электронный адрес:
smi-komimu@mail.ru

Адрес: 167982 Республика Коми, г.Сыктывкар, ул.Карла Маркса, д.229

Йитчыны миянкӧд

Skype пыр.

Связаться с нами

через Skype.

Коми йöзöдчан керка - № 49 (18250)

Киӧй лудӧ...

khatanzeyskiy

Ёртъяс, гашкӧ, эновтчыны тайӧ гижасян уджсьыс да пырӧдчыны профессиональнӧй спортӧ? Юрын мыйкӧ весиг девиз сяма нин бергалӧ: «Ассьым песлала лысьӧм — нажӧвита уна сьӧм!»...

Войтыр олӧ, ловъя кӧ сылӧн кывйыс

KM 1

Тайӧ том мортыскӧд ме тӧдмаси Сыктывкарса университетын велӧдчигӧн на. Руслан Деревесников воӧма миян войвылӧ Кардор обласьтса Югдін карысь.

История факультетын велӧдчигас на Руслан бура тӧдмасьӧма коми культураӧн, вужвойтырлӧн сёрниӧн да оласногӧн. Аслас курсӧвӧй уджъясын быд боксянь туялӧма Коми Республикалысь историясӧ. Недыр кад мысти том мортлӧн чужӧма мӧвп йитны ассьыс олӧмсӧ миян регионкӧд. Вуз помалӧм бӧрын пырӧма велӧдчыны аспирантураӧ.

АС СИНМӦН

KM 2 1

Дыр нин виччысисны

Нимкодь юӧр воис Изьва районса олысьяслы. «Лукойл-Коми» ООО-кӧд ёртасьӧм кузя сёрнитчӧм серти да республикаса йӧзлысь дзоньвидзалун видзан министерствоӧн содтӧд сьӧм вичмӧдӧмӧн шӧр бурдӧдчанінас вайӧмаӧсь ӧнія УЗИ аппарат.

ОКОТА ЮАВНЫ

KM 2 4

«Известия» газетлӧн юӧр серти, воысьво Россияын пыр унджыкӧн оз вермыны мынтыны кредит, ӧтарӧ пӧ гӧльмӧны да. Таво декабрын татшӧмыс артавсьӧма 9 миллион морт и матӧ джынйыс на пӧвстын – том йӧз.

А ті водзӧсавланныд жӧ банкъясысь сьӧмсӧ? Мый могысь нӧ? И ас кадӧ вештысянныд?

Терпит, скӧтина!..

Изьваса видз-му овмӧслӧн бан да гуг

KM 3 1

Декабрь заводитчигӧн Изьваын коми войтырлӧн быдвося конференция вылын юӧртӧмаӧсь, мый районас сӧвмӧ видз-му овмӧс. Торйӧн ошйысьӧмаӧсь сизябсаӧн. Неважӧн пӧ сиктас воссьӧма выль карта, кӧні видзӧны 208 мӧс.

Тайӧ эськӧ и зэв бур. Но, кыдз тыдовтчӧ, эм и гугыс.

Ухтаын бурджык бурдӧдчыны?

KM 4

Сосногорскын олысьяс чукӧртӧны кырымпас карас челядьлы бурдӧдчанін тупкӧмлы паныд. Вежон сайын лоӧма тӧдса, мый сэтчӧс зонпосниӧс кутасны бурдӧдны орчча Ухтаын.

Бать-мам шензьӧны, кыдзи тайӧ воӧма юрас Сосногорскса шӧр бурдӧдчанінӧн веськӧдлысьлы. Алла Федосенко такӧдӧма бать-мамӧс, Ухтаын пӧ бурджыка отсаласны. Висьысь зонпосниӧс кутасны сэтчӧ нуны асьныс медикъяс. А Сосногорскса больничаын инфекция юкӧнын содтасны койкаяс налы, кодлы «тэрыб отсӧг» ковмас.

Гутӧс кӧ виӧ, мортӧс — ловзьӧд

KM 6 1

Сыктывкарысь Надежда Васильевна Попова дорӧ висьысьяс локтӧны пӧшти быд лун. Кӧть сійӧ и абу врач. Нывбаба бурдӧдӧ турунӧн да гут кулан тшакӧн.

Гут кулан тшакӧн бурдӧдчӧм йылысь Надежда Васильевна медводдзаысь кывлӧма кӧр ви-дзысьяссянь. Томдырйиыс сійӧ уджалӧма экономистӧн вузасян юкӧнын да тшӧкыда ковмылӧма ветлыны командировкаӧ республика пасьталаӧ.

Узьмӧдчылӧма Надежда Васильевна кутшӧмкӧ баб ордӧ. И олӧм-вылӧм йылысь варовитігӧн тӧдмалӧма, кыдзи водзынсӧ бурдӧдчылӧмаӧсь. Олӧма йӧз окотапырысь висьтавлӧмаӧсь том аньлы турунъяс йылысь. А Надежда Васильевна ставсӧ пель саяс сюркнялӧма.

Сьӧлӧмӧ йиджана шоныд серпас

KM 12 1

Сыктывкарса серпасасьысь Анастасия Лабецкаялӧн Москваын воссьӧма «Лики добра» выставка.

Миян серпасасьыськӧд тшӧтш сэні петкӧдчӧ Мурманск обласьтысь Елена Проценко, коді и ышӧдӧма Анастасияӧс котыртны тайӧ выставкасӧ. Енбиа йӧз тӧдмасьӧмаӧсь ӧтуввез пыр да ёртасьӧны. Налысь уджъяссӧ позьӧ видзӧдлыны П.И.Юргенсон нима библиотекаысь январь 30 лунӧдз.

Выставка вылын Анастасия Лабецкаялӧн дас сайӧ удж. Нуӧма сэтчӧ найӧс Гӧрд Затонса «Волна» культура керкаысь «Свет» изостудияӧн веськӧдлысь, нывлӧн велӧдысь Александра Журбенко.

Ачыс серпасасьысь выставка воссигкежлас Москваӧ ветлыны абу вермӧма. Волысьяс вермасны тӧдмасьны Анастасия Лабецкаялӧн серпас-кывбурӧн. Ӧд сійӧ тшӧтш и гижӧ.

Му, кытчӧ окота волыны...

KM 13 2

«Арктика – земля обитаемая» выставка восьтігӧн Россияса этнография музейӧн веськӧдлысь Владимир Грусман шуис Арктикасӧ «Земля обетованнаяӧн».

–Ме эг сорсьы, – гӧгӧрвоӧдіс сійӧ. – Дерт жӧ, Арктикаыс – обетованнӧй му, коді кыскӧ ас дорас, кытчӧ окота веськавлыны. Уна нэм чӧж сэні олӧны йӧз, кодъяс торъялӧны культуранас да оласногнас. Сэтчӧ зільӧны локны да овмӧдчыны и мукӧдлаысь войтыр, кодъяс бура гӧгӧрвоӧны, мый Войвылад овны ни уджавны абу кокньыд, но сӧмын сэні тырвыйӧ верман петкӧдлыны ассьыд вын-эбӧстӧ, тӧдӧмлунтӧ, сям-кужанлунтӧ. Ми, Россияын олысьяс, Арктиканас медводз тӧдмасям небӧгъяс серти. Коді нӧ миян пӧвстысь челядьдырйи либӧ том кадӧ эз лыддьыв «Два капитана», «Путь на Грумант» книгаястӧ? Гашкӧ, та вӧсна и Питерын, Арктикасянь ылын, миянлы матын войвывса олӧмыс.

наверх