Радио Юрган

Приёмная/факс: 8 (8212) 24-01-16

Электронный адрес:
smi-komimu@mail.ru

Адрес: 167982 Республика Коми, г.Сыктывкар, ул.Карла Маркса, д.229

Йитчыны миянкӧд

Skype пыр.

Связаться с нами

через Skype.

Коми йöзöдчан керка - № 51-52 (18252-18253)

Петук мед оз кокав!

khatanzeyskiy

Мый кӧть эн шуӧй, а кассяна воыд — кассяна и эм. Уджъёртъяскӧд шуим вӧчны 2016 волы кывкӧртӧд, да ӧтувъя серпасыс кутшӧмакӧ шогӧ уськӧдіс. Ӧтторъя воюйтӧны, помся кувласьӧны йӧз, экономика «восьлалӧ» лёкысь чотӧмӧн, а политика дзикӧдз дурмӧма... Дженьыда кӧ, лёк юӧрыс вевтыртіс бурсӧ.

И со ми арталам нин волысь бӧръя лун-вой, лача кутам, мый январь 1 лунсянь олӧмыс ладмас. Но...

Выль воӧн!

KM 2 1

Коми Республикаын пыдди пуктана олысьяс!

Дона ёртъяс!

Сьӧлӧмсянь чолӧмала тіянӧс матыстчысь Выль воӧн да Рӧштвоӧн!

Тайӧ праздникъясыс – кыпыд нока, шань аддзысьлӧмъяса, нимкодь кӧсйӧмъяса лунъяс. Восӧ колльӧдігӧн миян пӧвстысь быдӧн вӧчӧ кывкӧртӧд, аскиа лун кежлӧ могъяс индӧ, выльвося коз дорын гуся мӧвпъяссӧ думыштӧ.

АС СИНМӦН

KM 2 3

Бурӧн казьтылам

Сыктывкарын Печать керкалӧн стенӧ меститӧмӧн кыпыда восьтісны Коми АССР-са Министръяс Сӧветӧн веськӧдлысь Павел Александрович Безносовлы сиӧм мемориальнӧй пӧв.

ОКОТА ЮАВНЫ

KM 2 6

Эг и тӧдлӧй, бӧрӧ колис 2016-ӧд воыс. Кассяна вӧлі, гороскоп серти кӧ, ӧбезьяна ыджыдаліс, но, кыдзи и быд пӧрйӧ, Выль вося пызан сайын сійӧс вочаалігӧн эским, мый миян ставыс лоас бур.

А збыльвылас тіянлы кутшӧм вӧлі 2016-ӧд воыс? Эм мый бурсӧ, тӧдчанасӧ казьтыштны?

Паметьӧ йиджис...

KM 3 1

Январь

Январь 1 лунсянь Комиын йӧзӧс социальнӧя дорйӧм йылысь оланпас вылӧ подуласьӧмӧн ЖКХ услугаясысь мынтысигӧн кокньӧдӧн вӧдитчысьяс пиысь быдӧнлы шуӧма бергӧдны сьӧмсӧ стӧча урчитӧмӧн, сы вылӧ видзӧдтӧг, ыджыд-ӧ патераыс, уна-ӧ сэн олысьыс да с.в.

Мед выльвося войӧ Кӧдзыд пӧль волас...

KM 4 1

Выль воыд — медся радейтана гаж и челядьлӧн, и верстьӧлӧн, кор, чайта, быдӧн эскӧ кутшӧмкӧ дивӧӧ. Весиг верстьӧ лоӧ челядь руаӧн. Тыдалӧ, выльвося войыс збыльысь вежӧ морттӧ.

Ме кӧть и важӧн нин абу челядь, аслам нин кыкӧн быдмӧны, а быд во жӧ выльвося мойдтӧ виччыся.

А дум вылӧ мыйлакӧ ичӧтдырӧй усьӧ. Ыджыдвиддзын бать-мамлӧн керка, орччӧн — ыджыд мамлӧн. Кыкнанныс вевттьысьӧмаӧсь еджыд эшкынӧн. Чайтан, ставӧн нин сэні узьӧны, но... Мишӧ воккӧд виччысям Одыбысь Ира чойӧс. Ыдж-ыд мамлысь юасям, кор нин воасны. А ыджыд мам нырнымӧс чатӧртлас да видзӧдлас сэтчӧ: «Сӧлісны нин автобусӧ, локтӧны, регыд воасны.» А асьным воккӧд думайтам, мыйла ыджыд мамлы ныр розьысь ставыс тыдалӧ? Челядьдырйиыд тай вежӧрыд абу.

Кӧдзыд пӧльлӧн чужанінын

KM 13 1

Ӧти рыт батя-пиа садикысь локтӧм бӧрын пыригмоз на, порог вомӧн весиг эз удитны воськовтны, шуисны меным, кӧсъям пӧ Югдінӧ Кӧдзыд пӧль ордӧ гӧститны ветлыны! Но, мися, зэв тай бур...

Аскинас пуксим верӧскӧд ноутбук сайӧ, пырим ӧтуввезйӧ да вель ӧдйӧ корсим гостиница (комиӧн пӧ гӧстиница, — шуис Егорка пиӧй) да ньӧбим поездӧ билетъяс.

Оліс-выліс мойд...

Декабрь 13-15 лунъясӧ юркарса 18-ӧд номера школаын ми нуӧдім «Оліс-выліс мойд» фестиваль-конкурс. Воддза кык лунас петкӧдчисны миян 1-8 классъясысь ныв-зон, а коймӧд лунас – Сыктывкарса дас велӧдчанінысь челядь – ставыс чукӧрмыліс 400 гӧгӧр морт.

KM 14 1

Ёма-Бабаӧс, Вӧрсаӧс, Яг мортӧс, повтӧм вӧралысьӧс, сиктса войтырӧс, уна сикас пемӧсӧс ворсігас найӧ шензьӧдісны видзӧдысьясӧс да петкӧдчӧмсӧ донъялысьясӧс коми кыв бура тӧдӧмнас, мича сёрнинас, артисталан сямнас, синмӧ шыбитчана паськӧмнас да декорацияяснас. Жюриӧ пырысьяс пасйисны, челядь пӧ лӧсьыда дасьтысьӧмаӧсь фестиваль кежлӧ, тыдалӧ пӧ и налӧн, и велӧдысьясыслӧн, и бать-мамыслӧн конкурс вылын бура петкӧдчыны кӧсйӧмыс.

Выль воӧн!

Коми Республикаын пыдди пуктана олысьяс!

Чолӧмалам тіянӧс чуймӧдана гажа праздникъясӧн – Выль воӧн да Рӧштвоӧн!

Выль во да Рӧштво – абу сӧмын праздникъяс, тайӧ лунъясӧ ми ставным виччысям олӧмсьыс мойдын кодь вежсьӧмъяс. Курантлӧн шы улӧ вомгорулын шӧпкӧдам дум-кӧсйӧмнымӧс, сиам ёрта-ёртлы став бурсӧ.

Важ воас ми колям став ковтӧмсӧ да омӧльсӧ, а выляс босьтам аскӧдным бур йывсьыс казьтылӧмъяс – сійӧс, мый нимкодьӧдіс миянӧс, кыпӧдіс ловнымӧс, лоис тӧдчанаӧн да колис вежӧрӧ.

Колӧ ёнджыка песны асьтӧ...

KM 25

Вадим Изъюров — том специалист, некымын тӧлысь на велӧдӧ Нёбдінса школаын физкультура. Но сиктад быдӧн быттьӧ ки пыдӧс вылын, абу сьӧкыд донъявны выльӧн локтӧмтӧ. Кыдз тыдовтчӧ, Вадим Изъюров лоӧма ас мортӧн и верстьӧлы, и челядьлы.

Школаӧ пыралігӧн (буретш сэки ставныс дасьтысисны Выль вося гаж кежлӧ) казялім, кыдзи ныв-зон малямушъяс моз физкультура велӧдысь дорын и гӧгралӧны-бергалӧны. Бур, кор челядьлы верстьӧ мортыд — медматысса ёрт. Сыкӧд позьӧ и гусяторйӧн юксьыны, а ковмас кӧ, отсӧгла на шыӧдчывны...

наверх